換左廁所, 有疑問

忌廉賓轉食左MOMI 1ST CUT,真係飲多左巧多水, 所以個廁所不勝負荷, 12個鍾換一次都係有水!!
於是要出動DYLAN隻BB送俾我既大大廁所* 順便幫佢介埋用格仔網去廁所試試WORK唔WORK*

好在醒目女都識去返廁所, 但係佢跳親入去廁廁, 痾完就會狂抓D紙粒 (我用緊breedercelect隻環保紙砂), 攪到飛哂出黎
又怕佢咁抓, 抓到D 尿尿 (其實會唔會???),
我係唔係應該鋪到好厚好厚!? 即係個廁所有幾深我就鋪幾多!?
但佢又會去廁廁大便的, 好多屎蛋係面* 去廁廁踩到D屎蛋會唔會唔係咁好!?
仲有想請教下, 佢食左1ST CUT之後, 便便的確金黃左, 但D便便好易散,
之前2ND CUT 既便便係黑黑實實的!! 咁易散係唔係因為多左FIBRE? 定係有問題?

只要紙砂足夠吸收晒 d 尿尿，就5會踩到尿尿，至於份量要視乎尿尿多少，你可以留意下，再慢慢調節。屎屎乾爽，就算踩到亦無問題。1st cut 水份少，纖維多，所以散。2nd cut 水份多，葉多，但纖維細，所以濕潤且實實的。bB 食菜菜葉份量多，屎屎都會黑黑實實，又濕潤，黑係因為食物色素。

Dylan 發表於 2012-5-20 05:05 PM
只要紙砂足夠吸收晒 d 尿尿，就5會踩到尿尿，至於份量要視乎尿尿多少，你可以留意下，再慢慢調節。屎屎乾爽 ...

係呀 我仲觀察緊*v*
暫時都有一部份紙砂飛左出黎* 過左今晚殊殊高峰期睇下效果先*

不過BB既廁所真係大好多呀!!! 兔兔成個跳哂入去好可愛*
可以放多好多紙砂, 希望水浸不再!

我記得你之前提過會係面到加一屠ASPEN既木康, 會有咩好處架!?

happyyuki 發表於 2012-5-20 06:13 PM
係呀 我仲觀察緊*v*
暫時都有一部份紙砂飛左出黎* 過左今晚殊殊高峰期睇下效果先*

Cushioning 軟塾作用

happyyuki 發表於 2012-5-20 06:13 PM
係呀 我仲觀察緊*v*
暫時都有一部份紙砂飛左出黎* 過左今晚殊殊高峰期睇下效果先*

我屋企總理都係用你同款既廁所, 不過, 墊材我係放1/2個廁所份量既OXBOW麥草粒, 面再放CAREFRESH, 1日換2次, 未有水浸問題發生

其實放夠墊材問題5大

可能你兔兔太長時間係籠入面, 好無聊, 所以搵野發洩下, 打發時間

happyyuki 發表於 2012-5-20 06:13 PM
係呀 我仲觀察緊*v*
暫時都有一部份紙砂飛左出黎* 過左今晚殊殊高峰期睇下效果先*

係紙砂上多放一層木屑或CAREFRESH, 可以減輕兔兔直接踩上紙砂一粒粒不平既壓力, 之前我小填格格都好鐘意係廁所到用前腳尋寶, 但加左CAREFRESH之後佢又無再尋寶

因為MOMI 1ST CUT既枝莖多, 而且FIBER既含量比2ND高好多, 粗千維既草越高, 需要水份亦相對高, 所以飲水會多左, 否則無法完全將干草完全吸收, 消化干草既千維同營養, 再將食糜排出體外, 若飲水不足, 會引致兔兔消化不良, 便泌同腸胃問題

5同牌子既草, 因為種植既環境, 氣候, 土壤同後期干燥加工不同, 所以干草含水量會有不同,

但係你兔兔係食MOMI, 係同一種草種, 只係由於收割先後既分別, 但當中所含既水份係一樣, 所以5存在水份含量多少既分別

飲水多左既原因係由於1st cut既粗千維含量比2nd cut高出50%所致

另提到兔兔既便便問題, 健康既便便係有彈性鬆散, 大細均勻, 形狀係圓型至橢圓形, 外表睇上去係光滑, 顏色金黃色至深啡綠色都係健康正常

all_loving_it 發表於 2012-5-20 07:51 PM
我屋企總理都係用你同款既廁所, 不過, 墊材我係放1/2個廁所份量既OXBOW麥草粒, 面再放CAREFRESH, 1日換2 ...

我通常辰早清一次, 收工返黎又一次* 我估今次應該唔會水浸卦, 但我硬係覺得兔兔踩深色左(即係吸左水)既紙粒唔係咁好, 今日成日係屋企, 久唔久就忌唔住撥均返D 紙粒...哈哈哈*

觀察多幾日, 我都試下買包木康鋪上去先*

其實我收工返黎就會放佢出黎玩, 一日大概3-4小時*
星期六日係屋企就會全日俾佢出黎*
我都想請教下all loving it 你養緊4隻兔兔咁多, 佢地平時係唔係屋企自由行架!?
如果收工同佢地玩, 未要四隻一齊放先得* 哈哈, 幻想個畫面會好忙

all_loving_it 發表於 2012-5-20 08:11 PM
因為MOMI 1ST CUT既枝莖多, 而且FIBER既含量比2ND高好多, 粗千維既草越高, 需要水份亦相對高, 所以飲水會多 ...

係呀係呀, 我而家長期放1st cut俾佢,兔兔都好乖咁食多左粗支
聽到佢食到吱吱聲就覺得磨牙好成功

不過我都仲有一包2nd cut, 通常係引開佢既時候放係角落, 另一邊就清個廁所, 哈哈*

佢既便便而家係大大粒的金黃, 但佢一踩就散開*
散出黎既, 同草混在一齊, 感覺好似唔係咁好
同埋想兔兔個籠整齊d, 我考慮緊好唔好整個草架/ 草波波俾佢
不過我又怕自己多此一舉, 攪到佢食少左草.....

happyyuki 發表於 2012-5-20 08:46 PM
我通常辰早清一次, 收工返黎又一次* 我估今次應該唔會水浸卦, 但我硬係覺得兔兔踩深色左(即係吸左水)既紙 ...

因為紙砂深色同本身都有尿尿既顏色所以腳仔深色左5出奇, 但只要5會比尿尿浸住, 就5會有問題

我可能習慣左又無覺得點樣, 不過, 真係用好多時間照顧佢地, 清潔打理


佢地4個係自由行, 但都要做足措施架,

5會令兔兔有外在因素而受傷, 觸電, 食左5可以食既野之類, 但做咩措施要視乎兔兔本身所在環境有咩, 例如 :

好似我屋企既小填格格好鐘意係籠以外既地方尿尿而長公主有腎病, 所以會好多小便, 好可能趕切走返入籠去, 所以, 我屋企籠以外既地方另加放左8個廁所比佢地用, 以防係其它地方尿尿會整污jo佢地

自從多左8個廁所, 小填格格再無係廁所以外尿尿

鋪膠墊既地方, 會係膠墊外面加裝個帆布套住, 以防兔兔咬到膠膠, 會食左落肚同口仔接觸之類, 都對佢5好

所有電線, 電話線之類全部用厚身水管裝好, 5會外露, 并固定係場身5呎以上, 兔兔根本5會上到去咬

櫃, 台角之類既角位置裝上保護膠, 佢地玩既時候5會撞親

所有清潔物品, 食物都係放係櫃或者雪櫃入面, 5會比佢地走去偷食

種菜同植物既地方會係面加裝一到玻璃門, 5係屋企會鎖門, 5比佢地食左D泥或未洗既菜

廁所廚戶門口加裝閘門, 佢地5可以入到去

提供足夠既玩具比佢地打發時間同玩, 佢地就5會想周圍攪破壞

all_loving_it 發表於 2012-5-20 09:15 PM
因為紙砂深色同本身都有尿尿既顏色所以腳仔深色左5出奇, 但只要5會比尿尿浸住, 就5會有問題

我可能習慣 ...

嘩!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!*
兔兔遇上你真係好幸福*

我下個月會搬出去住, 我都要做定功課點樣set up 間屋*
等佢可以試下自由行, 起碼我返工可以係我間房自由行

happyyuki 發表於 2012-5-20 09:21 PM
嘩!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!*
兔兔遇上你真係好 ...

搬出去住會5同, 如果屋企係好多人住, 就可能有好多因素需要考慮, 亦要顧及到屋企人

不竟同屋企人住, 有好多外在因素, 5係樣樣想點就點, 否則, 同屋企人就會不和, 可能屋企人會因為敢5鐘意只兔兔, 若果真係敢樣最終對兔兔5好, 就算有得自由行, 兔兔都未必開心

一個詳和既環境, 兔兔可以感受到大家都錫佢, 愛佢好重要

慢慢嘗試比兔兔去新環境之中多d地方活動, 對佢係好事

相信你既兔兔會開開心心