一隻好定兩隻好?

事緣就咁既...

因為一開始買呠呠番黎果陣我係一買買左兩隻..
不過好可惜choco7日就去左彩虹橋..
choco係度果陣呠呠佢成日都好鍾意痴住佢..
佢兩個真係可以話係形影不離~
果陣既呠呠超鍾意嗲choco.成日要人地幫佢lum毛..
不過自從choco過左身之後.呠呠成日都好呆下呆下..
當然除左有野食果陣啦.平時見到佢個樣成日都好若有所思..
呠呠黎左都4個幾月喇,我都係未見過佢訓得好lum..
次次佢都係睜大隻眼..一有少少聲就即刻彈起身~_~

睇書見到有d兔兔係多左一隻兔兔陪之後就成隻兔開心番哂.
但係我都知要兩隻兔兔互相接受大家都有一定難度..
如果到時新果隻兔兔同佢夾唔到..都只係令呠呠更唔開心..
諗住暑假就同呠呠去絕育..絕育完就決定俾唔俾個伴佢好..
p.s.如果決定俾個伴佢我一定會揀係兔協領養唔會買!

仲有兩個月就到暑假.想問下各位兔主
你地係點樣決定一隻定兩隻架?
如果係金錢上既考慮咁我諗我係應付到兩隻兔兔既支出既..
因為我都有番part time.要儲錢的話都唔難..
請大家分享下你地既經驗丫!謝謝

我一直養緊2隻兔兔...
但佢地都分開過7日..    芝麻有7日去左寵物店到住...  

原因.. 以為佢皮膚有事..   因為個陣頭仔禿哂無毛毛#^3_002^#  我屋企又冇第2個籠。     
搞到要住係寵物店格離   廢事傳染比花生    住左幾日後..  發現頭仔上面有毛毛出返黎..
但個7日  花生都呆呆下好似唔係好開心..   我都自己抽多d時間陪佢..
之前佢地2個一齊  有野食.. 大家都驚對方搶自己野食..  都鬼甘快食哂d野//
但個7日花生係無反應..  係慢慢食..   好似知冇人同佢搶..
個7日我都好掛住芝麻..  成日問老闆娘幾時拎得返芝麻返黎

一知道他原來係換毛...    就馬上拎返芝麻返屋企..
我開頭以為花生會唔記得左佢添丫..  都好驚..
返到去比佢地2個見面..   哇   花生追住芝麻pat pat係甘索...
跟住2隻野係到轉黎轉去#^39^#   我開頭都驚佢地打架//#^33^#
佢2個好似好掛住大家...    跟住2隻野跳黎跳去...

芝麻又係好中意癡住花生 ..  成日要佢lam毛嫁..   花生好霸道嫁有時  
有時仲偷偷地幫芝麻lam lam下毛會走去un佢個頭...   
但芝麻無嬲..  有時仲好享受比佢追住...  係到跳哂舞甘跑..
有時就扮雞郁都唔郁比佢un#^34^#      ((可能佢知我會捉走花生...


但要養多隻兔兔...    新黎隻兔兔可能唔接受呠呠     呠呠又可能唔接受新黎既兔兔
唔接受既話  你又要分開佢地2個地方玩..   仲要抽時間陪2隻  等2隻都得到公平既對待...   
加上兩隻兔兔既支出.. 有包括佢地生病時既支出.  唔係單單食野飲水
你既出發點係好..    但要先向壞既方向諗..     呠呠可能會呷醋嫁wo
如果2個唔夾   屋企夠唔夠地方分比佢地2個...
時間呢..       有d兔兔仲好小氣...        索到有其他兔仔既氣味都會嬲嫁..


如果不幸.. 我2隻兔兔有其中1隻提早去左彩虹橋...
我都唔會買多隻兔兔陪佢...     
因為可能係佢心目中... 係無其他兔仔會代替個隻已經離世既兔仔既地位#^10^#
新一隻就係新一隻..  代替唔到..
到我買過新一隻個陣  會係2個小朋友都離開左我既時候

所以呠呠媽你要諗清楚丫#^77^##^77^#

打打下打到我想喊添...   我都好怕2個小朋友會離開我#^37^# #^37^# #^37^# #^37^# #^37^#
雖然佢地係我阿媽乜都無諗清楚既情況甿返黎#^37^# #^37^# 但我都好愛佢地

[ 本帖最後由 小小夕 於 2011-5-18 09:49 PM 編輯 ]

哈哈~要講既小小夕好似都講哂
我之前都有諗過收養多隻陪MIMI
因為MIMI唔多同我地玩,佢又唔比我地玩,買玩具比佢又唔玩
我又覺得佢自己一個好悶好無聊
不過諗深一層,如果萬一新兔兔同MIMI唔夾,又係得個搞字
MIMI又會唔開心,新兔兔又唔開心,咁又何必呢~
所以已經打消左呢個念頭,依家一心一意照顧好MIMI
有時見到兔友POST出黎一對對既相,我都好羨慕架
到佢百年歸老之後,再養,我就真係會養一對

唉..我都唔知點算好~_~
好矛盾丫lol
好想見番呠呠開開心心果個嗲樣.
但係又好怕新黎既會同佢夾唔黎..

原帖由 yanyi 於 2011-5-19 04:32 PM 發表
唉..我都唔知點算好~_~
好矛盾丫lol
好想見番呠呠開開心心果個嗲樣.
但係又好怕新黎既會同佢夾唔黎..

係嫁 ..  兔夾兔唔易 ..  如果你有時間+地方令到2隻都公平既對待..
仲要加上呠呠唔會呷醋WO  .. 仲要睇返呠呠係米好NICE既性格#^69^#  .(好似靜研媽咁養左新黎既兔兔 靜研都無話勁惡沖去新兔兔到)
所以要諗清楚丫  一陣唔夾  搵自己黎搞嫁咋 #^22^# #^22^#   到時大家都唔開心

um..呠呠丫..
佢只係好貪食= =
每次行過都咬你條褲叫你俾野佢食= =..
但係佢呷唔呷醋..冇試過真係唔知= =

我每次決定養多一隻兔兔都係緣份所至, 想俾個家佢, 單獨個案咁睇,
唔會係為左揀個伴, 相處耐左先夾下, 夾到係bonus,  夾唔到都無問題

原帖由 hh0 於 2011-5-19 06:11 PM 發表
我每次決定養多一隻兔兔都係緣份所至, 想俾個家佢, 單獨個案咁睇,
唔會係為左揀個伴, 相處耐左先夾下, 夾到係bonus,  夾唔到都無問題

恩,, 夾到係bonus <<-
先從壞方向想 ._.  夾唔到你會點對佢地2個

如果能力許可, 養兩隻好D, 佢地可以有個伴. 你試吓去兔協問下, 可唔可以俾你帶呠呠去BOND一下.

原帖由 wmkcnw 於 2011-5-19 09:58 PM 發表
如果能力許可, 養兩隻好D, 佢地可以有個伴. 你試吓去兔協問下, 可唔可以俾你帶呠呠去BOND一下.

我問左兔協果邊喇.
佢話要帶呠呠去見下新兔兔都唔係問題.
不過如果係想睇下佢地夾唔夾到就係冇用既.
因為兔協係公家地方.番到屋企變左呠呠地頭可能又變左第2個樣..
我都明白哩個道理既~_~
不過俾佢事先見一見點都好過就咁帶番去既..

原帖由 hh0 於 2011-5-19 06:11 PM 發表
我每次決定養多一隻兔兔都係緣份所至, 想俾個家佢, 單獨個案咁睇,
唔會係為左揀個伴, 相處耐左先夾下, 夾到係bonus,  夾唔到都無問題

但係因為我主要係想呠呠開心..
所以bond哩個問題對我黎講都好重要.__.
不過哩樣野真係最難估到既野..