續：初生兔兔急問！媽媽沒奶水！

對不起！又開了一新post!
之前實在冇時間，奔波了一天。
這次會比較長細點
小弟是新手，剛養兔幾個月。
初時怕難養，所以先買一只養看看。
黑色貓貓兔男仔（包公子）
養了一個月多點覺得ok就又多養一只
啡色貓貓兔女仔（細佬）
因為買果時店員話係男仔
我只想包公有個伴，但依家變左老婆
養到咁上下大再檢查下。。死火是女仔來！
之後都知道就算分籠都可能太遲了
但還是有預約爸爸去做絕育，因為半歲多點了。
到左前天晚上（包公子變身做包公公前一晚）
我在床上跟細佬玩，佢痾左小小淡紅色水出來！
心知不妙，放返入籠轉個頭就生左一隻出來！
但是是死胎。。
媽媽不知是否知道是死了，都沒有理到寶寶
我傷心慾絕，抱在手好久，腦袋空白一片！最後給媽媽看了看，媽媽只lam了寶寶幾下就走開了。。不知是不是只有半歲不成熟，沒有母性。
然後我就到樓下草地土葬了寶寶啦。。
第二天就進預約了的西貢愛護動物恊會，媽媽也帶了去，給醫生看了。
摸了肚仔說有舊野係入邊，很有可能還有寶寶！但必須開刀取出。
生產周期正常不會超過一小時。
然後我就放下爸爸在這邊做絕育。
他們幫我轉介去灣仔總部入院
帶去給開刀順道做埋絕育。。
對不起細佬真的很辛苦牠。。
然後我就返去西貢等令返包仔
去到職員說剛收到消息，媽媽那邊開刀取出了兩只寶寶！還有生命！不過很虛弱。而且媽媽沒有奶水也沒有理會牠們，現在只給了氧氣。
爸爸做完手術一醒了就急著帶走牠了。。
但也不能帶回家他休息。。很無助。。
我又趕返去灣仔睇佢地
幸好有養兔的朋友有識在兔恊的資深職員，說這情況可以試用貓寶寶奶粉餵著先，保存生命。
我就打電話去灣仔問了！
很幸運還有最後一貫！就說了留給我了。到達後看到職員以經在埋首餵寶寶了，很感謝她們！
最後帶哂一家四口回家。
職員建議一小時就要餵一次奶
因為媽媽沒奶水，也不見得有母性。
情況實在不妙，寶寶又虛弱，隨時會走。。
餵了餵奶後我就試著把寶寶跟媽媽放在一起，先摸完媽媽再摸寶寶，我又好衰地在媽媽身上拔了些毛放左寶寶身上。
媽媽這次肯理會寶寶了，會心微笑阿！
不過不知道有沒有奶水，很擔心。
以下問題懇求解答！
寶寶要多久餵一次？職員建議每小時餵
我剛好放四天假，但之後就不能了！
媽媽在昨晚回家只吃小量a,t草。
草粉開了沒吃，也沒吃糧
不過今早好很多了，明顯有食慾
但爸爸連平時見到會發哂癲既零食都冇興趣。
我只用針筒餵了他吃點草粉，今早也沒什麼進展，也沒什麼屎屎痾，等下應該要帶去給醫生看了。
看著媽媽有時行去寶寶那真的好怕！體型差這麼多，見到踩了上去真的嚇死！

你好似遇到好多難題, 希望我答得晒你...

首先, 做完手術既兔兔...
如果真係乜野都唔肯食, 水又唔飲...
你一定要每兩小時餵一次草粉...
每次份量大概 20-25 ml...
並不能夠一晚只餵一次...
特別係兔媽媽, 由於佢年紀仲細, 並未十分成熟, 所以生完 BB 後有可能出現奶水短缺或 delay (估計佢應因為未十分成熟連巢都冇築??)...
加上佢仲要做手術, 更加需要多啲營養...
除此之外, 記得要針筒餵佢地飲水...
因為缺水既話會更加大鑊...

至於湊兔 BB...
通常兔媽係用味覺辨識自己既 BB...
所以你不防可以試下將兔媽既尿揸在 BB 身上...
不過最重要係 keep 住 BB 既體溫, 否則佢地好易死...
至於佢係咪真係冇理啲 B 呢?
其實兔媽通常一日只會理佢啲 B 一次...
詳細, 你可以去呢啲 link 睇下:
http://www.rabbit.org/care/newborn.html
http://www.bio.miami.edu/hare/orphan.htm

餵媽媽食多D野都可以..A糧A草...飲代奶都得...媽媽脹奶時會餵..

通常晚上11點後會系餵奶時段...至清早都有可能...

媽媽唔理BB就由佢...得閒去觀察BB系咪仲生存緊...以防媽媽無餵奶或不覺意踩死BB(到時要分開母子)

同時注意BB體溫....蚊下媽媽D毛放系BB到...籠面圍毛巾....

你要加油!!兔兔5舒服會食慾降低...必要時FORCED FEED....

希望你捱得過!!

不如你去兔協問下, 可否寄養兔BB, 等清況穩定再接回來. 好開心你願意救返兔BB. 支持你.

wmkcnw 發表於 2013-1-28 10:36 PM
不如你去兔協問下, 可否寄養兔BB, 等清況穩定再接回來. 好開心你願意救返兔BB. 支持你. ...

兔協5會收的

wmkcnw 發表於 2013-1-28 10:36 PM
不如你去兔協問下, 可否寄養兔BB, 等清況穩定再接回來. 好開心你願意救返兔BB. 支持你. ...

兔bb而家既情況, 兔協唔會收, 樓主要自己照顧

兔媽媽既情況係難產, 其中一個原因就係兔媽媽年紀太細懷孕, 身體機能未完全發育好, 你而家唔單止要照顧兔bb, 仲要注意照顧兔媽媽, 兔媽媽剛生完又開刀, 身體好虛弱

兔媽媽做完手術, 佢而家無餵口食野, 你一定要人手餵草粉比佢食, 用針筒餵, 吾可以就咁開左等佢自己食

如果兔媽媽無照顧bb, 你就一定唔止要放4日假, 因為頭10日你每日要定時定刻去餵奶, 清潔bb, 幫佢排尿, 檢查, 磅重同一切需要既野, 所以, 你或屋企人頭10日都要有人可以全天候留意住兔bb, 稍一不慎, 兔bb會死

兔bb唔可以每個鐘餵1次代乳, 一日分4次餵, 即係必需每6個鐘餵一次, 每日要同一時間餵, 絕對唔可以將奶量增加, 次數減少, 因為咁會令兔bb產生脹氣同其它問題, 所以, 你要教定鬧鐘半夜起身餵奶同之前提及既野

另人手餵代乳, 你要餵埋益生菌, 兔媽或爸既營養便, 因為兔乳之中本身含有兔兔需要既抗體, 但代乳係無, 所以, 需要加餵益生菌同營養便

餵奶量必需按兔bb既體重計算, 所以, 你每日都要同bb磅重

餵得多, 會引起兔bb消化不良, 產生脹氣

餵得少, 無法提供身體基本所需, 做成營養不良, 嚴重影響身體機能及器官健康發育

另人手餵奶, 你餵既時候唔可以反轉, 4腳朝天咁餵, 因為好易令佢地續親, 奶水流落呼吸系統, 會窒息架

要續滴慢慢滴落佢個咀仔, 吞完一滴先可以餵第二滴

兔bb係非常脆弱, 佢地成長過程中好易受外來菌感染

雖然人手餵養同照顧既bb, 係有一定困難, 但只要正確同用心去照顧, 佢地一樣可以健康成長

我前幾個月先一手一腳人手餵養兔bb, 連我朋友既兔bb一共有10只, 都順利健康長大, 所以, 你都要加油

Hihi,請問阿！
現在爸爸都是沒食慾，我每兩小時餵一次草粉
然後媽媽應該沒奶水的了
那我可以把寶寶和媽媽分開，爸爸回去和媽媽一起嗎？爸爸可能好唔開心，冇得返籠，係個紙箱度。。
這樣我照顧寶寶可以方便一點

呢度咁多有經驗和有愛心既人
有無人可以真係過去實地幫佢？
小兔會死呀！

WaiTatHung 發表於 2013-1-29 09:39 AM
Hihi,請問阿！
現在爸爸都是沒食慾，我每兩小時餵一次草粉
然後媽媽應該沒奶水的了

你有冇試過比新鮮菜比兔爸爸食? 如果都仲係冇興趣食既, 你唯有 keep 住餵草粉...
同埋, 你個紙箱有幾大呀? 如果活動空間夠大, 你有冇可能可以將個箱放係兔媽媽個籠隔離, 等佢地大家可以見到大家?
其實, 如果你真係決定 separate 啲 BB, 全天候人手照顧...
又唔係完全唔可以將爸爸放番去個籠到既...
但問題係, 你能唔能夠確保佢兩隻野唔會互咬對方傷口先?
我驚你到時直頭要 24 小時坐喺籠側邊望住咋...

我托左朋友幫我買左個籠。。今晚會令上來。。
有沒有人可以教下我怎做阿？好傍煌阿。。
爸爸昨天以經再看了醫生，打了針，比左藥
只吃很少，痾少少屎
媽媽剛我幫她清潔完個籠
之後牠就亂挖，我怕牠傷到bb
就抽起左bb..好似唔係好夠暖
我又冇暖水袋同暖包
依家隔住毛巾放暖水杯頂住先。。
剛剛有試下放爸爸返去
但佢就四圍聞，怕會有咩事都係放返紙箱先。。

Insomniahk 發表於 2013-1-29 09:53 AM
呢度咁多有經驗和有愛心既人
有無人可以真係過去實地幫佢？
小兔會死呀！ ...

點餵奶同照顧兔BB, 我可以過去做一次比佢睇, 但樓主點都要安排最少10日全天候有人24小時去照顧, 點都無可能有人可以10日住係樓主屋企或請十日去照顧樓主既兔BB

重點樓主係咪已經安排好4日之後仍可以24小時係屋企照顧兔媽同BB呢?

WaiTatHung 發表於 2013-1-29 02:35 PM
我托左朋友幫我買左個籠。。今晚會令上來。。
有沒有人可以教下我怎做阿？好傍煌阿。。
爸爸昨天以經再看了 ...

如果兔媽媽無奶水餵B, 無暖包可以去買, 24小時超市, 7仔都有你買左未呢?  依個根本係容易解決到不得了既問題

另你每日要餵奶, 兔BB每日體重都會增加, 你係咪有同佢磅好重?  確保餵奶量正確?  如果你無磅, 你可以去買個電子磅

你之前提及你4日後無辦法可以全天候照顧BB, 咁你而家有無去請好假準備?  

點做之前有覆你個POST, 你睇完有咩唔明?  你有無六個鐘準時起身餵奶, 清潔同照顧BB, 而家天氣涼, 兔BB需要熱量, 你一定要依時依候去做

WaiTatHung 發表於 2013-1-29 02:35 PM
我托左朋友幫我買左個籠。。今晚會令上來。。
有沒有人可以教下我怎做阿？好傍煌阿。。
爸爸昨天以經再看了 ...

我PM左WHATSAPP號比你, 你有問題可以直接問我