想帶公主去長洲玩一日

呢個星期日 我地一家 去長洲玩一日 想帶埋公主去

問問 各位兔友 意見  

應唔應帶公主去呢  

如果可以 帶去的話  除左 基本 用品

"冰種 水 草  尿片" 仲有咩呢? 同埋 有咩要主意

事關個日   唔會太多 時間 在室內 除左 食野時候

落雨公主一定 唔可以去  我最怕係曬同熱到佢  

到個日 唔一定會帶公主   想參考兔友 意見 再決定

thx:054:

最好唔好啦,呢排熱到飛起,佢出去係個袋度超焗,容易中暑~
而且冇地方岩兔兔活動,長洲沙灘好多狗架~
所以......可免則免

知道了~~~~

咁我個日 留守 係屋企  同公主 你眼望我眼

:053:

唔好咁灰,等秋涼就可以出去啦~
因為中暑真係可大可小架~

其實我又覺得如果你屋企隻兔兔係適應咗成日出街的話...
咁又冇咩問題...
不過, 如果係有史以來第一次...
我就勸你唔好帶佢出去...
始終去長洲有點長征感覺...
又坐車, 又坐船...
並唔係隻隻小兔都能接受的...
加上, 如果平時佢一個月都唔出一次街...
突然帶到咁遠我驚佢會呆咗完全唔食野...
正因為去長洲並唔會係幾個鐘既事...
分分鐘去成日...
所以真係要一隻出慣街的兔兔先好帶佢去...
否則即使唔中暑, 成日冇野落肚都好大件事!
三思三思...

如果你真係好想以後有機會可以帶佢出街玩...
先由屋企附近的公園開始吧~
每次出街時間由第一次既半小時開始遞增...
嘗試觀察下佢出到街食慾有冇轉變...
有冇突然間忍屎忍尿 <-- 我家兔兔初初出街就係咁, 一離開左佢既私家廁所就連尿都唔疴, 變咗忍者 ~_~"
如果有, 再觀察一下有沒有方法可以令佢喺街都疴得暢快 <-- 有時就算你 provide 尿片比佢, 佢都未必肯疴... 我家小兔就一定要 provide 佢一個兜先 ok

始終帶小兔出街並唔同帶貓狗出街...
所以如果要遠征既話...
事前功夫要做得好足...
並不是帶水,帶草, 帶冰種咁簡單

原帖由 Hitan 於 2011-8-9 02:34 AM 發表
其實我又覺得如果你屋企隻兔兔係適應咗成日出街的話...
咁又冇咩問題...
不過, 如果係有史以來第一次...
我就勸你唔好帶佢出去...
始終去長洲有點長征感覺...
又坐車, 又坐船...
並唔係隻隻小兔都能接受 ...

我諗就算兔兔有出街既習慣
而家呢D天氣真係唔好帶佢地出去........
有咩事 喊都冇用

如果天氣好，長洲真係好曬架，曬到我自己都唔想出街...
而且幾乎都係戶外地方，咁熱兔兔會受唔住的呢~

公主 唔係第一次出街 (搭過地鐵 坐過小巴) 不過第一次出遠門就係真ga

每次有人開門 佢都望住 同佢講左好快返 摸下佢  公主成日都想出街 但係又唔多願出

平時 係帶佢落樓下 或者係走廊跑比較多(但係唔跑 驚死盪失路 好快咁跑返入屋)  見

下世面  不過次次 都一定會係袋度all 尿 先開心= =

跟住返到屋企 都好正常 食玩跑跳 樣樣齊!

都認同 你地所講ga野  呢個計劃 唔做住 遲d睇下天氣如何 再想想帶公主去邊玩

thx你地意見:054:

[ 本帖最後由 winter 於 2011-8-9 10:12 PM 編輯 ]

同埋香港一熱濕度就好高,
除非你一心帶佢出去跑,
跑完就立刻就返屋企,
唔係的話兔兔好易中暑架...等再涼o的先啦
而且冰種始終有濕氣,出入冷氣會好易涼親,
最好都係唔好啦

個日 冇帶公主去長洲

我同佢係屋企  涼冷氣 食冰條 (我自己食 公主睇住我食) :040: