店員的一句說話令我很疑惑-A草

新手的我帶了4個月大的賓尼兔回家已經12天了*
對於兔兔應食A草定T草, 同食幾多, 真係好疑惑, 煩請大家指教下

買兔果時, 店員話兔兔食開KAYTEE既T草, A草就幾日先俾一執(一個箱有4隻兔兔爭草食的)
所以我買兔兔既時候, 店員叫我買T草, 及一包兔糧(話A草有需要先買)

但買返屋企一日後爬文後發現, 幼兔應該食無限量的A草, 於是我回店買了KAYTEE的A草給兔兔食
我家兔兔好食得* 通常俾幾多草佢, 佢都會快快食哂*
(T草我都有KEEP住放, 但兔兔好少食, 真係冇哂A草先會間唔中食下花花同一些嫩草)
兔兔大約6日就食完一包680g 的A草 , 於是我再到店買

店員話6日食完一包A草實在太多, 我真係嚇左一嚇, 但我話: 兔兔便便深色左之外, 其他都好正常, 又圓又大...
不過聽完佢呢句, 我個心好驚, 諗起兔兔D尿乾後真係有少少白色(爬過文話可能太多鈣)我怕係唔係我俾得太多野兔兔食, 於是DAY8 開始, 我又只放T草, 兔兔出奇地又肯食, (可能冇得揀又肚餓??)

DAY9-11 因為兔兔識去廁所大小便, 好叻, 於是我又加返多D A草想獎勵下佢

到今日DAY12, 我忽然好擔心兔兔會唔夠營養, 明明個個都話食無限量A草, 我冇咁做, 我會唔會好錯, 於是我今日又俾左好多A草兔兔, 佢就食得好快*

(補充, 我每日朝早夜晚各一餐兔糧, 用手餵, 兔兔都係超快的食哂 )

究竟兔兔食A草係正確的嗎!? 6日680g係唔係真係太多!? 但無限量A草, 就應該食哂就加吧? 究竟我應該點做!!!?

尿個到我唔多知  你怕既話..      可以一半A一半T 甘比....   K字頭牌子既草我唔知好唔好  
不過可以既話 可以幫佢轉一轉D大路D既牌子..  OWBOX MOMI  APD個D      
因為好似K字頭麻麻地,,,    如果轉草  記得少少少少甘轉  唔好一次過轉哂..  糧都係...

              
記得D草要無限量供應   唔洗怕佢食得太飽     食飽佢唔會食   放大堆係到佢肚餓無聊就會去食

照正常 屎屎大粒   無提子屎出現     證明佢唔會因為太多A草而搞到營養太多..
((因為有提子屎   等於  你D A草可以減少D ))


仲有糧  好似都有分  幼兔耀同成兔糧...           要等其他兔友答...   
糧 ...  人地話APD係會好D ....         

早晚各一匙糧      兔兔好快食哂係正常...  因為佢地好中意食糧=  =+   

食多D 屙多D大粒屎    肥肥白白  係好好嫁@@       但你個錢包就會瘦D囉     哈哈


有時間遲D  幫兔仔睇下醫生...  買個安心     又可以有D問題問下醫生咁 ...     大部分都好樂意解答你

幼兔係要食A草既，只係有D腸胃差食多左會肚痾先要減少份量，多數都係一半A一半T，兔兔6個月大之後，慢慢轉曬T草。

我都唔會俾無限A草兔兔
有A草佢就唔會食T草
最多一半一半啦
而且糧我都唔會俾太多
尤其係日本糧一定唔會俾
太唔健康了

我都覺一半A, 一半T最好, 同埋都係APD, MOMI, OXBOW好D既
糧我就早晚各一次, 幼兔糧既成份我睇過其實主要係ALFAFA黎 (OXBOW)
我成日都覺得, 寵物店店員講既野不能盡信, 上網睇下, 聽多D有經驗既兔友分享仲有用

我都覺k字頭草唔係咁好, 我之前見過好黃, 我兔兔食 apd, oxbow 同momi, 佢而家要食 a 草架, 不過真係唔好比太多, 因為佢d便便會深色同有味, 份量你可以一半一半, 等佢都習慣食 t, 第日轉草就唔驚佢唔肯食

幼兔要食A草, 亦要食T草

A草的份量早晚一扎, 多少看牠會不會呵軟便
T草一定要比, 因為要比佢養成食T草的習慣

食A草的時間以一歲為限, 在幼兔時, A草九成, T草一成, 到接近一歲T草九成, A草一成, 最後唔比A草

靜賢細個去睇dr.ma,佢話靜賢太瘦,可以比全a草~所以果時我係比全a草佢食,佢腸胃又接受到,唔會痾爛便~
糧就係oxbow糧~草就momi a草,而家食緊momi 1st cut同2nd cut兩種~