兔兔唔肯用厠所

我家coffee2個月大獅子兔女，都用咗唔同方法教佢用厠所，但唔成功，而我個厠所搬去佢大小便個位，佢就去另一邊痾，激死我喇{:soso_e134:}有無人可以分享下啲心得？

兩個月仲細，慢慢教，唔好氣餒
試下用紙巾索左啲尿放入廁所，其它地方用醋抹走尿味
可能要教幾個月

我已經試過每兩三日同佢清潔個籠，再用醋抹，每日又將佢嘅便便同尿放入厠所！又試用溫和語氣，又試過罰佢坐喺厠所唔準出嚟，但都唔成功可能佢仲係太細掛，我會慢慢教到佢識止同埋幾大同佢做絕育係最好架？？

zzeta625 發表於 2013-5-25 03:31 PM
我已經試過每兩三日同佢清潔個籠，再用醋抹，每日又將佢嘅便便同尿放入厠所！又試用溫和語氣，又試過罰佢坐 ...

兔兔係籠入面去便便尿尿, 一定要每日換墊材, 做清潔, 而唔係兩三日先清潔一次, 唔好禁懶, 你都唔會去幾日廁所先沖一次水啦

每只兔兔既學習能力唔同, 有快有慢, 有部份兔兔本身唔鐘意用廁所, 所以, 有部份兔兔係一生都唔會用廁所, 其實廁所只係為左方便我地打理, 只要保持好衛生, 就算兔兔永遠唔用廁所, 根本都唔會有咩問題, 你決定養佢之前就要有佢永遠學唔識用廁所既心理準備

你本身訓練兔兔去廁所既方法都有問題, 佢當然唔會學得識, 我相信你本身無去爬足文, 如果有, 根本唔會咁教

你只兔兔只係兩個月大, 只係一只bb, 你用錯方法, 仲去怪佢做得唔好, 去罰佢, 我真係覺得佢好慘, 好無辜囉

無論我地養咩小動物都好, 都要明白一樣野, 佢地都係獨立既個體, 有佢既喜好同習慣, 佢地亦有唔同既個性, 有長處短處, 我地唔可以去期望可以將佢地改變到我地理想之中既模樣, 如果達唔到要求, 就去怪佢罰佢

同小朋友相處, 學懂包容, 接納係好重要

你好呀，我都係啱啱訓練我隻兔仔去廁所既。
兔仔天性好鐘意係角位VV，你試吓封晒寵既角位，我係一個角放廁所，一個角放草架/盒，一個角放陪佢玩既公仔，最後一個放隻草鞋俾佢當睡床，佢冇得揀會係廁所到VV0架啦。因為初初試過D草放地，佢除咗係廁所去VV仲會係放草既角位VV，整污濁D草好唔衛生。
唔好灰心俾D耐性，你隻兔仔好得意呀！

我阿仔七個月大都唔識去廁所……一放廁所係佢去開個邊就推開……再唔係就痾係另一隻角……
最後都唔夠佢黎……現在對佢最低要求就係佢識去個個角VV同放低幾兩都可以了

我嘅兔兔都係一樣，就算我將厠所放喺佢vv嘅地方，佢就去另一邊vv{:soso_e119:}用醋抹都無效{:soso_e118:}而家只要放佢出嚟喺間屋度自由活動唔好週圍vv同便便就心滿意足喇{:soso_e121:}因為佢真係好鍾意四圍走，一放出嚟就好開心{:soso_e120:}

尿尿要日日清的，我最初教個陣都教左幾星期！

我個隻BB個時教左好耐, 又係周圍去, 仲要唔只角位, 一個唔留鬼仲會訓返落自己d尿度. 又好鬼鍾意訓厠所, 我都以為一世教唔識架啦
但後尾我將糧兜同草放係佢厠所附近, 仲要掛到幾高下, 等佢要跳上厠所先食得無咁辛苦, 慢慢就見佢食食下會柯
加上大個左已經訓唔落厠所, 慢慢就識去了.
都係要勤力d抹啦, 我就買左支有醋成份既噴, 去倒漬又唔使過水