佢D毛多到我已經無從入手, 帶佢出去剪安唔安全?

我果隻獅子兔, 都唔明點解得佢呢隻D毛長到個個都以為佢係狗黎

長到叫救命, 我開頭又唔識梳, 而家都唔多識, 佢成日係咁走黎走去轉黎轉去, 而家好多度都已經變餅, 今日同佢剪背脊,剪完佢即刻跳返入籠我以為剪到佢...

佢條頸, 唔係背頸, 係近地果面, 已經餅到以為係肉粒....硬嫁...點搞呀...我唔敢剪呀....

之後發現, 佢PAT PAT個位置, D毛變左餅仲綁住佢D便便 好唔衛生, 完全唔識搞, 好驚剪唔岩!! 佢仲要瘋狂地踢腳....

人地D兔都換左毛, 點解佢仲未換    完全唔識搞....

不如你帶兔兔去兔協梳下毛啦.........兔協有護理班上,教兔主點樣護理兔兔...

兔兔自己都無得揀d毛,生得長定短.....唯有勸力打理

你要慢慢解返開d結,所有長毛兔都係咁,唔勸力梳,就緊係會打結啦,好似人長頭髮,唔打理把頭髮都唔靚~趁而家仲未好熱,處理左d毛毛問題,天氣熱又唔夠衛生,果時攪到有皮膚病,寄生蟲仲麻煩

若果d結太實,唯有剪左佢,但長始落去,係要主人學會幫兔兔梳毛,兔兔食到太多死毛有害健康

唔好怪我直接,
你唔帶佢去剪先唔安全~

樓上兔爸爸講得好o岩,
你快dbook 兔協既SERVICE啦!

你由最初開始已經係錯,
你知道自己兔仔毛毛長,你自己唔多識梳,又唔請識處理既人處理。
你自己都識講你隻兔仔係長毛到拖地,
佢換毛果時,至少一日都要梳一次毛。
佢而家搞成咁,
即是唔係一日半日造成啦~

佢唔係未換毛,
佢咁既樣,先換都換唔到啦!

唉....

你唔好怪我嚴厲,
我為你同你隻兔好咋!

我家的貓貓兔d毛都係長到狗仔咁，基本上日日都一小梳，每個月就去兔協一大梳，每兩個月再去兔協全身剪毛一次！
仲有貓貓兔既毛，唔似賓尼咁一次過換毛，所以你就算唔可以日日梳，一星期起碼梳一次吧。
我諗你隻兔既毛已經打哂結，咁好易有fur mite同皮膚病，你快d book兔協幫你隻兔解結吧。

BOOK唔到就試下其他寵物店。我知R記同八號有幫兔兔剪毛，試下打電話問下啦。

BOOK唔到就試下其他寵物店。我知R記同八號有幫兔兔剪毛，試下打電話問下啦。

raywong521 發表於 2013-3-4 03:03 AM
不如你帶兔兔去兔協梳下毛啦.........兔協有護理班上,教兔主點樣護理兔兔...

兔兔自己都無得揀d毛,生得長 ...

好呀, 謝謝你^^

Suzanne 發表於 2013-3-4 01:22 PM
唔好怪我直接,
你唔帶佢去剪先唔安全~

直接好事黎嫁, 問題可以直接解決~

我未養過咁長毛既野, 所以就問人到底點梳, 而原來都仲係唔識, 所以上黎問, 先知有兔協呢間機構同當中既運作咋

我聽日去BOOK先 謝謝你

syt174698 發表於 2013-3-4 06:24 PM
BOOK唔到就試下其他寵物店。我知R記同八號有幫兔兔剪毛，試下打電話問下啦。 ...

好的^^ 謝謝


佢D毛真係...@@

sgjkevin 發表於 2013-3-5 12:03 AM
直接好事黎嫁, 問題可以直接解決~

我未養過咁長毛既野, 所以就問人到底點梳, 而原來都仲係唔識, 所以上 ...

唔好咁講, 我建議你最好BOOK星期一至五,
因為比較少人,
個職員姐姐可以慢慢剪同梳,
你有咩問題都可以直接問佢架~

至於8號兔,
我唔知其他分店係點,
我見元朗分店個職員就真係....

我上次去拎草,
我睇唔過眼,
我幫隻兔兔剪甲。

除左帶佢去梳毛,都建議你去學點梳毛
因為夏天將近, C子免雖不算什麼長毛兔但最好2,3日梳一次
可以確保整潔外,都可以減低有FURMITES和皮膚問題

兔協打左成朝冇人聽T口T 係咪逃避我。。。

長毛係難打理啦

我平時都係去八號兔(屯門雅都)剪
雖然無兔協咁細心 但係總算唔洗下下一個鍾頭車程
(因為兔兔次次出去都好驚 同埋忍屎忍尿 所以我簡近我屋企o的)

你可以試下搵
https://www.facebook.com/rabbitgrooming

我見我身邊幾個兔友都搵佢    遲下夏天我都會搵佢剪XD   自己剪真係好辛苦呢