兔女絕育前要準備些什麼？

見一些絕育貼都她絕育後會厭食，所以會給予菜菜。
我想確實一點問（因為她絕肓期將近），到底兔女絕育前要準備定ｄ咩？
待她絕育後，我要注意些什麼？
她會維持多久厭食等情況？

拍謝啦∼希望有人回答，因為實在太怕到時候會焦急得不知所措，所以過來問一下準備一下。

最好做手術既時間~手術會有最小1個鐘時間...
你可以回家清潔籠或預早一日清潔

手術後兔兔會很累,加上帶上頭罩,,不宜比佢走動
假如籠有2層的(建議拆除)

兔兔跳上去的話,傷口有機會裂開,或撞到兔兔

自己經驗所以兔兔傷口好快好番
加上甘岩有個人兔兔主人話我知=]

希望幫到你~

原帖由 kwankiuleung 於 2011-3-25 11:02 PM 發表
最好做手術既時間~手術會有最小1個鐘時間...
你可以回家清潔籠或預早一日清潔

手術後兔兔會很累,加上帶上頭罩,,不宜比佢走動
假如籠有2層的(建議拆除)

兔兔跳上去的話,傷口有機會裂開,或撞到兔兔

自己經驗 ...

咁洗唔洗買定ｄ菜菜俾佢食用？定係照俾乾草佢食？
糧可以照食得的對嗎？#^66^#

其實佢肯食0既我都會比佢食(無論係糧/菜,但佢0地會冇胃口..比佢都唔食)最好你有草粉,佢唔肯食0野就要餵佢,等佢唔會餓親~
我隻兔上星期做完,一日之後就有返胃口la~~

其實個姑娘會同你講番

我係九龍醫院幫bb仔做

都幾好架~

菜都可以食,糧都可以
但都係食草粉先...佢肯食就最好,唔食就要問下可能有咩問題@@
之後就可以食番草

我都係book左九龍醫院@@dr.betty
因為聽講佢睇兔仔唔錯。

本來我媽話要去spca做，但無保證，所以唔肯。

頭罩應該點處理？因為我隻兔兔好中意ｌａｍ自己身，所以一定要有頭罩；但應該邊個時候脫下來邊個時候穿上呢？

頭罩會唔會影響佢心情同食慾？

頭罩係重架啦對兔兔黎講@@
最主要唔好比兔仔整到傷口,
lam唔到毛的話,那主人要勤力d幫佢梳下毛...

冇記錯的話~
大約帶1個星期左右
同埋要覆診~睇傷口

原帖由 kwankiuleung 於 2011-3-26 11:07 PM 發表
頭罩係重架啦對兔兔黎講@@
最主要唔好比兔仔整到傷口,
lam唔到毛的話,那主人要勤力d幫佢梳下毛...

冇記錯的話~
大約帶1個星期左右
同埋要覆診~睇傷口

咁想請問兔女要幾大絕育比較安全ｄ呢？:002:

7個月-1歲, 醫生會判斷佢生育器官是否夠大可以切

切完後, 最緊要跟醫生指示比藥佢食, 重有要餵足草粉
當你陪伴佢時, 若兔仔唔攪自己傷口, 可以不帶頭罩; 但當你返工時, 一定要同佢帶返, 除非你100%肯定佢唔攪自己傷口

1-2日內, 兔仔漸漸恢復食草食糧,  見屎屎正常大細後就可以放心

我隻兔女6個月大絶育, 無帶頭套, 無食草粉. 絶育之前一兩日俾多D糧同草佢食, 等佢多D營養. 同埋洗乾淨個籠, 減少感染. 因醫生同佢打"皮下水", 所以返黎一日差不多完全唔食野同飲水, 但無問題, 最重要俾個安靜環境佢休息. 絶育後第二至三日佢都唔願食野, 我要親手餵佢食"果樹草葉"同糧, 同佢鍾意的零食和新鮮菜, 但都食得唔多, 總之食到少少和有便便(十多粒)都OK. 一定要俾佢鍾意食的野俾佢食, 令佢有胃口. 因為傷口痛, 佢會唔多願爬去飲水, 所以俾新鮮菜佢補充水份.

B女一星期左右她的飲食才完全恢復正常. 而我的B仔三天便康復, 快過B女.
如果絶育後24小時一粒便便都無, 第二天都唔食野, 就要見醫生.
我問過醫生, 如非必要, 都唔洗帶頭套.

聽過SPCA的VET同兔兔做絶育的功夫麻麻, 所以都係貴少少搵兔兔VET好D.

阿女琴日朝做完絕育手術

前一日都無咩特別做過D乜...
琴日返到黎呆呆地囉
不過到左夜晚6,7點左右...
已經肯食D菜,同埋飲水...
無帶頭套無食草粉~~

今日超生猛....
不過我都無俾佢跳高跳低喇..驚爆線...

想問絕育手術費用大約多少.

我係屯門做....
DR. GERRY
$1150

thanks, 屯門太遠

我同佢book時間時問過價錢
我隻兔女1歲大。佢話1300左右,,
都唔知計唔計埋藥(我估唔計)