食菜芯葉o既兔兔請注意

就快到秋天啦，係我印象中每年一到呢個時節，d菜芯又甜又靚又大棵，真係好好味！
各位兔爸兔媽係比菜菜之前係咪會浸菜，浸走d有害農藥，但係大家有留意到菜葉底呢？
記得係洗菜芯葉時翻轉睇清楚，睇下有無一小堆、一小堆好細小米白色o既蟲卵，小心比班為食豬食埋落肚呀！
我見過油麥菜都有，唔係一堆堆，而係一粒一粒的。
其實有蟲卵係葉面有d可以睇到少少，因為塊葉表面有時會有一圈黃色o左。
雖然阿媽話葉有蟲蟲代表無農藥，但係見到蟲卵就要掉o左唔好慳啦，連貴貴o既有機菜都係咁話
可惜以前無影低，有機會見到就影比大家睇~~~~

無論係咩蔬菜都要留意, 蟲卵每樣蔬菜都有機會有

而且若蔬菜上有黃色圈圈, 斑點之類既菜都係有問題, 係病

其實除非無留心去洗菜, 如果係留心, 認真無可能會發現5到

屋企有種菜(菜心,生菜,白菜仔,蘿白仔+蕉樹)
自家出產夠健康

wyman 發表於 2012-7-29 09:59 PM
屋企有種菜(菜心,生菜,白菜仔,蘿白仔+蕉樹)
自家出產夠健康

我屋企兔兔食既所有蔬果, 香草, 藥草我都係自己種

不過, 就算自己種都一樣要留心同認真去洗

把兔子屎放到盆栽中做天然肥,但是為何發霉的?

wyman 發表於 2012-7-29 09:59 PM
屋企有種菜(菜心,生菜,白菜仔,蘿白仔+蕉樹)
自家出產夠健康

連蕉樹都有種，你屋企有好大個後園嗎？好令人羨慕呀！

all_loving_it 發表於 2012-7-29 11:15 PM
我屋企兔兔食既所有蔬果, 香草, 藥草我都係自己種

不過, 就算自己種都一樣要留心同認真去洗

係呀，真係要好小心，我就係唔想d兔爸兔媽唔好似我咁唔小心囉

dongdong 發表於 2012-7-30 03:28 AM
把兔子屎放到盆栽中做天然肥,但是為何發霉的?

唔好意思，我無試過用兔仔便便做肥料，亦無研究過，所以都答你唔到。
不過，我估便便有細菌，再加上你每日淋水，令到便便潮濕，咪容易發霉囉！
或者你試下放o左便便之後，在上面蓋一層薄薄o既泥土，減少同空氣o既接觸，睇下會唔會好少少！

wendy 發表於 2012-8-4 09:12 AM
連蕉樹都有種，你屋企有好大個後園嗎？好令人羨慕呀！

我住圍村架,所以先種到

wyman 發表於 2012-8-4 12:02 PM
我住圍村架,所以先種到

咁咪可以種多d菜賣囉！自己種，起碼知道落o左d咩農藥同施o左d咩肥料，可以食得放心d

無落農藥架

wendy 發表於 2012-8-4 09:15 AM
係呀，真係要好小心，我就係唔想d兔爸兔媽唔好似我咁唔小心囉

照顧小動物係要好細心同足夠既觀察力, 我比佢地食既野仲嚴格過自己食

dongdong 發表於 2012-7-30 03:28 AM
把兔子屎放到盆栽中做天然肥,但是為何發霉的?

你係點落便便黎做肥?

如果係出現便便發霉既情況, 多數係因為空氣5夠流通而且太陽日照不足, 加上便便混和盆栽入面既水份, 環境潮濕而出現發霉既情況

若想用天然肥, 建議用兔兔既尿尿做肥料會比較好, 可以將兔兔既尿尿兌水1:2, 直接澆入盆栽既泥就得, 3-4個月施肥1次就足夠

all_loving_it 發表於 2012-8-4 08:23 PM
你係點落便便黎做肥?

如果係出現便便發霉既情況, 多數係因為空氣5夠流通而且太陽日照不足, 加上便便混和 ...

用稀釋o既尿尿施肥，會唔會好大陣「壓」味o架？

我比o左白菜仔佢試，已經食o左2日，暫時d便便都OK。以前成日擔心白菜仔白色o既部份會太多水份，食o左會有軟便，原來我隻兔仔o既腸胃係可以接受到，反而唐生菜都唔係咁好！因為我唔敢亂試，成日都以為兔仔o既腸胃係唔可以點食得菜，以後我會再比多o的種類佢試，唔該哂呀！

wyman 發表於 2012-8-4 04:26 PM
無落農藥架

唔好意思，可能我詞不達意，我唔係話你d菜菜有落農藥呀

我以前種過紫羅蘭（用花盆種）試過用雞蛋殼施肥同洗米水去淋花，棵植物真係好強壯。