大廈停電24小時, 點搞?

我住的大廈下星期要進行緊急電力維修,星期1中午12點停到星期2下午4-5點
足足24小時有多
近排天氣咁熱, 好擔心兔兔會熱得滯.

雖然我家合桃(應該)唔係好怕熱, 但點都會有o的擔心
例: 30度大熱天佢可以pa係冇開窗既房間"登"底訓足半日, 當時其他地方係開曬風扇冷氣或放左冰種

一定會預先雪定1X公升水係冰格, 但唔知實際可以凍得幾耐
問過朋友可唔可以讓合桃借住一天, 可是朋友要出差所以不方便打搞
已經諗埋最差狀況就係塞佢入手提籠去24小時M記坐:043:

有冇兔友試過咁情況? 有咩抖涼辦法?? 求教~

如果朋友唔得, 可以就搬個籠去陰涼且空氣流通既地方, 兔兔會自己又去涼既地方訓

去 M 記反而唔好, 雖然有冷氣, 但好吵, 兔兔只會驚

用電心風種加冰種
你盡少打開冰格門.用先拿冰種(或準備10支雪冰既水.甘可分10次用)
應該可以頂到

如果解決唔到
唯有帶佢去寵物店/兔友家暫住
點解可以停電停>1日咁耐-.-

你有沒有冰箱(出街個種),去超市買冰,將冰種及冰放入去,捱住先

一日要兔兔在袋內兔兔會唔開心，最好有朋友在附近住，幫手雪住D水和冰種，這樣就最好了！外置式電池（有USB頭）加USB風扇都可頂幾粒鐘。:053:

買定一d雲石版果類既野俾佢訓，
另外可以雪定ｄ冰種先；
都頂到五．六個鐘既。

ｏｒ可以搵朋友幫手雪雪；
最好就係早上至晚上９點時帶佢去朋友屋企，雪冰種順便嘆下冷氣。
跟住晚上等天氣降溫再番屋企，
到時俾定ｄ冰種同雲石版佢過一晚。

咁就應該好好多的了∼

點解會停電停一日咁耐 = =...
唔好話兔兔.人都頂唔順= =...
盡量放兔兔去d陰涼既地方啦.
加d冰種俾佢應該都捱到既..
不過d冰種可能捱唔到咁耐= =可能要搵朋友幫手雪住先..

早上及夜晚將兔兔放在最通風又陰涼的地方, 應該無咩大問題, 只係要處理中午及下午最炎熱的時段, 你可以去超市/便利店買一包包的冰粒, 用毛巾包住俾兔兔挨。不過, 唔係間間店有冰粒, 有可能要搵一搵。

不如試下問兔協,可唔可以幫幫手打尖比兔兔住一日

依家都唔係太熱姐, 搬個籠去陰涼, 空氣流通既地方應該ok 無咩問題,
合桃又唔係好怕熱, 唔使咁大陣仗啊.....

感謝各位兔媽兔爸
順利過完大停電\(=A=)/

完場總結:
當天室內溫度27-28'c左右, 有微風
一天前雪定12支水, size由500ml~2L不等, 另加3個吉吉島$10藍色細冰種
水樽放籠外/活動空間, 冰種在籠內
兔兔剛被兔奴用非常不完美的手法剪完毛

體驗報告:
1.5L水樽效果最佳, 平放可涼到5-6小時左右
同場亦有2L果X先生肥水樽, 可捱更耐, 不過因身形笨重只適合直放,浪費涼氣
大水樽使用時最好先用毛巾"煎"底, 以免外面的水珠太多會造成水浸
大概隔3-4小時檢查及更換新冰樽
雪樽前預先排好冰樽使用先後次序, 放櫃門的首先使用

兔兔實況:
證實合桃的不怕熱!
佢寧願用頭頂開水樽,直接PA係木板地訓!
全日食量正常, 訓少左但活動正常

好! 我認我係太杞人憂天了!!

合桃成功過渡就好啦:001: