今日朝早大B走左...小B又唔知做咩.

上個幾月前小白離開左我地 我同媽咪都好傷心仲諗住唔再養兔仔...但係個心又好掛住小白
最後就去左寵物店買左兩隻BB兔大B小B返黎....估唔到大B黎左我地屋企1個禮拜就咁走左..
今日朝早起身 見到大B流哂口水成個嘴都濕哂 抱佢果陣又成身冇力咁
我同媽咪即刻帶佢飛的去大圍珍禽異獸度睇 搭的士果陣大B已經開始打側訓係度
係咁流口水 到左診所門口果陣佢仲有呼吸..堅持住想起身..
跟住佢地抱左大B上樓上急救 叫我地係樓下等 果陣我地都已經好擔心  喊到收唔到聲
好驚大B好似之前陪左我地3年幾GE小白咁突然走左去....
不過幾唔想都好...大B始終離開左我地 DR話佢已經冇左呼吸 走左
但係死因係咩就好難確定 因為表面好難睇得出  但係佢話大B好瘦摸到背脊D骨 同埋個肚好漲
有可能唔夠營養.....
之後我地帶左大B返屋企 小B初時仲係個籠入面周圍跳 有食野飲水
唔知係咪小B知道大B唔係度 宜家成日訓係度 唔食草 淨係飲少少水同食好少糧
我同媽咪都唔知點算好 好驚小B又突然離開我地 小B已經幾個鐘冇食草
宜家又咁夜 唔知點算好 有冇兔友可以教下我地點做好..........?

試下鋪多d 草係個籠度, 等佢安心d

你一定要多d陪住佢呀#^10^#

樓主,寵物店真係信唔過,佢地會將d未戒奶既bb當3個月咁賣架~
多d陪住佢,摸吓佢,同佢傾吓計~
佢朋友仔走左一定會唔開心架啦,不過佢會明白既,
比d時間佢,比多d支持兔兔,佢知你錫佢,佢會振作架!
你屋企有冇草粉呀?如果兔兔再唔食野,就要餵草粉,如果唔係好容易腸停~

朋友走左..佢一定明既..
會唔開心都係正常..
當初choco走果陣.呠呠都係成隻兔down哂.
哩個時候要多d陪住佢..

雖然大b走左,但系仲有小b系到,
樓主要好好咁照顧佢!
如果兔兔仲系吾肯食草既話就要餵草粉嫁啦,
同埋陪多d佢啦,當系陪埋大b果份!
R.I.P樓主

唔該哂各位兔友
屋企冇草粉..不過小B宜家開始食返野
飲好多水 食糧但係仲係食好少草
同埋佢好似唔係咁鍾意食A草 鍾意食T草多D
真係驚佢唔夠營養..

原帖由 narutosrsuke 於 2011-8-17 05:49 PM 發表
唔該哂各位兔友
屋企冇草粉..不過小B宜家開始食返野
飲好多水 食糧但係仲係食好少草
同埋佢好似唔係咁鍾意食A草 鍾意食T草多D
真係驚佢唔夠營養..

我2個女都係食t草大.. 無食過a草.. 我到左好耐之後先發現要比ａ草　但都快成兔了　就無比
佢地身體健康 正常體重
我問過醫生..  醫生話唔食a草都有正常體重is ok 0.0  仲好叻添
仲讚佢地食得多野 食日裝住d屎屎係身

[ 本帖最後由 小小夕 於 2011-8-18 05:54 PM 編輯 ]