兔兔患上側頭症:(

琴日下午見佢一直訓左係地下...
以為天氣熱所以冇特別留意佢...
點知到左晚上見到佢好唔妥...
個頭好側,行路唔平衡,自己食唔到野要人手餵,冇大小便,全身軟晒...
所以好擔心..結果成晚冇訓睇住佢...
今日我即刻帶佢去睇e生...
個e+講得好含糊...
話佢係側頭症...
又講晒有可能既引起既因素...
不過就冇重點講我隻兔兔係咩因素引起...
跟住打左兩支針(抗生素+止暈劑)...
然後開左兩種藥同草粉...

番到屋企...
兔兔精神唔算太差..
但都唔算太好...
我餵左d草粉俾佢食...


但兔兔依+情況唔見有好到...
心情好無助...

請問你地有冇人試過尼個情況??
e左幾耐先好番??
患病期間有冇事要特別留意??

[ 本帖最後由 rita0620 於 2011-6-13 07:53 PM 編輯 ]

我冇試過呢個情況,不過我知道要放d毛巾(卷好左)係個籠的4周,之後係個籠度舖多d草,等佢跌都唔洗跌咁傷~~
有d兔兔會好番,有d就唔會好番~要睇佢個嚴重性~~
希望佢快d好番啦~樓主都唔洗太擔心的..

我記得睇文...依個病無話醫幾耐會好返..  
有D兔兔會好返  .. 有D兔兔會以後都會咁 ...  但一樣正常生活 食玩訓  只係頭側左..#^65^#
當然食左藥又唔係神仙藥.. 唔會馬上睇到變返正常...


兔兔依加可能未慣自己側埋一邊 所以平衡感一定會差...  要小心佢會撞親自己..  
靜研媽都講左毛巾要放好...   
仲有兔兔特然咁樣  我相信佢自己都好唔慣  同唔開心嫁..  
你要多D陪佢呀 .. 比佢知就算變成點#^9_003^# 兔奴都會一樣錫哂佢

佢依加食唔食野 飲唔飲到水呀 ...     
希望兔兔快好返啦 ...   #^65^#
樓主同兔兔要加油

側頭症要慢慢處理,唔急得~
唔似平時d病咁,食兩日藥就明顯轉好~
其實有好多原因架,好似耳窝有問題都會影響到,
呢方面真係要醫生先知~
佢依家應該會覺得暈暈地,平衡唔到,所以要小心跌親
好似aguiler講咁,擺d毛巾係籠裡面,唔好比佢撞到~
卷條毛巾比佢墊頭仔瞓覺,餵水餵草粉,準時食藥~
有時間多d幫佢按摩下條頸,
比佢挨係你度,用手按摩後頸,等佢可以放鬆頸部(機)肉
樓主唔駛擔心,兔兔會努力,你都係呀~:051:

我覺得而家最重要就係意志力..
要多d同佢玩;同佢講冇時.仲係好令令叫佢唔好唔好開;
因為意志力可以好大影響..:054:
希望兔兔快d好番啦

先多謝各位既關心同支持...
兔兔依加都會食小小草(只食草既葉唔食莖/較硬個d),
俾菜菜佢.佢都有食,,
但飲水就一定要用手拎住個水樽.再放係佢咀邊.佢先飲到,,而且食水量都幾大
暫時平衡力方面比較大問題,,
而佢都有周圍走動下...

原帖由 rita0620 於 2011-6-9 07:35 PM 發表
先多謝各位既關心同支持...
兔兔依加都會食小小草(只食草既葉唔食莖/較硬個d),
俾菜菜佢.佢都有食,,
但飲水就一定要用手拎住個水樽.再放係佢咀邊.佢先飲到,,而且食水量都幾大
暫時平衡力方面比較大問題,,
而佢都 ...

忽然係咁我相信連人都會唔慣　．．
兔兔已經好叻　仲會周圍走動下．．
兔兔加油#^10^#

樓主要好好照顧佢,我相信佢一定會好返!!請問你睇醫生睇邊間啊?記住要去識睇兔仔的喔....

突然間既轉變,兔兔一定唔習慣
樓主要多d陪伴著佢,
睇下兔兔有咩需要,幫佢手(例如:遞水樽咁)
祝兔兔早日康復:054:

豆豆之前都有側頭...
初初明明有食藥都會愈來愈嚴重....
嚴重時會反轉再反轉...
不過只要你堅持~~佢習慣左就會好好多...
宜家豆豆個頭只有少少側炸~~仲晚晚跳舞同高速來回飄移~~
我果時睇BETTY~E左2個月到~~
所以你要+油...一定無事既!

兔兔依+睇維多利寵物診所,,
附近好小睇兔仔既診所,,
所以係緊急既情況下我搵左尼間,,
而維多利寵物診所入面有一位Dr.係睇兔仔咖,,

兔兔今日既精神唔錯,,
平衡力方面比琴日好左小小,,
放佢出黎佢大部份時間都會靠牆訓,,

如果重係唔得ge,可以試下睇九龍城的dr,佢地個個都專睇兔仔~~幾好架~~

原帖由 aguiler 於 2011-6-10 04:24 PM 發表
如果重係唔得ge,可以試下睇九龍城的dr,佢地個個都專睇兔仔~~幾好架~~

我都打算之後情況冇好轉既就轉Dr.
先多謝你既建議