請問大家知道邊度有提供兔兔上門剪甲服務呢?

我想搵兔兔上門剪甲服務, 但上網搵好耐都冇乜呢類服務
因為我兔豬唔比抱, 我試過想自己同佢剪, 但失敗咗, 跟本捉佢唔住
我原本今晚約咗去寵物店度剪, 但係抱佢入袋都好困難, 佢掙扎得好勁, 仲差d跌咗佢落地, 跟住佢心跳呼吸得好快, 我唔敢夾硬黎啦~
打去問過 station x, 寵x蛋, mini zxx等等...都話冇上門.....

你以前無同過佢出街?  

all_loving_it 發表於 2012-5-28 09:28 PM
你以前無同過佢出街?

有,睇醫生,絕育,出街剪指甲
但係佢之前冇反抗得咁勁, 最後一次帶佢去dr ma度覆診已經捉咗佢一個鐘, 今次直情係好似癲咗一樣,佢一見到個出街袋就已經走佬啦~

唔比抱，但比唔比摸?

hh0 發表於 2012-5-28 09:52 PM
唔比抱，但比唔比摸?

比呀,佢好鐘意人包住佢個身摸摸,錫錫, 但只要佢對腳一離地就發爛渣啦~

係呀，呀臣都係咁，我都唔知點同佢剪好。

dorisliu520 發表於 2012-5-28 11:50 PM
係呀，呀臣都係咁，我都唔知點同佢剪好。

話說我搵到一間叫caps 寵物美容, 有上門, 單剪甲一般地區好似 $120 一次, 我諗住下個月試吓
今次有朋友仔拔刀相助,帶佢有養開兔兔既朋友星期四上我屋企幫兔豬剪~ 但唔想次次都麻煩人哋, 好彩搵到呢間, 希望手勢好啦~

既然兔兔肯被你摸，相信只是你未懂得抱的方法，留意寶典有安全抱兔法，慢慢來啦，終有一日佢會被你抱得好C 服，加油。

你試下扒係地下剪

mizumi 發表於 2012-5-28 10:41 PM
比呀,佢好鐘意人包住佢個身摸摸,錫錫, 但只要佢對腳一離地就發爛渣啦~

佢可能離地無安全感

你可以嘗試摸佢個身仔既時候, 到佢比較安心, 你拎起佢頸背後既毛 (只係拎毛, 5好連骨一起拎), 跟手用另一只手托住佢pat pat, 再將佢放係胸前, 放入袋到就可以架啦

我小填格格好大介心, 5比抱, 我都係用依個方法, 都無問題!  你嘗試一下

dorisliu520 發表於 2012-5-28 11:50 PM
係呀，呀臣都係咁，我都唔知點同佢剪好。

你兔兔同你5熟,大慢慢會去好d, 或者考慮去參加兔協個兔子護理坊, 課程有教晒點同兔兔梳毛剪甲同如何照顧兔兔, 有問題你可以問佢地, 幾好架

mizumi 發表於 2012-5-29 05:40 AM
話說我搵到一間叫caps 寵物美容, 有上門, 單剪甲一般地區好似 $120 一次, 我諗住下個月試吓
今次有朋友仔 ...

我之前見有兔友提station r,有上門剪甲，不過要連送貨一齊做，你不如打去問下吖!
我隻兔都好唔鍾意出街，所以我次次都係用菜菜引佢入袋，唔係捉，捉會嚇到佢，下次一見個袋就發癫架喇...不過壞蛋兔一知中計(拉埋拉鍊後)都會係個袋裡出抓出鼻頂個袋想走路，不過，因為袋裡面有菜菜，頂一陣又食番野架喇!
其實，我隻兔都係唔太俾抱(睇兔大爺心情)所以都係伏係地下摸佢頭頭剪指甲，最長要14日先剪得日西，你可以試下，不過一定要夠光，之但係最難剪係手指公，要等佢中槍露出手指公至可以有機會剪到....俾啲耐性吖，我發現，如果我驚青，佢係知架，而成功機會會近乎零...哈哈!

之前試過係station R梳毛剪甲個d,梳完皮膚表面好多紅晒,佢有同我講返話兔兔本身好多毛餅,所以梳到一達達紅晒,自此之後我都係搵返兔協或者自己黎。不過兔協要早成3，4個月bk.

Dylan 發表於 2012-5-29 11:15 AM
你試下扒係地下剪

試過, 地下又試過, 床上面又試過, 摸到佢好舒服合哂眼咁,但佢又見到把較剪又走佬

all_loving_it 發表於 2012-5-29 11:33 AM
佢可能離地無安全感

你可以嘗試摸佢個身仔既時候, 到佢比較安心, 你拎起佢頸背後既毛 (只係拎毛, 5好連 ...

佢就算比我摸到反哂白眼好c服, 但只要佢一離地就狂掙扎, 又或者佢一感覺到我想抱佢就跳走, 我真係無哂佢符