衰女包食左好多糧

都係我唔好
今日下晝同兔兔玩完, 趕住出門口食飯, 大意將包兔糧放左係籠頂
出左街4個鍾返屋企, 見到包糧倒哂係個籠同廁所到*口*!!!!!!!!!
個爛左既糧袋就係籠頂................

即刻放兔兔出黎, 然後默然地一粒一粒咁執返入袋
我哥話拿拿聲倒哂佢, 唔好俾兔兔再係咁食....
但我唔甘心, 我想盡執, 希望大概估到兔兔究竟食左幾多

而家執完, 我估隻野都唔係食左太太太太多...因為我都仲執到幾多*
我估半飯碗多d...(其實都好多!!!!!!!!)


灰到買左菜菜都唔俾佢食住....* 希望兔兔唔好食制唔好壞便便啦!!
大家真係要小心d 放置d 糧草!!!!

兔糧開封後, 5適宜就敢用返本來個袋裝, 要搵密實盒裝好, 若係較熱既環境儲存, 再接觸到空氣, 兔糧有機會變質, 食左之後有可能會中毒

另外兔兔食過量既兔糧, 好需要攝取大量水份黎幫助將干糧消化同分解, 否則有可能引致腹脹同消化不良

依個時候你反而真係要比菜佢食, 最好係菜葉

因為菜葉之中不單含有水份, 維生素, 千維仲含有類似電解質既元素, 對兔兔消化系統係好, 舒緩飲食過量既飽滯感

你依兩日比多少少菜葉佢食啦

如果佢食少左草, 飲水5多, 你就比開得比較稀用針筒餵佢食

草粉同水比例 - 1份草粉 : 6份水

開草粉既水亦可以用蔬菜汁代替

可以既話, 你同佢用順時針方后同佢按摩腹部, 每次都要連按30分鐘

另留意佢既便便會5會比平日好黑, 好實, 好干

all_loving_it 發表於 2012-5-27 12:23 AM
兔糧開封後, 5適宜就敢用返本來個袋裝, 要搵密實盒裝好, 若係較熱既環境儲存, 再接觸到空氣, 兔糧有機會變 ...

佢而家有好乖好積極咁食草草同飲水水*
便便仲幾大粒幾金黃...不過我係唔係應該留意幾個鍾後既便便!?
我返到屋企發現果時係10點幾.....

我真係唔知兔糧要咁處理的, 我會小心d存放同擺係安全d既位*

happyyuki 發表於 2012-5-27 12:43 AM
佢而家有好乖好積極咁食草草同飲水水*
便便仲幾大粒幾金黃...不過我係唔係應該留意幾個鍾後既便便!?
我 ...

敢都好d佢肯飲水肯食草, 你照比菜佢食

依兩日你都要留意一下佢既情況

因為有時出現問題未必即刻可以見到

以前5知5緊要啦, 而家知道就好

all_loving_it 發表於 2012-5-27 12:56 AM
敢都好d佢肯飲水肯食草, 你照比菜佢食

依兩日你都要留意一下佢既情況

哈哈, 唔知忌廉賓係唔係頂開有條癮
而家企係廁所到, 係到頂個籠頂, 個樣好鬼疑惑咁
"點解冇兔糧趺落黎架?"

佢有新一批便便喇, 有d 似2nd cut 時既便, 的確細左少少同黑左少少
不過都好乖豬, 頭先到而家都飲左半支水同食左好多1st cut 草草
希望快d 變返金黃便啦* 哈哈

happyyuki 發表於 2012-5-27 01:36 AM
哈哈, 唔知忌廉賓係唔係頂開有條癮
而家企係廁所到, 係到頂個籠頂, 個樣好鬼疑惑咁
"點解冇兔糧趺落黎架{ ...

如果你要醫生材，就電比我啦！我拿比你！

happyyuki 發表於 2012-5-27 01:36 AM
哈哈, 唔知忌廉賓係唔係頂開有條癮
而家企係廁所到, 係到頂個籠頂, 個樣好鬼疑惑咁
"點解冇兔糧趺落黎架{ ...

佢可能當左益智遊戲，頂籠頂有糧食，哈哈...佢無事就好喇!

貓仔兔 發表於 2012-5-28 02:27 PM
佢可能當左益智遊戲，頂籠頂有糧食，哈哈...佢無事就好喇!

哈哈* 佢越來越大膽到百厭啦*
以前BB果時係到假斯文, 而家一放出黎就跳SOFA再籠頂, 佢一定覺得籠頂係會有無窮無盡既糧

happyyuki 發表於 2012-5-28 11:27 PM
哈哈* 佢越來越大膽到百厭啦*
以前BB果時係到假斯文, 而家一放出黎就跳SOFA再籠頂, 佢一定覺得籠頂係會有 ...

都會架,以前我都放草係籠頂,阿兔都成日跳上去,而家收埋左,就無上過去LU....

給他一些新鮮草,洗,然後整乾     個人意見

還是不及我ga兔胖~