太耐冇上來了, 今次係想分享一下我自己得番來的一個經驗. 以前睇過有主人話兔兔會發脾氣係籠內的草上瀨尿來叫主人換草. 其實瀨尿係草上都未必係兔兔自己想的.
據我這三個月來的經驗, 自我唔用草架改為任意地放草入籠底供皮蛋食草後, 皮蛋就開始每日都瀨尿係草上, 可以一日幾次, 每次都有幾灘尿係唔同位置. 如是者每日都係瀨尿, 每朝起床第一時間就係開水同佢抹尿抹手腳. 但係手腳, 肚同尾都係又黃又啡. 後來更差到係雲石板上瀨尿, 搞到雲石板又黃又臭又浸晒D尿尿入雲石隙內.
但我家小姐一向都唔會瀨尿, 就算我正在同佢清理緊籠屋, 佢尿急都會係咁叫我纏住我, 咁我就知佢想尿尿叫我比佢入籠比番個厠所佢用. 同埋就算佢呢幾個月點樣瀨尿都唔會係籠外瀨尿. 於是我就不斷想辦法.
經過個多月既思前想後, 終於明解了. 因為我將草草任意地在係籠底, 皮蛋那種大自然的天性啟發左出來, 因為大自然既兔兔跟本唔會有一個膠厠所, 我估佢地係洞穴內都係用乾草做墊料, 所以就好自然地尿係草上.
於是我都係改回用草架盛草的方式供小姐食草, 最多我勤D加草. 當我改左用草架, 亦替小姐改掉籠內瀨尿的情況. 現在的皮蛋已經好似從前一樣唔會再係籠內瀨尿了. |
|