BB的腳底毛

前果排見BB既指甲好長, 於是帶左佢去俾1個好有經驗既女人度groom..
果個女人係做boarding服務既, 之前我地都試過將BB放係佢度幾個星期
咁見個女人有板有眼, 就帶BB去俾佢groom啦..
點知!
佢剪左指甲之後話..BB腳底毛太長..要修下佢...
我就話:「係我都知係好長但唔係厚先好咩」
佢話: 「太長既話佢地會整污糟架, 會踩到廁所入面D尿尿架」
2話不說就拎個電剪修BB既腳底毛...
我一邊睇住佢剪一邊擔心, 但又唔知點反駁佢
好在佢真係冇剪短, 係修走邊邊位既長毛同埋個底少少
咁果日開始我就好驚BB生腳瘡..
日日係咁睇佢腳仔有冇紅..好在都冇..
我真係好唔明到底係咪真係要修下架? 定係由得佢長成點都冇所謂?
因為BB腳底毛係佢未修之前係真係好多好長好厚架,. (佢而家先10個月大)
唔該晒咁多位#^54^#

你係客人嘛, 你應該堅決話唔好剪
側邊既可以修, 腳板底就梳返順就ok

腳底毛生得厚咪好囉....我隻女就係因為腳跟毛簿,領養返黎果陣,見到佢怪怪地...成日縮下縮下隻腳,我開始果陣幾驚佢係d腳骨有事....撥開d腳跟毛睇...發現原來係一個好大既腳枕,差唔多3cm長:027: 我隻女只係一隻侏儒兔....隻腳唔係好大架咋:063:

有枕果個位無毛....而家都係靠左右兩邊既毛遮住個枕,同埋比墊兔兔踩,先無縮下,縮下隻腳

我會幫兔兔梳腳板毛,梳返順d,鬆軟好多

下, 有個腳枕???噤最後個腳枕有無退左呀???