28/3/2013更新 : 已搵到新家啦! 兩只豬腳薑寶寶待領養

28/3/2013更新 :
係依度好多謝各位一直對兔bb同豬腳薑既關心, 向日葵同不倒翁已經搵到新家, 佢地會由同一個家庭領養, 地方好大, 今日同埋新主人同佢地去做左絕育, 手術非常成功, 係等接返佢地既期間, 我陪佢既媽媽去買晒需要既野, 之後佢亦同我返診所睇下依兩姐弟, 等佢地康復之後就可以接佢地返屋企


由豬腳薑所生既5只寶寶同朋友只賓尼女所生5只寶寶, 其中有兩只我自己養返, 另外, 有6只已係早前搵到合適新家繼續生活, 而家仲有兩只尚待領養, 分別係一仔一女, 都係豬腳薑既寶寶, 我已經係待領區post有關資料, 有興趣既朋友可以去睇睇


此兔兔是由我家豬腳薑在20-7-2012所生

領養要求 :
1. 申請人必需年滿18歲, 尚未滿18歲的申請人需由家長或監護人代為申請

2. 家中沒有飼養任何貓, 狗, 鳥類, 蛇及爬蟲類的寵物

3. 需安排不少於兩次家訪, 以便了解居住環境是否適合及家庭成員是否同意飼養該兔兔

4. 必需為兔兔安排進行絕育手術, 有關所需費用由申請人負責, 并在絕育當天直接支付給診所
註 : 絕育手術可在毛國界 - Dr. Ma或大圍珍禽異獸 Dr. Tiger進行

5. 每天可提供不少於3小時給兔兔在籠外活動

6. 申請人需承諾可照顧兔兔終老, 即使日後任何原因真的不能繼續照顧兔兔, 需通知本人接回兔兔, 不可將兔兔隨意棄置及轉售

7. 係大家決定申請領養兔兔之前, 請審慎考慮有無足夠能力照顧善待兔兔終老, 兔兔壽命一般有7-10年, 有部份可以有13年, 之前我曾養過一只賓尼兔有13歲!
註 : 能力包括耐心, 愛心, 時間, 精神, 環境, 經濟 (兔兔平日洗費有限, 但若不幸生病, 醫療費方面最少一千幾百, 有部份情況更可能需要一萬幾千)

8. 每日需抽空陪伴兔兔, 了解并觀察佢既需要同健康狀況, 因為兔兔同人一樣有思想, 感情, 感受, 喜好同需要, 佢地一樣需要關懷同陪伴, 以保持身心健康

為左令寶寶儘早適應環境, 所以, 會隨寶寶免費送出用開既大兔籠, 廁所, 一星期份量既糧草

兔兔已在兩個月前係大圍珍禽做左body check同驗血, 報告結果身體健康良好

見親D bb都係咁可愛，希望2只快D搵到合適既新家

hh0 發表於 2013-3-19 09:48 PM
見親D bb都係咁可愛，希望2只快D搵到合適既新家

係呀!  佢地好可愛!

向日葵佢性格好好, 完全唔怕人, 好純, 完全無脾氣

有d似總理

邊隻叫向日葵？咁另外一隻叫咩名？

hh0 發表於 2013-3-19 10:02 PM
邊隻叫向日葵？咁另外一隻叫咩名？

向日葵係白色, 女仔, 即係返版豬腳薑

另一只啡白色, 係男仔, 叫不倒翁, 叫佢做不倒翁係因為佢就係比豬腳薑準備踼出籠果只, 但佢仍然好勁, 大左唔怕豬腳薑  佢好努力想打動豬腳薑, 但依然失敗

唔好意思，呢個 comment 完全唔關領養事

因為我隻仔從來冇做過 blood test，普通 body check 又唔會專登幫你抽血...
但我好想幫佢每年做一次，起碼有起咩事上黎可以預早知道
所以想問關於 blood test 既問題：

1）大圍做 blood test 除左 test 肝腎功能仲會 test 啲乜？例如佢地會唔會驗埋某啲病毒既抗體，血液鈣含量，cancer markers 等
2）所謂肝腎功能實質佢地係驗邊幾隻 factor?
3）blood test 完幾耐之後先有 report? 佢地係 send 去外國 test 定點？
4）佢地會喺邊條血管抽血？需要麻醉嗎？

麻煩晒

Hitan 發表於 2013-3-19 10:24 PM
唔好意思，呢個 comment 完全唔關領養事

因為我隻仔從來冇做過 blood test，普通 body check 又唔會專登幫 ...

正常黎講如果就咁做body check係唔會有驗血, 其實, 平日新兔兔黎到, 我都係自己同佢check, 因為基本上檢查用既工具我本身都有, 都可以聽到佢腸聲, 檢查到佢耳道有無問題, 發現有問題, 先會同佢見醫生

事實上, 豬腳薑寶寶既年紀一般都唔會驗血, 但因為我係街執到, 佢有左, 我擔心佢係近親繁殖, 會有先天性問題, 所以先會同佢驗血

驗血之中可以驗好多野, 要驗咩項目可以選擇

而家寶寶方面我同佢地驗血常規, 血小板含量, 其中仲有 :
HCT
HGB
MCHC
WBC
GRANS
PLT
RETICS

血含鈣量, 肝腎功能, 有無貧血之類

有部份會係香港做, 如果係特定項目就要send去外國

你係香港?  其實你可以直接同大圍或當地獸醫了解, 因為唔同醫院佢地既做法有別

Hitan 發表於 2013-3-19 10:24 PM
唔好意思，呢個 comment 完全唔關領養事

因為我隻仔從來冇做過 blood test，普通 body check 又唔會專登幫 ...

抽血絕大部份都係係耳仔到抽, 有少數會抽大脾, 唔需要麻醉

我鍾意左邊嗰隻呀〜 好想咀佢個咀咀

兩隻都好可愛呀....兩隻都圓古碌禁....
希望可以嚴選新主人比佢地一個幸福既新屋企~

Twinklesin 發表於 2013-3-20 12:19 AM
兩隻都好可愛呀....兩隻都圓古碌禁....
希望可以嚴選新主人比佢地一個幸福既新屋企~
...

係呀, 我會審慎領養家庭

之前都有人申請過, 不過, 我覺得唔係太合適!

希望快d搵到適合既人選領養向日葵,不倒翁啦~

兩隻都好得意

all_loving_it 發表於 2013-3-19 10:48 PM
正常黎講如果就咁做body check係唔會有驗血, 其實, 平日新兔兔黎到, 我都係自己同佢check, 因為基本上檢 ...

唔該晒呀!
其實我未番到香港...
只係想問定先 :p

我一直都想幫我隻仔做個全面啲既 body check...
因為之前喺香港, 喺美國做既 body check 基本上我自己喺屋企都全部可以幫佢 check 晒...
心諗既然比得錢出去比醫生 check, 點解唔索性做個全面啲, 自己喺屋企 check 唔到既野...
特別係我覺得最起碼都要喺兔兔健康既時候幫佢做一次 blood test...
咁樣第時有起咩事上黎都可以有多個參考指數 (因為呢啲指標實有 individual variation, 所以最好就係同一隻兔兔做比較)...
不過呢, 之前喺呢邊同佢個 vet 講開...
點知一口比佢拒絕左...
個 vet 同我講...
兔仔抽血要麻醉唔係幾好, 而且我個衰仔咁細個唔會有事喎 (其實佢都唔細, 都兩歲幾喇!)...
但我知道唔係所有地方都會麻醉兔仔去抽血...
技術好既醫生係應該可以喺手/腳/耳仔度抽而唔會 stress out 兔兔...
所以想打聽吓你去嗰間診所用咩方法幫你啲寶寶抽血...

P.S. 我點都諗住番到香港會帶佢去第一次醫生...
但打電話去 book Dr. Ma 既時侯個 receptionist 乜都答唔到我...
邊度抽血又唔知, 駛唔駛麻醉又唔知

all_loving_it 發表於 2013-3-20 12:40 AM
係呀, 我會審慎領養家庭

之前都有人申請過, 不過, 我覺得唔係太合適!

因為我見其他果D想領養兔兔既人都有點奇怪....隻隻都話有興趣
果頭放D hamster 出離叫人養, 呢頭就去領養兔兔