毛毛真係學識去廁所????????

最近毛毛好似識去廁所,好似囉~:056:
點解咁講呢~等我詳細咁講下啦~:041:
話說一開始,睇晒所有點教兔仔去廁所嘅OST~
金眼火眼咁睇實佢中意去邊個角,
睇下睇下兩日都係果個角,買左個三角形廁所俾毛毛~
心諗無死啦~就放個廁所係果個角~
點知個衰女包當左廁所係睡房:046:
之後又係第二個角....:077:
同兔媽研究左好耐,會唔會係個廁所唔夠味呀~?
定係個廁所有蓋唔好呀?
定係個廁所唔夠大呀?
好多假設,都試左好多方法,一亂柯就話佢,洗籠,用消味劑,用醋,咩都用過晒:044:
都係唔得....:043:
但心諗,唔可以放棄!!!:052:
問左好幾間寵物店,紅XX呀~Q-XXX呀~ZXX呀~I LOXX X呀~
各路高手教嘅方法,小弟都用過晒,得出:"俾D心機教啦~":068:
之後係我返工路上睇到一間寵物店,X奇XX小品~
個店主有幾分似SO C黃...:027:
之前上網見過有人話呢間鋪D人好串,又惡,又無禮貌,又點點點咁...:065:
但係...估唔到佢教左我好多野~:061:
由點放個廁所到點放D草到俾D咩兔兔食到點幫佢檢查都教埋~!!:051:
我不得不大叫一聲師傅~!!!!:010:
佢教我買個長型廁所放其中一邊,之後唔好用草架放晒D草係地度,毛毛一食草就推佢去廁所~
我果刻突然諗起:"不要讓父親活在廁所"嘅廣告...:066:
過左2日,毛毛明顯係乖左DD,有時我係度佢都會去廁所柯尿食草~(好似怪怪地...):025:
當然~有時都會去另一邊...
如是者有一日心血來潮,無啦啦買多個廁所2號,放埋另外一邊~!!:057:
姐係一邊一廁所,中間堆草同糧兜~
過左幾日,我發現我輕鬆左好多~:032:
每日只需要早晚清理廁所2號就得了~:061:
但咁樣算唔算叫識去廁所呢...:029:
有諗過拎走廁所1號,但毛毛鬼死咁愛佢...一拎走就發顛:022:
但廁所始終都係網底,驚佢訓得多又有咩腳倉咁,所以我係廁所1號上面鋪左塊布~
依家毛毛淨係去廁所2號柯,但會係廁所1號訓...:008:
但都係果句啦~
毛毛咩樣真係叫學識去廁所???:077:

我囝囝都係咁~
好鬼死鍾意係個廁所上面訓....
有咩辨法丫~ #^37^#

因為我有2個廁所,所以一個用黎柯,一個用黎訓...
但如果你得一個廁所就...要搵高人指點了...:044:

都work wor!
起碼佢係固定去廁所no.2
你可以試下放毛巾上廁所no.1度
變左張真係舒服的床
等佢慣左先囉走廁所no.1
留底d毛巾俾佢
咁個角落就會變成佢的床位了~~

原帖由 fatfat 於 2010-12-30 12:12 AM 發表
我囝囝都係咁~
好鬼死鍾意係個廁所上面訓....
有咩辨法丫~ #^37^#

佢一去訓你就點下佢個頭囝講no牙吾準.
一見到就講.一見到就講.
次次講完之後都要抱返佢出黎.
同佢講吾准去廁所訓教教豬嫁.
試下呢個方法得吾得啦.
因為我之前都試過行得通.
旦系吾知用系你既兔兔度行吾行得通.
不過試下都好既;')

毛巾佢會咬啵~咁點算?:063:

重有一個問題,佢有時會係1號柯屎,佢訓返上去會唔會唔好咖?

嚮屙左屎屙左尿的嚮廁所上訓係唔好
所以搵d野cover會好d~
唔用毛巾可以用小動物草蓆
咬都唔怕~~

原帖由 Stone2046 於 2010-12-30 12:44 AM 發表
重有一個問題,佢有時會係1號柯屎,佢訓返上去會唔會唔好咖?

兔兔既尿尿系有一定既溫度既.
如果兔兔訓返上去系有機會灼傷佢d皮膚嫁.
所以你可以買vetbed放上1號廁所度.
vetbed會將兔兔d尿尿透返落去個廁所度既.
兔兔吾會接觸度尿尿.又方便打理.
將一張vetbed剪成幾張仲可以更換tim;')

原帖由 Stone2046 於 2010-12-30 12:42 AM 發表
毛巾佢會咬啵~咁點算?:063:

如果佢會咬毛巾既話.
就吾好比毛巾佢直接touch到啦.
等等佢食d毛巾就吾好啦.
因為吾知兔兔消吾消化到毛巾既.
消化吾度就會搞到腸停嫁啦.
無謂令到兔兔有腸停既危險啦.
所以.安全起見.都系吾好比兔兔touch到毛巾啦.
或者你可以試下教吾教到兔兔吾咬毛巾.
就好似教佢吾去廁所訓既方法咁.
一見到佢咬毛巾就用手指點下佢個頭講no牙吾准.
一見到就話一見到就話.
比d耐性試下得吾得.
希望你成功啦;')

我隻兔兔好乖....#^51^#
一放個廁所落去佢就識去啦....
但有時會係地下去囉.....

原帖由 bbandwingki 於 2010-12-30 01:30 AM 發表
我隻兔兔好乖....#^51^#
一放個廁所落去佢就識去啦....
但有時會係地下去囉.....

你隻兔兔好聰明哇;')
旦系我隻兔兔就要教了-3-
隻衰兔而家都識去的說

原帖由 crystal_xd 於 2010-12-30 01:05 AM 發表

兔兔既尿尿系有一定既溫度既.
如果兔兔訓返上去系有機會灼傷佢d皮膚嫁.
所以你可以買vetbed放上1號廁所度.
vetbed會將兔兔d尿尿透返落去個廁所度既.
兔兔吾會接觸度尿尿.又方便打理.
將一張vetbed剪成幾張仲可 ...

尿灼傷應該同溫度無關架bor
係兔兔既尿葉住左d皮膚令到佢發炎
情形就好似bb唔勤換尿片up住就會起疹咁

我教廁所係一開始放d佢尿尿同屎屎落去~
之後一段時間好留意佢~ 一見佢想尿(gut起patpat~)就推佢上廁所~
萬一尿左係地下就指住d尿再指下廁所，之後抱佢上去~
由初初20%柯係廁所 到而家三個月差唔多90%了#^9_003^#
真係要比心機呢~
不過樓主個方法真係好新奇XD  樓主加油!

原帖由 angelaska 於 2010-12-30 03:12 AM 發表

尿灼傷應該同溫度無關架bor
係兔兔既尿葉住左d皮膚令到佢發炎
情形就好似bb唔勤換尿片up住就會起疹咁

我教廁所係一開始放d佢尿尿同屎屎落去~
之後一段時間好留意佢~ 一見佢想尿(gut起patpat~)就推佢上廁所~
...

記錯左tim.吾該晒你哇;')你教埋我thx

都係睇呢度既兔友講^^"
我豆豆既前任主人搞到佢兩隻腳仔同pat pat都灼到甩晒d毛...
真係好心痛

所以有時寧願惡死少少話佢都希望佢識去廁所唔好傷到自己#^56^#