給最好的 給家人 --- 給最好的 給兔兔

每當有人來到我家看到兔兔的籠就會說
「嘩 做佢好過做人」

對我而言 他是我生命中其中一個很重要的角色
沒有他 這三年多我不會如此快樂

記得廣告曾經說過
「給最好的 給家人」
敢問 兔兔是否你的家人
如果你能毫不考慮 答我「是」
相信你一定不會對以下兔友的行為而感到驚訝
因為她們的的確確把兔兔當作自己的家人

為了兔兔二十四小時全天侯開著冷氣
為了兔兔有更大的空間把屋企三份一的地方都給了兔兔
為了兔兔花一筆十分龐大的資金在兔兔的醫療上
為了兔兔 每天除了上班 就是照顧兔兔
為了兔兔 不敢離開家門超過二十四小時

會經常把兔兔掛在口唇邊
會不經意與兔兔說話

總而言之 把自己所有所有最好的都給了兔兔

原因很簡單
我們感到悶時 我們可以選擇看電視 上網 逛街
但兔兔 只能困在籠內 等我們陪

我們感到不舒服 我們可以自己去找藥吃 找醫生
但兔兔 只能忍受 等我們發現 等我們帶他們去看醫生

我們有任何不滿 我們可以為自己說話
但兔兔 不能 只能用一些行為告訴我們 希望我們明白

我們可以選擇朋友 愛人 選擇前路
但兔兔 卻沒有權利去選擇主人 選擇自己的一生

我們擁有很多
但兔兔只擁有我們

我們是兔兔的唯一
兔兔是你的唯一 還是你生命中的一個過客 一件玩物

我希望不論是兔友 還是有興趣養兔兔的人都三思
「停一停 諗一諗」的確能阻止很多悲劇發生

記得有人說過 這個論壇的人很不友善
我相信 兔友大多都是友善
所謂 愛子心切 同樣 我們是 愛兔心切
大部份的兔友視兔兔為自己的命根 比一切來得重要

因為我們有的是經驗 我們才有資格跟你分享這些經驗

有人問 想多養一隻兔兔 好嗎?
我相信九成九的兔友都說 請三思.. 然後解釋很多令你聽不入耳的說話
所謂 忠言逆耳 …  合你的說話 永遠聽不到
敢問 多養一隻兔的目的是甚麼?
是你寂寞 還是兔兔怕寂寞?
兔兔可曾跟你抱怨過他寂寞
你有沒有想過 多一隻兔兔回家對原有兔兔的影響有多大…

有人問 想幫兔兔生BB 好嗎?
我相信 最有資格分享的人 就是兔兔曾經懷孕的兔友…
兔兔生育能力多麼的強 你能支持四隻以上的生活開支嗎?
錢 精神 時間 兔兔的健康 …. 你能一一應付嗎??

有人問 我想養兔兔 可以點?
買之前 「停一停 諗一諗」
養兔兔的原因是甚麼?
我相信 是因為兔兔可愛..
有沒有想過之後的事…
錢 精神 時間 兔兔的健康 家人的接受程度 你的將來…
有人因為生了小孩 而放棄兔兔
敢問 倘若你把兔兔當作自己的親人
你會否因為生了小孩而遺棄自己的親人

有人因為鼻敏感 而放棄兔兔
有人因為兔兔有病 而放棄兔兔
有人因為對兔兔失去興趣 而放棄兔兔

有人視兔兔是

自己的全部
玩物
禮物
唯一

請問 你把自己的兔兔視為甚麼?


by hill ma @ 5月10日

HILL媽做咩咁感慨? @@

真係...
有時我會唔想出街, 留係屋企陪PILLOW
D朋友就話, 又留係屋企陪佢呀?
因為如果屋企冇人
佢就要返入寵
夜晚我地訓覺果時佢已經要入寵架喇
日頭都要成日係寵入面好慘
佢係寵入面訓覺都還好
但見佢呆呆咁企係入面就唔知點咁
想即刻放佢出離跑
所以而家屋企好少長時間冇人係屋企@@

養多隻兔...
行過寵物店會覺得D BB兔好得意好想帶走既
不過諗起屋企果隻同屋企地方夠唔夠同BF既阻止
就會行完就算, 同BB兔講拜拜


絕育..
其實呢個問題之前同兔爸傾過
我係想絕, 佢就唔想佢捱一刀
傾既過程當然會有D磨擦啦
傾到我唔想再講= =
但之後我成日有意無意咁講D可以改變佢諗法既野~_~
例如今日個姐姐話佢好曳
要帶佢去絕育等佢變得定D
之後有一日兔爸就同我講: 你BK時間帶佢去絕育啦
就係咁同意左帶佢去絕育 ^^y
不過我仲未BK =口=
諗緊BK下個月好唔好
因為其實我好緊張
雖然話而家醫學進步醫生手藝順熟
但都好驚當中有咩差遲................
我驚帶到佢過去醫生度我會縮沙或者喊到豬頭咁...........#^73^#
但係呢D係愛兔兔既表現
盡責任, 帶佢去絕育
我要忍痛..!!

PILLOW係我地屋企一份子
有時帶左PILLOW去婆婆度
佢爺爺一返到屋企就會叫PILLOW, 點知佢唔係屋企XD
PILLOW一返到去, 爺爺麻麻就係咁嗌PILLOW你返離喇
話唔見左佢好唔慣

^其實唔知有冇回應到HILL媽 = ="

[ 本帖最後由 PILLOW.MA 於 2011-5-10 11:23 AM 編輯 ]

Hill 媽既話令我好感動！雖然我養Boxing並唔係好耐，不過我體會到你講既野！
希望Hill仔身體健康（啊！上次我帶Boxing 去搵dr. Ma做body check 佢Boxing 眼神，樣，仲有大細好似！哈哈）
更希望有更多人愛護兔兔，少D棄兔

講真是同有了兔仔,妹妹一放學即回睇佢,連哥哥都是,鬼錦緊張佢,大家去少了街,不過隻衰豬有時鬼錦乖:053: :053: :053: 第錫,而家大家多在話題,有隻寵物在家,增添在歡喜,希望可以陪同佢白年歸老

我有時出門口//番到屋企都會同妹妹say hi bye tim-_-

我自己返屋企第1時間都同兔仔 say hi    say bye又係   
係門口大大聲講  我走喇  乖乖地#^70^#

自己有時訓教   又將佢地搬埋入房一齊訓 ..      
我屋企雖然唔大  但都盡可能幾多d位比佢地跑 ... ((遲下去買圍欄仲更大#^75^#
係房2個人 2隻兔用2把風扇齊齊吹..
風扇都優先比佢地吹到為主  吹到佢地先跟住先到我同兔爸 ...  

有時佢地仲好嘆甘係風扇前面吹住訓   又係兔爸隻腳格離訓教 #^30^#  
佢地d毛毛成日整到我同兔爸好吉#^40^# 好搞笑 ..
又睇住佢地挖地板  之後砰一聲趴係地下中槍 #^39^# #^39^#

有左佢地  未來7~10年  都唔會去旅行..    唔會令到屋企冇人超過24小時
我都放唔低佢地..仲要搬佢地去記養個d地方#^37^#

開冷氣就遲d先    我屋企都唔係熱 有時晏就晚上仲涼涼地有風  . 加上成家都鼻敏感..哈哈哈
7月 6月尾應該差不多開嫁喇

[ 本帖最後由 小小夕 於 2011-5-10 01:54 PM 編輯 ]

很高輿大家都願意為兔兔作出承諾
視兔兔為自己的唯一

希望在這可以看到更多更多愛兔的人