點解兔兔總是會在草上瀨尿? (有點長, 純文字)

太耐冇上來了, 今次係想分享一下我自己得番來的一個經驗. 以前睇過有主人話兔兔會發脾氣係籠內的草上瀨尿來叫主人換草. 其實瀨尿係草上都未必係兔兔自己想的.

據我這三個月來的經驗, 自我唔用草架改為任意地放草入籠底供皮蛋食草後, 皮蛋就開始每日都瀨尿係草上, 可以一日幾次, 每次都有幾灘尿係唔同位置. 如是者每日都係瀨尿, 每朝起床第一時間就係開水同佢抹尿抹手腳. 但係手腳, 肚同尾都係又黃又啡. 後來更差到係雲石板上瀨尿, 搞到雲石板又黃又臭又浸晒D尿尿入雲石隙內.

但我家小姐一向都唔會瀨尿, 就算我正在同佢清理緊籠屋, 佢尿急都會係咁叫我纏住我, 咁我就知佢想尿尿叫我比佢入籠比番個厠所佢用. 同埋就算佢呢幾個月點樣瀨尿都唔會係籠外瀨尿. 於是我就不斷想辦法.

經過個多月既思前想後, 終於明解了. 因為我將草草任意地在係籠底, 皮蛋那種大自然的天性啟發左出來, 因為大自然既兔兔跟本唔會有一個膠厠所, 我估佢地係洞穴內都係用乾草做墊料, 所以就好自然地尿係草上.

於是我都係改回用草架盛草的方式供小姐食草, 最多我勤D加草. 當我改左用草架, 亦替小姐改掉籠內瀨尿的情況. 現在的皮蛋已經好似從前一樣唔會再係籠內瀨尿了.

thanks for share
我用草BALL佢都係4圍去TOLIET~~~
有草係地下就會.
但佢又會拖D草落地~~
所以我都唔知點好了#^60^#

我細細個花生都好中意係個草兜到屙尿..  佢真係坐埋上去坐係到屙...  搞到個草兜濕哂...

後尾我都係草架(專登買)..    佢就無再亂屙..  用左幾日佢無再亂屙就d草放返係地下,,

因為花生..  會發哂皮4  了哂草架d草一條不留先開始食..    食到佢好''文''

跟住再亂屙會比返個草架佢..    過左一次之後..   佢明白到亂屙要用草架..

之後就乖乖地了=_=  '''     個草架就比我放埋左一邊...     #^34^#  用左幾日而已

mimi以前都唔會係籠裡尿尿~
不過自從絕育後就唔知點解會係籠裡尿尿,
話又話過,醋都用過,但都冇用,
依家好左好多,但都要用尿墊,
久不久就有一篤,所以一兩日就要換尿墊~

我PILLOW個問題係...唔係籠屙尿........
佢等到早上放佢出離先跑去出面個廁所屙...
我好驚佢忍成晚會忍出病......

真係隻隻唔同, 只要主人多d留意, 就可以搵到問題所在而解決, 皮旦媽都係好細心, 所以解決瀨尿的問題。

我隻兔兔就一向都無草架, 放在籠地, 平常真係唔痾尿落草, 不過真係試過有幾次見仲淨返好多草, 我堅持唔加新草, 佢又堅持唔食, 痾尿落去.....:026:

我將佢個廁所4隻角都放過~
每日都將佢d屎屎放入個廁所度~
但係佢地偏偏唔係廁所all~
淨係係d草上面all~
搞到我好似好鍾意執屎屎咁...#^81^#

有D兔兔可能唔鍾意食個D草 佢就會小便係上面
咁D草你一定唔keep.. 兔兔奸計就成功了~~ :057:

原帖由 ~elaine~ 於 2011-7-31 06:07 AM 發表
我將佢個廁所4隻角都放過~
每日都將佢d屎屎放入個廁所度~
但係佢地偏偏唔係廁所all~
淨係係d草上面all~
搞到我好似好鍾意執屎屎咁...#^81^#

嘩, 會唔会係你將個廁所搬唻搬去先搞到佢地無所識從呀?
我好耐以前都曾經試過一次將廁所移位...
結果一移咗去第二度佢就唔識去厠所...
到而家, 只要我固定佢既廁所 + 草架擺位的方向...
即使有時自己去旅行要放佢過朋友屋企暫養... (即係轉籠轉環境)
佢都仍然識得乖乖地去厠所解决...


話說回頭, ?過曾幾何時有一次隻衰野都爬去草架疴尿...
原因真的不明...
而且事後佢個身都仲係白雪雪...
所以我諗佢係專登的!
不過, 嗰次我同佢講 "this is not funny!" 之後, 都冇再出現過類似的情況...
古怪!?

原帖由 PhoenixY 於 2011-7-29 08:28 PM 發表
太耐冇上來了, 今次係想分享一下我自己得番來的一個經驗. 以前睇過有主人話兔兔會發脾氣係籠內的草上瀨尿來叫主人換草. 其實瀨尿係草上都未必係兔兔自己想的.

據我這三個月來的經驗, 自我唔用草架改為任意地放草入 ...

Re PhoenixY:
你隻兔兔叫皮蛋?? 同我個隻好似呀!!! 男定女呀????

都係架, 其實要睇自己隻兔咩性格, 我個排又係不停用醋抹過晒佢都係要瀨, 真係從未試過囉. 但了解左佢習性後而家改番用草架, 仲要勤D清理掉左落籠既草草(等D草唔好多到又做左個草地比佢), 咁佢就冇再瀨尿.
真係隻隻兔都唔同性格, 要多D留意佢地. 我係希望D人明白呢一點, 而唔好咁輕易話佢地唔識去厠所, 隨之以來就係覺得佢地麻煩, Dirty等等然後就遺棄佢地. 如果大家既兔兔有係草上瀨尿既問題都可以試下用番草架, 比耐性教下佢地.
Hitan, 係呀. 我隻兔兔叫皮蛋係女仔. 你隻兔好得意啊, 隻眼仔好精靈﹗