究竟兔兔要幾耐先識得自己去廁所!!!???

唔知大家既兔兔 幾大 / 養左幾耐先識得自己去廁所呢?
論壇上同書上提及既方法我都有嘗試跟住做 , 但成效好似冇咩

請大家分享下教既過程同方法, 等我地呢d 兔兔未識去廁所既主人學習學習

隻隻都唔同
佢一歲我先教佢去
學左五日就識左
首先日日洗龍
廁所放係佢成日去vv既地方
廁所放有沾vv既料同幾粒屎
洗籠時用溝了水既醋洗
再用清水反覆清洗
一定要洗乾淨因為兔仔既嗅覺好敏感。嗅到可能會不安

我隻兔兔好細 得三個月左右 , 教唔教佢住好呢? 咁細個會唔會學唔識 /_\

首先,你要明白,係大自然裡面係無厠所呢樣野,有D兔兔一個禮拜就識,我家三隻兔兔,分別學左半個月同一個半月,另外一隻,教到依家都未完全識去厠所,仲去周圍VV.要睇下兔兔本身鍾唔鍾意用厠所VV,你敎左兔兔幾耐, 有無將VV完既墊料放入厠所度??VV完既地方有無用白醋抺走??你要比D耐性同心機,加油

我次次一發現佢vv 就會立即將VV完既墊料放入厠所, 再用白醋抺
試過我一抺完放返墊料 , 佢即刻係同一位置vv , 激到我死

仲有d post 教呢, 發覺佢想去vv 就抱佢去廁所 , 其實work 唔work? 我又唔敢搞佢 驚佢嚇親 , 因為有書話兔兔其實唔鍾意俾人抱起

奶茶吾洗教，第一日返屋企，已經識去廁所啦～

真係隻隻兔唔一樣
我隻仔第一次見到個廁所就識立即走上去屙
完全無教過就識左
阿女教左成年，乜方法都用晒都係唔曉
到我已經放棄嘅時間佢又突然識左
你可以keep住抹乾淨佢周圍屙嘅地方
再將佢d vv 便便擺入廁所
睇下佢會唔會get到

奶茶咁勁既 adore  

我教左卒卒三日就ok啦，方法同你講既一樣。
卒卒有個習慣，如果我地放佢出黎玩，玩左陣佢望住個籠，就即係要去廁所，我地會抱返佢入去架。
我覺得細細個教佢好d。

米糍回家時個半月大,第5日完全學會在便便DULL度便便,即使在廳裡玩玩下時,佢都會自動自覺的
她的籠子,我們每天會早晚清洗各一次,包括便便DULL.
教她屎波叫NG NG,尿尿叫豬豬,便便DULL叫DULL DULL,見她轉來轉去臭臭下,便同佢講'DULL DULL度NG NG,乖女', 當然,她做對了便讚賞她,否則便再講解一次!!

你地d 兔兔好乖呀

阿b會定左個位到vv
我係屋企就會放佢出黎
我會擺個廁所係出面

因為每只兔兔既性格, 習慣同學習能力都5同

所以幾耐完全學識去廁所有快有慢

有某部份兔兔可能幾日, 亦有可能要幾個月, 幾年, 更有某部份兔兔一生都學5識

有d好有性格同主見既兔兔, 佢地本身好聰明, 佢5係學5識, 而係佢5鐘意按我地既要求去做

基本上訓練兔兔去廁所既方法都係差5多, 大致上都係將兔兔係指定以外既地方尿尿, 都係用紙巾將用水稀釋左既白醋將尿尿位置清潔, 然後再將沾有尿尿既紙巾放入佢個廁所到, 而便便亦係佢面前放返入佢個廁所, 再同佢講要係廁所到尿尿同便便

如果兔兔仍然未學識, 就一定要重複上述既方法, 兔兔尿尿既地方一定要用稀釋既白醋清潔干淨, 因為兔兔會根據尿尿既氣味係同一個地方尿尿, 所以依部份係好緊要

若兔兔學識去廁所, 佢做到既時候, 一定要讚下佢, 佢會知道自己原來係廁所到尿尿便便係用得岩, 可以有助兔兔學習

有部份兔兔因為覺得企上廁所個隔網5舒服, 而5鐘意用廁所尿尿便便亦有可能, 所以儘可能將廁所個隔網拎走5好用, 或者係隔網上鋪上干草舒緩佢腳仔既壓力亦有幫助

我而家有5只兔兔

其中長公主大約1星期學識

侏老板, 學左幾個月都5識, 好鐘意周圍尿尿, 尿完仲好似勁開心, 但後尾總理黎我屋企, 我發覺侏老板每次想周圍尿尿既時候, 總理就會走去, 趕佢去廁所到尿尿, 有1次侏老板係都5肯去廁所到尿尿, 總理就嬲侏老板, 隔一陣侏老板係敢聊總理玩, 總理完全5理佢, 跟住侏老板就只會係廁所大小二便

總理一返屋企就識

小填格格大約1個月時間

豬腳薑仲未識

Ayore 發表於 2012-7-15 12:20 AM
我次次一發現佢vv 就會立即將VV完既墊料放入厠所, 再用白醋抺
試過我一抺完放返墊料 , 佢即刻係同一位置vv ...

係可以用抱佢去廁所到尿尿, 亦係訓練佢去廁所既方法之一, 有部份兔兔亦係用依個方法學識

不過, 我有2個朋友用依個方法, 兔兔又驚又發脾氣, 係抱佢期間就即刻尿尿, 我個朋友結果一身都係尿, 兔兔自己都比尿整濕, 試過好幾次都係敢, 結果我朋友最後都投降