梳毛分享

比比佢係短毛既兔兔
但係佢係冬天d毛都長左厚左好多
搞到我以為乜佢大得咁快


我日日係籠度食野時梳佢兩下
因為佢抱唔定，趴係大脾上一半分鐘都冇就走人
捉都捉唔住，一d耐性都冇
唯有係食野個陣任得你舞佢

前兩日終於有時間佢同佢好好地梳一次
初初佢都唔鐘意成日係籠度跳尼跳去
但係當我梳度去下半身pat pat 同尾個part時
佢就定左好多 因為梳左好多毛出尼
初初見到佢玩到一屋都係毛時以為佢換毛一定會係咁
原來係兔奴梳得唔夠仔細
淨係梳左佢自己洗潔到既位
梳下梳下佢越尼越合作 仲拉長埋個身比我梳
趴係度磨埋牙仔 好舒服咁
最後佢成個細隻番 我直頭梳左個成個pat pat出尼
佢條尾重見天日

係尼次發現原來係兔奴未做得足夠
服侍公主時都係要盡心d #^51^#

我直頭梳左個成個pat pat出尼
佢條尾重見天日<<<<哈哈....好搞笑



我果2隻都好似你咁...
反轉都5肯..
抱都還可以..
又係正係食野果陣先梳到..
但係PATPAT位難梳D
肚仔直頭梳5到...
上次帶佢去兔拹梳...
佢地背同PAT位都無乜死毛..
肚仔就好多...
所以最難都係肚仔位...
近排佢地肥左..
我仲以為係多毛左..
原來真係肥左...
有時5係想做得5夠..係仲未做到:016:

最後佢成個細隻番 我直頭梳左個成個pat pat出尼
佢條尾重見天日  < 有冇咁誇張? XD

PILLOW又係咁架
係佢食野果時先可以定少少咁梳
不過因為我唔想佢食野果時搞住佢同埋佢食野都會郁離郁去
如果唔係冇計我都唔會去搞佢
同埋我覺得咁樣梳都唔夠
最好係佢肯坐定定pa係度比我梳果時

我最想梳既係佢心口條fur
跟住就係佢肚仔
不過我反佢就算夾住左佢都勁反抗反身走人
再格硬捉住佢佢又反抗到飛甩兔毛
之後佢就好攰咁攤係度...........
呀仔, 媽mi都好攰呀

[ 本帖最後由 PILLOW.MA 於 2011-1-3 10:39 AM 編輯 ]

未梳pat pat之前佢條尾只可以用"個"尼形容
因為得一個圓波仔咁
依家佢先show番佢"條"短尾出呢

比比佢依家都可以反轉一陣
肚仔摸就得
梳肚仔就手一定會開花
就算你唔怕唔抓你都係梳唔到
梳左一下次後佢就逃走
你再反佢都唔比反:016:
甚至打兔拳 XD

係兔協佢就乖d
都梳都到幾下

[ 本帖最後由 Riela 於 2011-1-3 02:06 PM 編輯 ]

係啦..
我果2隻比兔拹梳..就梳到
就算掙扎都好快比兔拹既姐姐好快手捉番
所以佢地先放棄...掙扎
2隻野就正係先恰我
係呢..有樣野想問
點解...d兔兔乜5係好中意出籠玩架咩
琴晚第一次見到
佢掛住食野5出黎..
就算出黎都係兜個彎再入番籠到發下呆..食下野..
要推下佢///先肯望一望個籠出面...跟住繼續發呆..
但平時放佢出黎..佢都玩到5肯番籠架wo...
yy咁反常既琴晚..

比比有時都會咁, 就算開左門佢都係食草唔理
食到差唔多先出尼
有時餓就會出尼跑一陣, 再入返屋企再食過
最近天氣涼左, 比比都好中意發呆
仲特別中意雪櫃, 好中意痴住到雪櫃門坐係到休息

就算係人有時都會有唔想玩既時侯, 即使佢唔想玩咪照開門
到時到侯佢mood到就自然會周圍跳

一日半日冇咩事既
但係如果佢長期係咁就有可能有問題
有可能係周圍有野另佢怕出籠

[ 本帖最後由 Riela 於 2011-1-3 03:09 PM 編輯 ]

我隻兔仔開左門都未必出來，佢要夠鐘先出黎玩… 或者拎佢D玩具出黎先出.