求救！換左新籠俾兔兔之後唔識去廁所！

我隻兔兔大得好快，買左返黎個半月就已經唔夠位訓，所以決定幫佢換個大d既籠
我已經跟返原本個籠既setting擺位
但係佢仲周圍去vivi同屎屎
搞到我而家不停一見到屎就即刻持起放返入廁所俾佢睇
但佢仲係不停咁係廁所出面大小便
點算呀？
請指救

你兔兔既情況其實好普遍, 你換左新籠佢唔識去廁所, 其實係好細既問題, 解決方法非常簡單, 就係你用無限耐心從新再訓練過, 訓練方法同過去採用既方法一樣

你繼續做你而家既動作即可, 如果尿尿係廁所以外既地方用白醋清理辟尿味, 而便便你照返執落佢個廁所

而家每日見到成地尿同屎就頭痛！>.<
希望兔兔快d識用返廁所啦！

all_loving_it 發表於 2013-5-5 11:27 PM
你兔兔既情況其實好普遍, 你換左新籠佢唔識去廁所, 其實係好細既問題, 解決方法非常簡單, 就係你用無限耐心 ...

我都想請教一下,如果想將兔兔個籠由廳轉入房,佢識唔識係返個籠入面去廁所?定會係房周圍去架?
因為我奶奶家裝修,但佢一定要黎住,佢好唔鐘意妹妹,費時同佢有磨擦,所以想搬入自己房到!謝謝!

KARYLIN 發表於 2013-5-6 02:45 PM
我都想請教一下,如果想將兔兔個籠由廳轉入房,佢識唔識係返個籠入面去廁所?定會係房周圍去架?
因為我奶奶 ...

有D兔兔係認廁所位置,轉左位,而佢係原位搵唔到廁所,就會忍住唔去...結果拉尿/周圍去
有D係認尿尿味道....一般尼種你點換位置佢都會去番廁所
所以真係唔可以100%同你講結果係點
你正式換位之前,可以試下將係寵入面既廁所換下方向,睇下兔兔有咩反應

p.s. 兔兔亂尿尿=行為改變=有其他因素既影響

Shyshyboy 發表於 2013-5-6 11:04 AM
而家每日見到成地尿同屎就頭痛！>.<
希望兔兔快d識用返廁所啦！

老實講, 你養佢之前就應該有心理準備, 兔兔係學唔識去廁所, 會周圍去

我屋企其中三只兔兔係唔識去廁所, 一樣周圍去

只要你儘本份負責比心機打理無咩好頭痛

KARYLIN 發表於 2013-5-6 02:45 PM
我都想請教一下,如果想將兔兔個籠由廳轉入房,佢識唔識係返個籠入面去廁所?定會係房周圍去架?
因為我奶奶 ...

依個情況因兔而異, 就好似有部份兔兔就算轉環境一樣會去返廁所, 但有部份就唔會

Carman 發表於 2013-5-6 08:23 PM
有D兔兔係認廁所位置,轉左位,而佢係原位搵唔到廁所,就會忍住唔去...結果拉尿/周圍去
有D係認尿尿味道.... ...

有好多例子, 兔兔之所以轉環境而周圍尿尿, 係安全感不足, 領域性問題居多, 而因為搵唔到廁所只係百分之一

Carman 發表於 2013-5-6 08:23 PM
有D兔兔係認廁所位置,轉左位,而佢係原位搵唔到廁所,就會忍住唔去...結果拉尿/周圍去
有D係認尿尿味道.... ...

哦，原來係咁，咁我要先試下一試下先，謝謝你！

all_loving_it 發表於 2013-5-6 08:48 PM
有好多例子, 兔兔之所以轉環境而周圍尿尿, 係安全感不足, 領域性問題居多, 而因為搵唔到廁所只係百分之一 ...

哦...明白了，其實我間房兔兔都有入下去既，而且都係照用返同一個籠，都有佢自己陣味，希望佢唔好覺得冇安全感啦。

KARYLIN 發表於 2013-5-6 09:00 PM
哦，原來係咁，咁我要先試下一試下先，謝謝你！

唔好就咁去嘗試刻意換個廁所位置, 因為兔兔本身係有習慣性同鐘意穩定, 如果你而家就咁同佢去換位置, 兔兔會無所適從, 好易令佢唔再用廁所

Carman 發表於 2013-5-6 08:23 PM
有D兔兔係認廁所位置,轉左位,而佢係原位搵唔到廁所,就會忍住唔去...結果拉尿/周圍去
有D係認尿尿味道.... ...

唔好就咁去嘗試刻意換個廁所位置, 因為兔兔本身係有習慣性同鐘意穩定, 如果你而家就咁同佢去換位置, 兔兔會無所適從, 好易令佢唔再用廁所

如果無必要最好唔好經常轉變位置

all_loving_it 發表於 2013-5-6 09:57 PM
唔好就咁去嘗試刻意換個廁所位置, 因為兔兔本身係有習慣性同鐘意穩定, 如果你而家就咁同佢去換位置, 兔兔 ...

哦.
咁，我應唔應該轉入房好?雖然都係同一間屋，但佢會唔會難適應個位置，同埋等到個奶奶走左之後又要搬返出廳的，轉黎轉去係咪唔係咁好，但我又怕奶奶係我返工時整我隻兔多，因佢好針對我的，，所以想搬兔兔入房至少我出街都可以鎖我間房唔比佢入去，好煩惱

KARYLIN 發表於 2013-5-6 10:27 PM
哦.
咁，我應唔應該轉入房好?雖然都係同一間屋，但佢會唔會難適應個位置，同埋等到個奶奶走左之 ...

既然你奶奶咁既情況, 真係無法, 你最好都係將兔兔移居入房, 唔係你出左街, 佢可能會嚇親兔兔, 你早少少搬入房啦, 因為兔兔突然轉左環境要適應, 遲d又有新成員(你奶奶), 對兔兔黎講係一個改變, 唔洗佢同時間去接受兩個改變

搬入房同奶奶黎之後, 都要注意兔兔既飲食同便便係咪正常, 有時間多d陪下佢

另廁所放返同一個位置就好, 唔好搬黎搬去喇b