本帖最後由 all_loving_it 於 2012-9-2 10:21 PM 編輯
近日收到吾少熱心既朋友表示希望領養我既兔bb, 係依度先多謝各位既熱心, 10只兔bb有其中8只我會比人領養, 但我都會有一定要求 :
最基本有以下3項
1. 屋企無養任何貓, 狗, 蛇, 鳥類既動物
2. 必需要進行兩次家訪, 并需跟領養人家人溝通, 確定支持領養兔兔及了解居住環境係咪合適兔兔生活, 如果認為合適就會安排同兔兔絕育
3. 必需進行絕育手術, 所有費用均由領養人負責, 并在安排絕育當天同我一同去, 直接將費用支付比診所, 絕育手術康復後(約10日)後先可以上黎接走兔兔
上面只係其中三項要求, 其它細則日後會系申請領養既POST補充!
有兔友p.m.同我講佢誠意領養, 而且會好好對兔兔, 但吾方便家訪, 希望我可以行過方便, 日後會send兔兔既相比我, 亦有某部份兔友聽到我要求兩次家訪話我懶多要求, 太麻煩
更有人鐘意用粗口黎回應我既要求, 但我可以同你講, 你鐘意鬧又好, 講粗口亦罷, 依個係你既自由, 但我都係吾會改變, 你要口出惡言, 我只好為你既行為感到悲哀, 因為每個人做咩講咩都只會影響到自己, 唔會影響到我
但我要同大家講吾好意思, 以上3點係最基本要求, 而家訪係點都一定要做, 我係吾會取消, 我一定要做家訪既原因 :
1. 必需確認領養人既住址
2. 領養者既環境係咪合適被領養既小動物居住
3. 領養者既家人係咪都同意領養該小動物, 係咪會有事都願意照顧, 以免申請人先斬後奏, 最後屋企人反對又吾要小動物
比人領養兔bb我吾會收取一分一毫, 雖然我無能力去一個人養晒所有兔bb, 但我最起碼都要同佢搵個合適既家庭, 當然有人認為我既要求太多, 但我只可以話好抱歉, 未能令你如願, 但我仍然必需如實執行
|
|