兔協領養

前兩日上左兔協度睇下有無合眼緣既兔仔, 見到門口一轉左第一排最頂既兔兔幾合眼綠.
不過o個時見到好多義工係度好似幫佢地梳緊毛, 又有客梳緊毛好似好唔得閒.
所以我睇完買左postcard就走左lu.

想問下有無人知如果有心領養, 可唔可以同心儀既兔仔玩下抱下佢做下朋友先?
定係一定要confirm係領養佢先可以抱下佢?

個隻兔仔係米好八卦個隻!!!!!     白色有啡眼線  點點...  佢超可愛><

你先要登記領養, 然後佢會問你有無喜歡的品種, 然後要你做兩日義工(其實係去學正確養兔仔的方法), 做兩日義工時, 佢會俾你抱你要的兔仔, 同佢夾一下. 同埋希望你真係愛惜佢, 因為一養可能十年.

如果你係新手, 佢會建議你養短毛的, 因為長毛真係花多好多功夫.

係呀~有啡色眼線, 背脊都有少少啡色~

即係登記同做義工之前唔可以試下同佢玩先?
因為我怕唔夾, 唔想變左好似話領養又反口咁...
我想真係鍾意佢先帶佢走.

佢應該算係中長毛, 我之前都養左七年兔, 算有少少經驗的.

如果做暫養家庭,咁咪可以試下同隻兔兔夾唔夾先真正領養佢law!!!

其實你係可以有3個選擇既，你每次上完堂都可以同你揀既兔兔接觸下，有親子時間，之後佢地會問你，岩唔岩，夾唔夾，如果你覺得唔係咁岩心水，你係可以再揀過另一隻，當然要係沒有其他人hold左既兔兔啦，如果暫時無岩心水既兔兔，你可以再等遲Ｄ睇下有無新既兔兔，可能遲下會有另一隻令你一見鐘情的兔兔。

做暫養家庭最少都要養半年架，同埋做左暫養家庭唔等於可以有領養優先權架。

[ 本帖最後由 jinjin 於 2011-7-11 11:18 AM 編輯 ]

你講個隻是否走廊第一行最頂個隻,叫STONE..,女仔。
因為佢腸胃好差, 暫時唔接受申請嫁!!!
好多人都睇中佢:033:

仲有有D兔兔去左寄養家庭,可以上網睇D相。

stone咁可愛.當然多人睇中:031:

原帖由 阿蚊 於 2011-7-11 01:53 AM 發表
係呀~有啡色眼線, 背脊都有少少啡色~

即係登記同做義工之前唔可以試下同佢玩先?
因為我怕唔夾, 唔想變左好似話領養又反口咁...
我想真係鍾意佢先帶佢走.

佢應該算係中長毛, 我之前都養左七年兔, 算有少少經驗 ...

你要填左領養申請表先. 等義工同你做評核.
冇得即刻比你同佢玩嫁. 如果評核唔ok, 一樣冇得領.
如果你未決定咪就咁填左表先, 唔揀兔仔住. 評核既義工會推介兔仔比你.
都係唔岩就做義工果時再揀囉.

喔 !!  叫stone  我個陣第1眼望到佢   我都覺佢好快會有人要     
因為佢好活潑  八八卦卦..   #^65^#
離開兔協仲同佢講左句  希望你快d搵返個好人家喇#^58^#

原帖由 elyse 於 2011-7-11 12:17 PM 發表
你講個隻是否走廊第一行最頂個隻,叫STONE..,女仔。
因為佢腸胃好差, 暫時唔接受申請嫁!!!
好多人都睇中佢:033:

仲有有D兔兔去左寄養家庭,可以上網睇D相。

我一路都有上網睇相架, 就係唔見佢.
o個日我上去睇o個陣個義工同我講話所有走廊同第一間房既都可以領養, 我以為佢都ok架tim...
咁佢第時一定好幸福, 咁多人鍾意佢.^^

原帖由 jinjin 於 2011-7-11 11:16 AM 發表
其實你係可以有3個選擇既，你每次上完堂都可以同你揀既兔兔接觸下，有親子時間，之後佢地會問你，岩唔岩，夾唔夾，如果你覺得唔係咁岩心水，你係可以再揀過另一隻，當然要係沒有其他人hold左既兔兔啦，如果暫時無岩心 ...

thanks.
其實我己經留意左兔協D兔一段時間架la.
遲下可能都會留意埋舖頭既兔仔, 始終想搵合眼緣既.

http://www.hkrabbit.org/?cat=4&rabbitID=3428&paged=2

兔兔名稱：         Stone

好得意呀~~~~~
個身d色好令令~~

原帖由 小小夕 於 2011-7-11 11:25 PM 發表
http://www.hkrabbit.org/?cat=4&rabbitID=3428&paged=2

兔兔名稱：         Stone

係呢隻咩??個日見佢個陣好似唔覺有黑色點點紋架啵..
唔通眼花..!?