本帖最後由 wesky 於 2012-12-15 08:07 PM 編輯
兔兔的Cancer 相對膿瘡較為少見，呢篇POST 詳細紀錄波波由發現腫瘤、切除右耳手術及康復治療的詳情，主要係想為兔友日後提供參考，醫療費絕對唔平，大家要有儲蓄兔兔基金的習慣，以便日後不時之需。
12月15日 食左差不多兩個星期傷風藥，依家好返了 傷口仲有少許膿，整體康復進度都唔錯
24日再搵 Dr Ma 覆診 被剃的毛慢慢生返出黎啦~好搞笑 XD
![]() 12月9日 傷口情況
12月8日 覆診
傷口康復理想, 再拆左幾針線, 仲有膿要清, 繼續打針食藥(5隻藥!)
過多14日再返去覆診...... 待續...
眼附近的毛長左好多, 其它仲係好光! 怕佢再凍親, 買左個暖爐!
覆診費 $364外國的化驗報告證實係 Squamous cell carcinoma.. 仍不排除有擴散的機會.. ![]() 12月3日 患傷風了 可能波波姐右邊面至頸都無左毛, 好易散熱, 加上病緊抵抗力差, 唔好彩患左上呼吸道感染, 成日打噴嚏同有鼻涕。去左SAA睇，又駛左 $634 .. = = 十二月第一星期就駛左 $1000
12月1日 覆診 Dr Ma 讚傷口埋得唔錯, 啲膿有改善, 似返少少正常皮膚, 拆左幾針線, 返屋企繼續清膿, 唔駛再開刀清膿! so good~! 清膿要波媽幫手, 因隻波郁得太勁, 我就幫手hold住個頭。打針都係波媽打。 成個星期晚晚都唔夠訓, 早晚都要同波波擠膿, 每次都整至少一個鐘 = = 覆診費 ~ $360 11月29日 傷口情況
11月24日覆診洗左傷口，證實有膿，Dr Ma 話可能癌細胞附既的組織細胞唔夠健康，所以會有膿既情況
必須每日用力清理膿液，否則可能要再開刀清除... 我當然唔想佢再開刀啦..
依家可以做既係每日儘量擠ｄ膿出黎，繼續食藥，同埋每隔一日就同佢打支抗生素針....
診所姑娘教我幫波波打針，星期一要同波波打，希望成功啦...
另外，右眼眼潰瘍，左眼又有分泌物，兩隻眼都要滴眼藥水.. = = 覆診駛左 $760, 暫時總共醫藥費約 $8000, 每星期覆診到情況穩定為止 大家最好儲定多少少養兔基金吧. 以備不時之需...
每次清膿之前，都要清除硬化左既野先.. 如下圖....
![]()
11月23日晚
成功清左堵塞耳道出口的硬化物.. 見到裡面有白色既分泌..
11月22日波波胃口同便便都無咩問題 ![]()
傷口仲紅紅地, 耳道出口有粒好似硬左既分泌物... 唔知有冇問題... 星期六覆診
11月20日今朝波波肯自己食草粉！擺支針筒係佢嘴前自己食，叻女！
![]()
![]()
11月19日 更新
今晚波波胃口好左, 食左好多草, 同埋終於肯自己去飲水啦~ 精神左好多~!
11月17日 做切耳手術
手術好成功, 已將腫瘤連右耳切除幸好及早發現 & 提早左做手術 (原本下星期四), 有人取消左booking, 所以可以提前星期六做, 如果再遲d, 漫延至耳道根部, 就好難搞... 做完手術, Dr Ma 俾我地睇隻耳仔... 粒瘤生得好入.. (痛心..
返到屋企之後都唔肯食野, 唯有餵草粉, 夜晚起身又餵, 好快有cc
今朝肯自己食菜同草, 暫時放心少少...
禮拜六、下個禮拜六都會返去覆診,
三個星期後有化驗報告 (send 左組織去外國化驗)
近排好似好多大年紀少少既兔仔都有事, 如側頭&耳仔膿瘡,
主人最好每日同兔兔做個簡單檢查, 同埋儲定錢以備不時之需
希望所有病緊既兔都早日康復。
![]()
![]()
![]()
11月13日
第三次覆診, 化驗結果出左, 證實係 carcinoma = cancer.... 要做手術切除, 如果只切除粒野, 復發機會好高
所以Dr Ma 建議摘除右耳... 再send 粒腫瘤去化驗.. 可能因為呢粒野, 波波最近兩個月瘦左好多, 今日磅都係得 1.38kg 較上星期輕微下跌.. 暫時 book 左下星期四做手術... 手術費粗略估計$5000-6000, 連埋今次共四次診金大約 $3000
雖然會無左隻耳仔, 但只要健健康康, 生返肥肉, 就已經好好了, 依家真係皮包骨咁..
依家可以做既係唔好俾佢再瘦落去, 食下草粉, 虫草雲芝, 肥返少少, 下星期做手術 11月6日
波波覆診：明明好好胃口，但兩星期體重輕左0.2kg (1.6kg->1.4kg).... 耳道粒息肉大粒左一半，抽左少少sample拎去化驗（用針筒抽...痛），但唔一定驗到係良性定惡性，下星期先知化驗結果。下一步：驗血、照X光，做手術切左粒野再拎去化驗，風險係絕育手術嘅double... 如果係惡性，要切左隻耳仔... 希望化驗結果唔太差.... 真係多風多雨嘅一年，唉....
近排右耳發炎，聽日再見Dr Ma 覆診
相關POST
http://petkd.net/thread-23092-1-1.html
http://petkd.net/thread-23137-1-1.html
|
|
分享
收藏
支持
反對
睇到好痛，希望波波快d好返，身體健康