請問有咩辦法可以搵到安哥拉兔??

好想養安哥拉兔，但係搵左好多間都冇.
唔知有冇兔友有門路由外國訂呢?

點解一定要""""""安哥拉兔"""""""呢 ?!?!
其他兔兔都好得意好乖 ga 啵 =]
可以去兔協睇下其他兔丫

領養都一樣je.
外國訂好貴. 而且安哥拉係長毛,
你如果沒有養兔經驗就唔好揀咁長毛. 打理好麻煩.

原帖由 daniel_J_720 於 2011-7-6 12:12 PM 發表
點解一定要""""""安哥拉兔"""""""呢 ?!?!
其他兔兔都好得意好乖 ga 啵 =]
可以去兔協睇下其他兔丫

因為安哥拉兔真係好可愛，好靚，好鍾意，好想養呀

原帖由 Futagoza_Kaniza 於 2011-7-6 12:33 PM 發表
領養都一樣je.
外國訂好貴. 而且安哥拉係長毛,
你如果沒有養兔經驗就唔好揀咁長毛. 打理好麻煩.

兔協有嗎? 但係我覺得要養就要搵隻自己鍾意既，如果勉強養一隻自己唔係咁鍾意既兔仔，最後自己又後悔都唔知點算

安哥拉兔真係比較難搵..  你係要純正定混血呀 ...
我自己都好少見安哥拉>  <

原帖由 aba010 於 2011-7-6 01:24 PM 發表

兔協有嗎? 但係我覺得要養就要搵隻自己鍾意既，如果勉強養一隻自己唔係咁鍾意既兔仔，最後自己又後悔都唔知點算

我唔知有冇, 自己上網或者上佢地會址睇下. 睇到合眼緣既咪養囉.
唔一定要指定品種JE. 你去買的話, 好多SALES都唔識分, 長毛少少就當係嫁喇.
人地同你講係人安哥拉兔. 大個左唔係果個品種, 唔通就唔要咩.
你再睇下先啦. 點解未有兔仔咁快買包糧既? 仲要係唔好既糧.

樓主，希望你唔好只係因為見到佢地好可愛、好靚就想養哦~
因為兔仔大得好快，大左個樣會變架(安哥拉兔大左D毛真係會好長)，如果到時你覺得佢唔可愛咁點算? 棄養?
養之前，最好衡量下自己時間上、經濟上係咪應付到，係咪真係可以承諾照顧佢地起碼10年或以上~
停一停、諗一諗~
:054:

個人認為安哥拉兔唔適合香港既天氣~
因為佢太長毛...香港天氣又熱又濕...
對佢黎講又辛苦, 對照顧佢既人黎講就更加要多份心機同金錢(抽濕同冷氣差不多要長開)
其實其他種類既兔兔都一樣好可愛~
同埋咁多位兔友講得好岩架, 兔兔真係大得好快, 同埋變樣都變得好多下.
你養之前一定要考慮清楚.
其實都建議你WALK IN兔協睇睇~睇下兔兔大定左個樣
建議樓主領養兔協既兔兔, 因為佢地一定健康同已經絕育.
又可以令佢地有個溫暖既家, 等佢地有新既生活=]

我明白呀,我係網上面睇左好多唔同品種既兔仔, 唯獨對安哥拉兔果種成個毛球既樣貌情有獨鍾
我知道佢地唔係好適合香港既天氣, 不同我會盡力比個適合佢既環境
我自己本身都唔鍾意香港又濕又熱既天氣, 都會長時間開冷氣既, 所以我都會好明白佢
我都有睇到兔協既兔, 不過就唔係我想既咁樣
如果我依家勉強帶佢返黎, 就覺得反而害左佢

PS. 果包糧唔係我嫁, 係我朋友問嫁咋, 佢買之前又冇做足功課, 比個sales呃左囉, 話係隻兔仔食開喎

[ 本帖最後由 aba010 於 2011-7-7 03:39 PM 編輯 ]