幫丁丁搵個伴!??

曾經我都有諗過幫丁丁搵個伴...我真係怕我番左工之後佢會悶...
但係照顧左佢4個月之後...我發現佢係我番工既時候就會乖乖去訓覺...
所以我就開始打消左呢個念頭...
直至4/6帶丁丁去做絕育.
DR. TERRY叫我幫丁丁搵個伴...話丁丁好悶...:056:
我又再開始諗係咪有咁既需要呢...
呢個大少爺..已經令我差唔多忙到暈低...
再黎多個...我會唔會癲左!????
加上呢個大食仔...一晚食兩個草架既草....黎多隻...我究竟要用幾多個草架....
但係睇住佢悶...我又真係唔忍心....
我應該點揀好呢....:050:

咁攪笑... 醫生點解覺得佢悶ge?

養多1隻, 夾到就一齊玩. 如果2隻唔夾, 咩都要分開做. (輪流食飯, 玩...)

你覺得丁丁真係要多個伴, 定係想你陪?!

我都想知TERRY點解會咁講.可能我話佢成日發脾4掛...
個衰B成日都唔受埋我玩....除左開飯既時候.......:044:

竟然會叫你幫佢搵個朋友仔甘搞笑既 #^33^#



我屋企2隻兔仔...   有時會諗 好彩我養2隻..  如果得1隻唔知會唔會好悶

我同兔爸晚上都要打機 ..  有時會摸下佢  睇佢地中槍訓教
佢2個有時我會覺佢地悶... 因為佢地掛住訓... 可以食完又訓 訓完又食
兔爸話佢地早上ZZZ晏就食完野又ZZZ..   
但一到半夜..我就會聽到佢地係到跳兔仔舞.跳出跳入  ..仲知好活躍甘
我唔知係佢地係夜鬼  晚上先黎玩... 定係佢地好悶..  無人陪佢搞到佢ZZZ
我有陪佢坐下 摸頭仔..  但佢地唔理我 ..  仲成日依係我屁股後面#^36^#
我地全屋人都會同佢傾計呀 摸下佢呀  胃佢食野..
大多數..就佢地2個自己 係出面吹下風扇 ...  互相清潔毛毛 ...  一齊ZZZZ

我E加加左圍欄比佢地..  佢地少左跳兔仔舞  晏就早上一時時有 .....   
我都唔知點解一.一...  


其實兔仔都係群體生活既動物 ..
多個朋友我估佢地都會開心D  
兔仔同兔仔...唔同兔仔同主人... 兔仔同兔仔可以互LAM毛 互ZZ..  但主人做唔到....  
因為有時睇佢2個..  知到有人同佢地搶野食都活躍D..
我試過得1隻.. 1隻去左寵物店... 都無甘活躍...    跟住到佢地2個見返面..  係到跳哂兔仔舞...

但係兔夾兔要運氣...因為佢地唔似人識講野..  話比你知中唔中意大家..
仲有睇返自己本來隻兔仔 係米好NICE 嫁WO...  
好似靜研媽  領養左卡卡返黎 ..
靜研都無話飛撲去新兔仔卡卡到..好惡死甘 ...

--------------------------------------------
點解用草架呀    甘米要成日加草囉0.0  放係地下都幾好呀
但你已經話自己無咩時間...   一陣養左隻返黎 ...  發現佢地唔夾... 真係大獲 #^40^#
全部野都要放開做 ...      時間 X2 !!
諗清楚呀

[ 本帖最後由 小小夕 於 2011-6-7 02:42 PM 編輯 ]

原帖由 丁丁媽 於 2011-6-7 02:04 PM 發表
我都想知TERRY點解會咁講.可能我話佢成日發脾4掛...
個衰B成日都唔受埋我玩....除左開飯既時候.......:044:

我家兔仔(呀B)都係好大脾4, 同埋係個小霸王. 兔爸都話我寵壞佢喇...
比多點時間陪佢玩(放佢出黎睇住佢玩), 摸佢, 梳毛, 佢會慢慢接受妳ga! 呀B宜家就2歲, 先叫做肯跟我. (兔爸都抱都唔制ga):009::078:

講返養多隻, 好似小小夕話咩都要"X2.. " 再唔係, 買d玩具比佢玩下消磨時間.

兔兔好似佢有佢既世界,我地兔奴代入唔到
佢鐘意自己玩,自己八卦,
但你同佢玩呢,佢又唔so你喎~
養多隻唔係咁簡單,如果唔夾,有可能以後都係分開養,時間x2
我都有諗過幫mimi搵個fd架,
兔兔基金可以負責到,但問題係,時間!!
要作最壞打算,如果真係夾唔到,全部既時間都要x2,
我自問冇咁好氣力,而且多左隻兔兔,mimi可能會唔開心
點解媽咪要養多隻黎爭食,係咪自己唔乖~~~
所以,我冇再諗啦,一心一意照顧好mimi
兔兔係我地生命中十年,我地係兔兔既一生呀!

小小夕,
兔兔係夜間活動架~
所以平日我地返工返學,佢都係瞓覺同瞓覺~
我收工返屋企佢地都未醒~
夜晚就好生猛架啦,係咁食,係咁玩~

Choco去左彩虹橋之後,呠呠都靜左好多~
佢宜家只係成日歎係度涼= =..
所以都諗住等佢絕左育之後就幫佢搵番個伴~
不過丁丁媽真係要諗清楚自己應唔應付得黎先丫!
如果照顧一隻你都覺得有d分身不暇..咁養兩隻就未必係好事喇.
特別係第2時如果兩隻夾唔到要分籠養.咁就真係慘喇!

靜妍佢最近會追住卡卡聞佢,
但係卡卡好似好驚靜妍咁,走夾唔頭..
有一次靜妍出黎自由行ge時候, 咁岩去完廁所, 個廁所係係卡卡個籠隔黎, 靜妍去完唸住中個頭仔去睇下卡卡做緊咩, 點知...佢地兩個隔住個籠,卡卡都重可以因為驚得濟,一野咬左落靜妍個咀仔度, 咬損左靜妍個咀,真係心痛死我...:050:
佢地兩個不嬲係分開籠,果次意外真係令我同兔爸都o左咀...
我都希望佢地有和平共處ge一日..

原帖由 carbee 於 2011-6-7 04:39 PM 發表
兔兔好似佢有佢既世界,我地兔奴代入唔到
佢鐘意自己玩,自己八卦,
但你同佢玩呢,佢又唔so你喎~
養多隻唔係咁簡單,如果唔夾,有可能以後都係分開養,時間x2
我都有諗過幫mimi搵個fd架,
兔兔基金可以負責到,但問題係 ...

我都知兔仔夜間活動  我無過佢地真係係夜鬼黎 仲要係d人訓哂佢地先玩>///<
搞到我仲擔心佢地悶...  所以先zzzzzz ....
#^50^#

原帖由 aguiler 於 2011-6-7 05:28 PM 發表
靜妍佢最近會追住卡卡聞佢,
但係卡卡好似好驚靜妍咁,走夾唔頭..
有一次靜妍出黎自由行ge時候, 咁岩去完廁所, 個廁所係係卡卡個籠隔黎, 靜妍去完唸住中個頭仔去睇下卡卡做緊咩, 點知...佢地兩個隔住個籠,卡卡都重可 ...

哎呀 !!!  係米靜研太nice 嚇親卡卡呀 ... 陰公豬>口<

小小夕,我諗佢地係要日頭瞓飽,
咁夜晚先有精神可以出黎wet嘛haha

靜研冇事嘛,陰公豬囉~一定心痛死兔奴~
卡卡絕左育未呢?

其實dr點知既?
有次帶bb去睇e生
dr.ma問我有冇罵過佢.佢好5開心
當然冇la~錫佢都尼5切la
其實我太忙一個星其都冇放佢出尼

點解用草架...因為個衰B真係太懶....
俾我發現佢不下十次...訓訓下突然張開眼....食草..
食兩條又走去訓....加上好似搞度個寵好亂咁.....咪用草架LOL~:077:
不過...佢絕完育真係好怪.......淨食草唔食糧...

原帖由 丁丁媽 於 2011-6-7 07:58 PM 發表
點解用草架...因為個衰B真係太懶....
俾我發現佢不下十次...訓訓下突然張開眼....食草..
食兩條又走去訓....加上好似搞度個寵好亂咁.....咪用草架LOL~:077:
不過...佢絕完育真係好怪.......淨食草唔食糧...

其實訓住食都好正常吖,
佢地成日都一路食一路痾架啦~haha
丁丁依家正常返未呀?