阿莓&阿拖的豪宅

見d日本人整到d籠好靚，自己忍唔住整下畀2只小魔怪！

好似好危險咁嘅

呢個籠完全唔合格,若果係龍貓住就可以,兔兔住係家居陷阱,完全唔得,我諗兔兔住左入去,想瞓返覺好都難,只能夠縮埋個身,對兔兔一d都唔健康,唔舒服

兔兔要住係平地,需要空間走動,而唔係爬高爬低,兔兔唔同貓,龍貓,好容易斷腳,跌親腰骨,整傷左之後就一世架喇~未必醫得返

老實講, 對你所整既籠, 可能你會覺得好好, 仲以為係五星級既家, 查實就係五星級危險, 完完全全唔合格, 根本危機處處

兔兔既籠最重要係有足夠既空間可以比佢活動同伸展身體, 有一間屋仔/隧道, 廁所, 24小時有草同水可以飲食就得, 唔需要好似你整埋依d跳板, 本身個籠都唔大, 你仲攪咁多多此一舉既設施, 佢根本無咩空間可以活動, 連身體都難以舒服伸展, 仲慘過住籠屋

我都有諗危險問題，已經反覆試過是安全的，尤其係大嗰隻，而無論上、下層都夠地方瞓同伸展，不過我亦會考慮你們的意見，謝謝！

lmfroggie724 發表於 2013-6-1 11:33 PM
我都有諗危險問題，已經反覆試過是安全的，尤其係大嗰隻，而無論上、下層都夠地方瞓同伸展，不過我亦會考慮 ...

都已經講左意外, 意外意外意料之外

我唔知你點去測試, 認為依種設計係無問題, 事實上, 都唔知有幾多兔兔因為依類多此一舉既設施而失足受傷, 跳黎跳去難免有失手既時候

你仲要個籠有隔網, 兔兔跳落黎分分鐘腳趾會click係隔網到, 引起腳趾骨節

你依兩間係危樓, 唔係豪宅, 希望其它兔友唔好效法

咁高跳落黎差腳真係會斷腳嫁  同埋兔仔好中意挑戰   一跳跳上2樓,.,   
我家花生跳高差左落格仔到斷過腳指  張X光相仲係到  望多次都覺好恐怖!!!!!!!!

我覺得這個設計較為適合龍貓，對兔仔比較危。個人認為，給牠多地面走動空間和軟墊,可避免腳瘡問題。

同意以上, 換個又長又大既籠會比向高發展好~

已拆了！

恭喜恭喜