我家阿CREAM做左媽媽(定期更新照片)

我想問下有冇咩要特別照顧架?

你search 下之前幾篇文, 參考下
個籠太細, 草枝好尖, 兔b無毛保護好易刺親
最好鋪毛巾做底, 草放返草架
留意兔媽有冇定時餵奶

唔好再俾兔媽接觸未絕育既兔仔, 生完可以再大肚...

樓主要拿拿聲去爬文~

個籠真係太細了,一隻兔住都太細

兔b係好細嫩,要有好的毛巾,唔可以用劣質的,要確保毛巾上的線沒有勾出來

先抽起晒D草，兔媽媽肯自己餵奶嗎？唔肯就要人手餵奶，每兩個鐘一次，你有能力同精神支持嗎？仲有，兔媽要有足夠營養先可以有奶水比兔B,你比A草同T草比兔媽。你唔好用直接摸兔B,因為兔B有自己體味，兔媽用氣味分別兔B。用毛巾鋪底，兔B要保暖，換大籠，避免兔媽媽踏到兔B。

大家放心....兔b們健康成長中而家換左個成千蚊既大寵比佢地住
二個星期出齊毛開晒眼仔喇...
得閒再up多d新相比大家睇

好得意喎{:soso_e102:}

TommyTse 發表於 2013-6-8 10:24 AM
大家放心....兔b們健康成長中而家換左個成千蚊既大寵比佢地住
二個星期出齊毛開晒眼仔喇...
得閒再up多d新 ...

你換左邊款籠?

其實我想講籠平定貴唔係最重要, 一千蚊既籠亦唔代表一定係好, 重要係岩兔兔住就得

而且你既兔兔未絕育之前都係要分籠住, 唔係又出事, 因為到兩個半月你就要將兔兔同媽媽分開, 因為兩個半月已經有繁殖能力, 而兔兔既繁殖能力好強, 一旦交配99%都會懷孕, 一胎可以生幾只, 你根本無能力可以照顧咁多只, 兔兔懷孕亦好傷身, 而佢地係有血緣關係, 到時會出現近親繁殖, 好大機會生出既兔兔有先天性或殘缺問題

而兔兔起碼要6個月大先合適做絕育, 所以, 佢地兩個半月至絕育前都需要分籠住, 所以, 你都差唔多時候要為每只兔寶寶另外各準備好所需既用具三套, 如 : 兔籠, 廁所, 水樽......之類

syt174698 發表於 2013-5-22 11:49 PM
先抽起晒D草，兔媽媽肯自己餵奶嗎？唔肯就要人手餵奶，每兩個鐘一次，你有能力同精神支持嗎？仲有，兔媽要 ...

如果人手餵奶比bb, 正常唔係兩個鐘餵一次, 係一日分4次餵, 即6個鐘餵一次, 餵得太密會令兔b消化不良

另即使個籠比較細, 亦絕對唔合適兔bb未開眼可以走動前去換新籠, 換新籠對兔媽媽而言係新事物同居住環境有變, 佢地要時間去適應, 而剛生完既兔女係比較敏感, 去換新籠反而令佢不安, 更有可能因為咁而傷害同唔照顧bb

換左個大籠比兔媽,佢好快就適應左....起碼識去廁所...
今次既生寶寶係有計劃去進行....兔爸同兔媽不嬲都分房訓...
而家有左兔B,兩隻大兔下個會先做絕育...
而家TOTAL有3個籠比佢地住架~!

好似樣！ 毛色分佈都好似

D兔寶寶好可愛，我“大耳“兔BB都係約2個多星期到我家，由餵奶到他自己進食，不經不覺他現已2個月大了！

好可愛{:soso_e102:}

加油~~ 好QQQQ