你哋真係咁鐘意兔仔?

首先，希望樓主明白，不論你嘅兔兔嘅來歷是怎樣，最重要係你對兔兔嘅心意。當然金錢都係其中一項考慮因素。只要你了解清楚你兔兔起居飲食狀況，做一個小統計，相信花費不會太多。

另外，兔兔係敏感小動物，佢地唔同人，唔會開口講佢地對主人嘅感受，即使你自己本人嘅喜怒哀樂，佢哋都會有方法感覺到，所以，千萬唔好對兔兔發脾氣，講粗話，佢咃係知道的~ 我記得你講過你兔兔會周圍去廁所，係因為你比唔到安全感佢所致。不如將心比己，如果你係佢，一天到晚比人惡言相向，你都會唔開心同不安啦~  

如果你真心想繼續照顧兔兔，比多少少耐性同時間啦~ 就好似拍拖一樣，雙方都要時間去相處，所以千祈唔好再講洩氣說話啦~

我都係新手養兔兔，老實講，我都試過以為我家小朋友頑皮鬧咗佢兩日，但從一啲方法得知佢心意後，原來佢只係未適應環境而已。所以，加油啦~ 依個論壇有好多養兔兔好有經驗嘅人，虛心學習，互相交流啦~

記住，如果你捫心自問你重想同兔兔一齊生活，就唔好再問人係唔係:真係咁鐘意兔仔?"啦~~