如何訓練兔兔去廁所？

想請問有經驗的兔媽媽，如何訓練兔兔去廁所？
我之前已經爬文，但都係吾係好明，
我的兔兔一個月大，
試過放佢尿過的紙係三角廁盆，佢都識係廁盆尿尿，
我都用同様方法將佢啲屎放係盆到，但佢學極都未識，同圍都係一粒粒
請問應該點教？

兔兔識上廁所小便已經好叻

便便好少兔兔識上廁所去!~
便便又係乾身唔怕啦

事關我想遲啲想放佢係屋企周圍行,佢周圍放屎好難攪,佢啲屎而家好似BB彈咁細,好易滾到屋企啲罅~

其實兔仔多數係一邊食一邊痾o既。

不如你試下
見到佢地一食草就輕輕推一推佢地pat pat上廁所,
一食草就推佢地上廁所。

久而久之可能work.
我係咁教我屋企果兩隻架~

不過,你要預有d兔仔會用屎彈黎霸地盤,
初初係會周圍會屎彈~

兔兔通常食完同玩完都會想去方便一下,你留意到佢想方便既時候就拿拿林放佢去廁所!久不久就會習慣!

elaink 發表於 2013-4-25 09:42 AM
事關我想遲啲想放佢係屋企周圍行,佢周圍放屎好難攪,佢啲屎而家好似BB彈咁細,好易滾到屋企啲罅~ ...

咁較細直隙既位置, 搵野"難"住去咪得囉

每只兔兔既學習能力唔同, 一個月已經識去廁所尿尿已經好好, 至於便便方面, 唔係太多兔兔可以完全識用廁所

你應該要做就係比多d耐心去教, 學唔識就你同佢勤d執走就無問題

我會努力!比心機教佢!多謝大家的提點~

其實一個月大既兔兔識去廁所痾尿真係好叻架
我朋友果隻教極都唔識，d尿尿滲到周圍都係，要好勤力清潔
BB彈乾身又冇味，算易清潔啦
慢慢黎，唔好急

其實仲細,唔洗咁急住教~因為兔兔識唔識去廁所,真係好睇佢本身~
最初我既BUBU仔,都唔識去廁所,教佢都冇咩反應。所以初初個三角廁都冇比佢用到(最終係用左黎放菜比佢食...)
後來佢5個月大左右,見佢開始係指定一邊角落大小便~無論點調轉,點洗,點放,都係指定一邊。
一個月後換籠放廁所,佢就自己識得去了。直到宜家2歲, 個籠底可以乾淨到一粒屎都冇。

不過如果你養既係仔,你要清楚佢會有一個噴尿既階段,點噴法? 想像佢個屎忽原地甩尾,之後至少2x2米範圍都會有佢既尿,記住,10隻有9隻仔都係咁,哩個係必然,冇得教的。千其唔好打唔好鬧。耐性,忍耐。

其實佢肯係廁所vv已經好好了
我都係放個草架係廁所隔離
等仔仔食完係果度vv
教左幾次佢就自己急尿就會跑去廁所去～
可能我個籠係用豬仔板，便便會跌落下層
所以問題唔大囉  
仔仔而家都好少再係廁所出面vv～

多謝大家的分享{:soso_e113:},情况有改善喇!兔兔已經可以三角廁所屎屎.雖然都仲有屎,不過少左好多,不過係出面圍欄都仲係鐘意彈屎彈{:soso_e127:}~