急問兔仔唔食唔便！

兔仔尋晚開始唔食野，仲無便便，
今日帶佢睇醫生，但醫生話唔知咩事，要照x光先知
但因為兔兔情緒唔穩定咬人，所以照唔到，
要焗暈佢先照到，但有一定風險叫我地諗下照唔照
之後俾左啲藥叫我地俾兔兔食左先，照正常情況今晚會食反野，
但我好擔心呀
有無人試過甘既情況呀？

尋晚到依家有便未？
有冇餵草粉？睇邊位醫生？醫生開左咩藥？
唔食野無便可以係腸停或腸塞，處理不當會有生命危險

未呀，
去左元朗城市獸醫睇呀，
藥因為唔係身所以唔知係咩藥
我知呀所以好擔心呀

http://petkd.net/yp.php?mod=view&id=381
去呢度搵 Dr Ma 睇急症，越快越好

醫生開左而啲藥，唔知咩用呢？

Baytril 抗生素
Biolaps 益生菌
Petcam 止痛
Metoclopramide 腸蠕動藥

依家有便未?? 有冇餵草粉?

Huibi 發表於 2013-2-6 09:28 PM
醫生開左而啲藥，唔知咩用呢？

其實醫生護士應該會解釋D藥,  冇你都應該要記得問... 聽日打過去問下啦

唔知兔仔而家食返野未?  如果未記得要定時餵草粉,  冇自己飲水就要餵埋水
冇便便要可以試下幫兔仔按摩肚仔,  但係腸停 / 塞兔仔係有機會肚痛,  唔肯俾你摸肚

今晚最好留意多些少,  情況冇改善要盡快帶埋D藥搵識醫兔既醫生,  有經驗果D唔照x光都知咩事

醫生無開草粉呀，尋日餵佢食左給條草有幾粒便便，但都仲扮緊雞仔呆呆地，木瓜丸而家都唔食呀！

Huibi 發表於 2013-2-7 08:41 AM
醫生無開草粉呀，尋日餵佢食左給條草有幾粒便便，但都仲扮緊雞仔呆呆地，木瓜丸而家都唔食呀！ ...

佢唔食就一定要Force feed 草粉，個肚唔可以餓，詳情睇置頂腸停文
如有食開菜，都可以俾，粗纖維有助腸蠕動
腸停身體會缺水，要有水落肚
按摩下肚仔，睇下有冇肚脹，肚脹就好嚴重
最好去 Dr Ma 度睇多次，帶埋藥，24小時未有好轉情況令人憂心

我知呀，今晚打算帶佢去dr.gerry到睇呀，佢而家無食野但咀仔係甘郁!

Huibi 發表於 2013-2-7 12:48 PM
我知呀，今晚打算帶佢去dr.gerry到睇呀，佢而家無食野但咀仔係甘郁!

其實你真係可以帶你隻兔仔去睇dr.ma。

我估你應該都係住屯門元朗一帶, 如果你覺得dr.ma遠,你可以搭巴士到美孚轉的士,加加埋埋都不用$60。去DR.MA度可以一次過K.O問題,又免去你浪費更多錢~~~

考慮下吧!

Huibi 發表於 2013-2-7 12:48 PM
我知呀，今晚打算帶佢去dr.gerry到睇呀，佢而家無食野但咀仔係甘郁!

試下搵dr. ma睇丫, dr. ma好細心的
之前我隻實尼囡有腸停都係搵dr ma睇

相對來講...個人唔建議搵dr. gerry睇...

但我要夜晚先可以帶到兔仔去睇醫生，最快都收7點過到地dr.ma都收左工，但dr.ma收8點 而家諗住餵左草粉先睇下初二有無機會去睇dr.ma啦

年初二會開，十一點至五點，快D去BOOK

Huibi 發表於 2013-2-7 08:39 PM
但我要夜晚先可以帶到兔仔去睇醫生，最快都收7點過到地dr.ma都收左工，但dr.ma收8點而家諗住餵左草 ...

兔兔情況如果無大起息, 絕對唔可以等年初二, 無便便同便秘可以引致體內中毒或脂肪肝死亡

年初二係2月11號, 今日先係2月7日, 即係仲要等多4-5日, 你拿拿聲把握黃金時間, 你抽唔到時間就搵屋企人幫手, 唔可以等囉