有關預防腳蒼...求助

請問有兔友會拿走厠所鐵網,淨放墊料俾兔便便同尿尿,可唔可以分享吓你地嘅心得呢?同點先KEEP到腳仔乾淨呢?我睇到原來好多兔兔都會有腳枕/腳蒼....好擔心呀....

的確好多兔兔都有腳皮炎或腳蒼, 特別體型大或較重既兔兔更容易患上......

以前只有侏老板既時候, 因為我怕佢踩廁所鐵網多會出事, 所以, 我就加左個AB健康腳墊......


但最近多左總理, 因為佢係重量級體重既關係, 有腳皮炎既機會更大, 所以佢個廁所我就完全無用隔網, 直接放墊料就算, 都無問題, 腳板仔依然好好, 完全無因為敢唔干淨, 你可以放心


我係用Oxbow麥草粒 + 紙粒做墊材, 大約放廁所1/3分量既墊材, 早晚各換廁所一次


另我會係兔兔活動既範圍鋪上軟墊/草墊, 籠具, 廁所, 活動既範圍每日打掃清潔, 廁所及籠具隔天全面消毒, 以防細菌滋生, 兔兔會接觸的地方及範圍必需徹底干透

另提供一個健康及完善的生活環境給兔兔, 對兔兔健康有很大幫助

all_loving_it 發表於 2012-3-31 08:38 PM
的確好多兔兔都有腳皮炎或腳蒼, 特別體型大或較重既兔兔更容易患上......

以前只有侏老板既時候, 因為我 ...

噢...咩係腳皮炎呀?我隻兔兔都幾多尿尿加周圍走,加上白色腳底毛,好似對腳你仲污糟過總經理呀....不過我係用左草墊籠底,可能有D關係,個衰仔成日都唔俾我搞佢對腳仔,所以我好擔心佢已經中招,我今晚一定要同兔爸夾手夾腳搞搞佢！

貓仔兔 發表於 2012-4-2 11:59 AM
噢...咩係腳皮炎呀?我隻兔兔都幾多尿尿加周圍走,加上白色腳底毛,好似對腳你仲污糟過總經理呀... ...

兔兔患上腳皮炎既症狀包括 : 兔兔腳掌下皮膚充血, 腫脹, 脫毛, 繼而化膿, 破潰並形成經久不愈的易出血的潰瘍, 其中大家常說既腳蒼亦屬腳皮炎既一種, 總理只左腳仔都係既毛都係白色, 我籠底除左墊料都有鋪草墊, 不過, 草墊要日日洗換, 唔係好容易滋生細菌, 因為我係放養既關係, 佢地亦係通屋走, 所以佢地會接觸既地方早晚會吸塵, 用消毒水抹地, 再用清水徹地清潔!  其實只要兔兔籠具, 會接觸同活動既地方消毒同衛生做足, 地方保持干爽, 基本上尿多, 用草墊同周圍走問題不大, 因為我連而家養既兔兔前後都有5只, 除侏老板之外, 其餘都係賓尼兔, 賓尼兔係超多尿尿同便便, 但都無問題,

如果你只兔兔5肯比你攪佢腳仔, 敢就真係要留意啦!

all_loving_it 發表於 2012-4-2 02:58 PM
兔兔患上腳皮炎既症狀包括 : 兔兔腳掌下皮膚充血, 腫脹, 脫毛, 繼而化膿, 破潰並形成經久不愈的易出血的 ...

死喇。。。左...佢真係有甩毛同紅紅地呀...兩隻腳仔都係呀....除左腳枕會唔會係其他問題(如細菌感染之類)我尋晚已經抽起左啲網,跟你個方法墊厠所，今晚會去買ved bed,腳仔係咪可以搽凡士林?要搽幾耐至好番?如果10日啲毛毛都唔生出黎又無改善，就會帶佢睇醫生...會唔會等得耐得滯呢?好擔心呀...但係瓜巴文啲醫生都係叫人搽凡士林...我都日日拖地架喇...今晚唯有返去大洗啦...另外vedbe使唔使日日洗架?

貓仔兔 發表於 2012-4-5 09:28 AM
死喇。。。左...佢真係有甩毛同紅紅地呀...兩隻腳仔都係呀....除左腳枕會唔會係其他問題(如細菌感染之類) ...

如果已經出現紅腫, 就好似5單純係腳枕問題, 我個人認為是腳蒼初期, 你問我我一定會話5等10日去睇醫生, 最多5日好, 至於vetbed要日日洗

我領養的一對兔兔也有嚴重腳蒼問題，在hkrs買了vet bed,可惜第一天便被他們咬爛了！在兔協介紹下買了carefresh舖在籠子內，會舒服啲，同埋兔協有隻膏是for 兔子塗腳蒼的

貓仔兔 發表於 2012-4-5 09:28 AM
死喇。。。左...佢真係有甩毛同紅紅地呀...兩隻腳仔都係呀....除左腳枕會唔會係其他問題(如細菌感染之類) ...

另外, 我想講既係你兔兔腳板已經有紅腫, 就5可以每日直接同佢查凡士林, 因為按你所講既情況, 兔兔如患上腳皮炎, 特別是患處拌有紅腫, 很多時會有蟎蟲滋生並寄生在紅腫處, 因此, 真菌也較容易感染, 所以, 腳皮炎的治療不能光塗上凡士林 (因凡士林沒有消毒殺菌的用途), 以下方法是我綜合各方面的資料, 之前有朋友曾試用在兔兔身上, 有良好的效果, 希望對你來說有幫助……

1) 兔兔腳板仍需每天梳毛, 以免腳板上的細菌, 塵埃及雜質留在腳板上, 加重病情 (但在梳毛時注意不要弄傷患處, 做成細菌感染)

2) 每天均需以棉簽用生理鹽水替兔兔清洗患處, 并在清洗清潔及干透後再用碘酒來替兔兔消毒患處 (需注意不論是清洗或消毒患處, 都必需待兔兔腳底徹底干透後方可以放其自由活動)

3) 可在兔協購買兔兔專用的腳板塗膏, 消毒用的碘酒在一般藥房有售

4) 確保兔兔會活動接觸的地方必需平整清潔, 每天必需進行消毒及干爽

5) 替兔兔梳毛的用具每天都要清洗干淨

6) 兔兔會尿尿的地方 (包括廁所)必需確保放足夠墊材可以將兔兔的尿尿徹底吸收, 確保籠內干燥, 清淨, 患處不會接觸有便便尿尿積累的地方

7) 在兔兔未完全康復其間減少兔兔運動/活動, 以減少腳部患處的摩擦

8) 在籠內放紙箱紙或木板, 兔兔會自動到上面休息, 可以減少腳部與籠板的接觸面

以上只是個人建議, 如在幾天內兔兔仍未有改善, 或患處持續紅腫, 則必需就醫, 因為腳皮炎進一步惡化形成疥蟎病, 若腳板上紅腫處一旦形成傷口, 很容易感染金黃色葡萄球菌, 後果十分嚴重, 不能輕視!

在此, 希望你兔兔早日康復!

all_loving_it 發表於 2012-4-5 06:36 PM
另外, 我想講既係你兔兔腳板已經有紅腫, 就5可以每日直接同佢查凡士林, 因為按你所講既情況, 兔兔如患上 ...

今晚睇佢腳仔都係紅紅地同甩毛位大左，決定都係早啲帶佢睇醫生，見到佢咁，真係心痛呀...另外亦都怕佢係其他問題，vebed買左，隻壞蛋兔已經咬爛左....不過都用住先，另外怕佢熱，買左張薄地氈墊腳黎瞓，而厠所就用麥草粒加厚厚carefresh natural...希望快啲可以book到醫生啦=="

threefour 發表於 2012-4-5 06:16 PM
我領養的一對兔兔也有嚴重腳蒼問題，在hkrs買了vet bed,可惜第一天便被他們咬爛了！在兔協介紹下買了carefr ...

我嗰隻都咬爛左塊vetbed lu...

VET BED一定會咬,因為兔兔唔知你比D乜嘢,好奇咬爛都唔出, 不過我D兔兔,咬完覺得無嘢就再無咬

syt174698 發表於 2012-4-5 11:17 PM
VET BED一定會咬,因為兔兔唔知你比D乜嘢,好奇咬爛都唔出, 不過我D兔兔,咬完覺得無嘢就再無咬 ...

他們第一天便咬爛了，好彩冇食到，之後也反覆比他們用，不過都係咬咬咬，連下面的尿片也體冇完膚，haha...爛到冇可再爛掉了，激屎人！想慳番唔用墊材料都唔得，他們不懂上厠所，所以早晚也要換墊料，一星期
消化兩包carefresh,好重皮

貓仔兔 發表於 2012-4-5 11:07 PM
今晚睇佢腳仔都係紅紅地同甩毛位大左，決定都係早啲帶佢睇醫生，見到佢咁，真係心痛呀...另外亦都怕佢係 ...

嗯, 有惡化既情況真係快d同佢睇醫生啦, 因為腳皮炎可以話係較麻煩既一種病, 早期還好, 如果一旦惡化嚴重起來就好難醫

threefour 發表於 2012-4-6 12:17 AM
他們第一天便咬爛了，好彩冇食到，之後也反覆比他們用，不過都係咬咬咬，連下面的尿片也體冇完膚，haha.. ...

咁你買carefresh幾錢一包??q-pxt長期做特價喎

syt174698 發表於 2012-4-7 11:16 PM
咁你買carefresh幾錢一包??q-pxt長期做特價喎

Q-pxt幾$$ ???我最初第一次接兔兔時詳都唔知，去q-pxt詎叫買咩都買，買了$3xxx......之後去兔協上課，先知道有好多野冇用而且對兔子有害，結果掉鬼曬！我怕再比人呃，現在兔子用的墊材，草草都在兔協訂的！