唔知有家會點樣防止兔兔咬電線呢?

兔兔咬電線是常有的事，
之後一直搞到我頭痛左好鬼耐（誰叫家中多電線呢∼∼）。
有次忽然間居然無哂電，用緊電視者無得睇，玩緊電腦者（我）；突然俾人熄哂野，跟住ｏ左咀。

之後，有位師傅上黎檢查一下電線；即使最終都唔關兔兔咬電線事，但當佢一望電腦後面既電線時；就忍不住感嘆一聲：

ｅ．．．再咁搞法，你地玩玩下電腦可能會觸電喎。

語畢，Ｂ家眾人終於明白事件嚴重性－－

一來驚佢觸電，二來驚我地觸埋一份；再這樣下去，找天我上來MINI-HOUSE打打下字可能會電爆左。（當然，那是上這個壇前幾個月發生的了）

於是乎，在咁危急既情況下，我地為每一條電線弄上一些膠管在外面作保護；最重要既電線包兩層。

之後ＢＢ佢起勢咁咬都咬唔入啦，而且膠管大，咬左我地都即刻發現得到∼


以下指住部份是某條圈上膠管的電線：
唔知大家會用咩方法阻止？唔通大家都係用膠管＠＠？

買電奴線套套住LA~

真係曳曳!!~hahaaaa:063:

冇計...
真係要花d心機同時間去包好/收好晒d電線...:026:

5好比佢找到電線
眼睛跟住佢走

我同你一樣,放佢出來一定要牛錦眼睇住佢:056: :056:

原帖由 phoebe 於 2011-5-4 09:33 PM 發表
我同你一樣,放佢出來一定要牛錦眼睇住佢:056: :056:

哈哈.做埋眼部運動
就系有1次冇睇住佢跟住失蹤左
嚇到我.好彩系個洞找番佢

我以前都係成日心慌慌,驚佢搞事,:077:
上年約滿搬新屋果陣, 盡量將所有可以既電線都整高哂~
依家都幾係安全,MIMI係放養架:045:

都冇計架喇喎...
唯有睇實佢啦~~
佢會唔會牙痕呀?食莖多唔多?!

加電線套係最直接方法!

我地冇用電線套包電線呀
所以佢咬到我APPLE D USB線爛到用唔到= =
而風扇條電線佢得閒就咬下
門後條隙佢又得閒就捐入去咬果度條線
不過我唔知果條係咩線
除左呢D都冇線比佢咬到
而家見佢想咬風扇條電線既話就叫住佢

我家少爺Happy仔昨日一不留神，5秒就KO我條音響線，真慘！:050:

之前BB已經咬爛過幾條線，全部都係包括上網線，電話線等重要線（汗）。
以前都諗過，好唔好牛咁眼咁望住佢。
只係由於電線太多，同埋佢係放出黎養；所以再咁搞法眼可能會抽筋:036: 。

而家係電腦有幾條無包既就放高Ｄ，有包既就任佢咬；
基本上而且損壞程度已經大大少左＠＠！

而且我隻兔兔咬莖近排多左，可能真係牙癢癢；算啦＝＿＝，佢由細到大都咁牙癢癢，
已經囧掉了。

原來兔兔咬線係咁可怕的...=_=
靜妍係我家冇咬過一條線~
佢細果有一次真係打算咬的,
但第一次咬線的時候我就已經鬧得佢好緊要+坐監,
可能因為咁佢怕怕,所以就冇再咬過喇~

因為呀B有前科，一見佢行去電線ge地方會趕佢走.

佢用籠養平時都會發牙痕亂咬野(成個籠得d鐵/涼板唔咬...可能痛)，我地間唔中會比舊草餅/木條佢刨下.