仔仔絕育問題

諗住去Dr. Hugh 同仔仔絕育
想問下絕完育有冇咩特別注意？餵藥難嗎?
我怕自己一個搞佢唔掂……
有朋友建議我帶佢去pet's cafe度由佢帶阿仔去絕育同照顧佢幾日……我又唔知咁好唔好

仔仔簡單同康復快D，食藥用針筒餵的，唔難既，眼明手快就得喇，基本上手術後當天籠內提供草、菜、水、少許糧，籠底舖層草俾兔兔安靜地休息下就好了。

打算幾時做啊，我幾個月前都搵左dr.hugh幫2隻仔絶育。

千萬唔好聽你朋友講.....

做完手術，係咪應該俾佢留係屋企，有番安全感…

正常黎講, 照顧絕完育唔會有太大困難, 你主要係觀察佢既傷口有無紅腫發炎, 飲食同便便正唔正常

兔兔係比較緊張既小動物, 如果你擺佢去寵物店照顧, 佢又一邊要康復又一邊適應新環境, 反而令兔兔仲辛苦, 影響心情

隻寵物係自己架啵~緊係自己照顧啦!!今次係有計劃既照顧,唔係突發事件,可以先做定功課,學習如何照顧兔兔,始終兔兔第時病都要餵草粉,要學會照顧兔兔,論壇應該有文章可以比你參考~

你朋友講果間係出名黑店. 我帶過BABY去一次, 有蚤. D野QUALITY又差, 又唔平. 仔仔絶育2日己復完, 藥都唔洗食. 女女就要食藥, 1 星期完全好返.

我阿仔都係喺dr hugh度絕育，返到屋企一個鐘到已正常走動+狂食狂屙，我覺得仔會康復得快過囡，自己睇返ok架喇〜

結果book左Dr Hugh下星期六同阿仔去絕育

兔兔絕育後係需要你既悉心照料架，相信其他寵物店唔會淨係照顧你隻兔兔囉。而且環境未必乾淨，萬一傷口感染有菌點算呢
建議你請一兩日假照顧兔兔，餵草、草粉、比兔兔飲水都好重要，唔好假手於人呀。

我隻卒卒想當年絕育後帶住個大喇叭，成日想lam自己但又lam唔到，隻手仔click 左起個大喇叭入面呀，又拎唔返出黎，幾陰公呀，好彩我放假睇住佢，發現到咋。

當然，隻隻兔兔唔同啦

今天帶左阿仔去絕育……擔心

加油加油！冇事的！

斑斑媽 發表於 2013-3-30 10:26 AM
今天帶左阿仔去絕育……擔心

仔仔應該返左屋企啦，依家好嗎？

返去接佢時Dr. Hugh 話佢唔多開心....(兔爸話俾人奄....梗係唔開心)
返到屋企就入籠躲埋一角.....我專程買左d果樹草混俾佢食.....見佢坐左係度....好似嬲左我咁.....
岩岩好辛苦餵左佢食藥
想餵草粉佢就死都唔食.....好彩俾左幾條果樹草佢都肯食....抱番佢入籠已經有黃金出黎.....
但現在仲未見佢飲水.....