日日餵草粉可以嗎?

唔好意思又係我啊~
有樣問題想請教大家~
而家我隻兔兔5個月大
但係因為腸道緩慢睇醫生都睇左4次~
聽大家講草粉可以幫助腸道郁動
我可以日日都早晚餵一次嗎?

我個時睇醫生問DR.MA有咩方法可以令兔兔健康D
佢就話會開D益生菌俾佢等佢腸郁得好D
但係可以長期食嗎??

其實我已經無限俾T草佢食,日日幫佢換水,成日俾佢出黎自由活動
但係我都唔知點解兔兔既腸唔係幾好~
所以上黎請教大家~

最近我都開始餵菜俾佢食,不過仲試緊佢腸胃反應中

腸胃唔好，唔好比太多菜呀，腸胃唔好有好多因素，天氣係其中一個原因，依家咁熱，有長期開冷氣嗎？

食粉可以日日食，但視乎佢喜好，不過我反而鍾意比红蘿白！

crystal55445 發表於 2013-6-5 06:07 AM
食粉可以日日食，但視乎佢喜好，不過我反而鍾意比红蘿白！

點解要比紅蘿蔔草係佢哋主要食物，唔好再比，爬下文，呢度好多有用知識

聽大家講草粉可以幫助腸道郁動, 我可以日日都早晚餵一次嗎?
佢就話會開D益生菌俾佢等佢腸郁得好D, 但係可以長期食嗎??
>> 唔可以, 草粉/益生菌係有事時才食, 你最好問醫生

其實我已經無限俾T草佢食,日日幫佢換水,成日俾佢出黎自由活動
但係我都唔知點解兔兔既腸唔係幾好~
>>可能係先天, 又可能T草有很多隻牌子, 可能你食開太硬, 佢食得唔多
不過你只有5個月, 應讓要比一定量A草 (按月減少) 比佢食到1歲

最近我都開始餵菜俾佢食,不過仲試緊佢腸胃反應中
>> 菜可以比小小就夠, 因為只有5個月

草粉係可以日日餵, 但唔係長期幫助改善問題既方法...
我個仔好耐之前因為一次手術而導致佢連續兩個月都完全唔肯自己食草, 再加事後啲牙長左, 磨左幾次牙...
於是乎前前後後, 計埋慢慢康復時間嗰 5 個幾月時間, 我先要日日餵草粉, 仲要 keep 住 maximum 4 個鐘一次...
但需知道草粉營養好高, 長期咁食好容易令隻兔過肥, 更加影響佢健康...
除非你能確保可以幫佢 keep 住體重, 唔會令佢體重暴升...
Otherwise 你都係比番草佢食...

益生菌方面, 樓上嗰位講得好啱...
絕對不能夠日日比兔兔食...
因為益生菌 (尤其是 bio-lapsis, 佢既益生菌成份其實係 yeast!!) 始終唔係兔兔體內既天然益生菌...而且過多外來益生菌, over populate 左兔兔體內既天然益生菌都唔係好事
如果你餵得多, 都應該好容易見到你隻兔痾多左軟便...
呢個就係要停止餵益生菌既 signal!

至於佢唔太肯食 T 草, 其實有好多原因...
天氣有一定關係
但唔同牌子既差別, 甚至同一牌子但不同 lot/ season 既草都會有分別...
我隻兔算係十分揀飲揀食的...
放得耐係草架 (more than 半日) 既必定唔食...
再加上佢口味成日轉...
起初鍾意 oxbow, 後黎鍾意 Momi...
但之後又只肯食 APD...
到後期連 APD 都要揀草食...
於是乎一箱 5 lbs 既 APD 佢有半箱都唔肯食要拋落垃圾桶...
到而家, 佢又唔 like APD 嘞...
轉左 Alfafa King 牌子嗰隻 T 草...
所以話如果你隻兔唔食某一隻牌子, 咪試下其他牌子, 睇下佢鐘意邊隻多啲...

最後菜嗰方面, 如果佢唔太肯食草...
你就唔好比菜佢食喇...
一黎佢仲細...
二黎食菜食飽左佢咪更加唔食草!
係一個惡性遁環...
再者, 食菜幫唔到佢磨牙...
到時要每個月去醫生到磨牙咪仲衰...

crystal55445 發表於 2013-6-5 06:07 AM
食粉可以日日食，但視乎佢喜好，不過我反而鍾意比红蘿白！

你唔識養兔就去爬下文啦~

比紅蘿蔔做兔兔既主要食糧,唔係養兔,係害兔囉~

更何況樓主既兔兔脹胃巳經唔好,連小小紅蘿蔔都唔可以食

除非醫生建議日日餵草粉,草粉係用來應急,而唔係補充劑,益生菌都係有需要先食既,有需要既話,醫生會同你講~

盡量唔好令兔兔依賴某些藥物,除非真係需要先好比兔兔食,要由生活上著手,兔兔先至會活得健康

最近天氣咁熱,你有沒有幫兔兔消暑呢?比如,開風扇?冷氣?冰種?

有些兔兔可能先天不足,都可以問醫生要點護理

syt174698 發表於 2013-6-5 01:07 AM
腸胃唔好，唔好比太多菜呀，腸胃唔好有好多因素，天氣係其中一個原因，依家咁熱，有長期開冷氣嗎？ ...

已經24小時開冷氣啦

wm20472 發表於 2013-6-5 08:23 AM
聽大家講草粉可以幫助腸道郁動, 我可以日日都早晚餵一次嗎?
佢就話會開D益生菌俾佢等佢腸郁得好D, 但係可以 ...

我一俾少少A草佢食就屙鈣尿
問左醫生係咪而家食全T草都無問題，醫生話佢唔少client都係咁，所以無問題
草而家佢食緊APD first cut

而菜分量我一星期先俾1〜2次，仲要係好細塊，各位唔需擔心！

Hitan 發表於 2013-6-5 12:58 PM
草粉係可以日日餵, 但唔係長期幫助改善問題既方法...
我個仔好耐之前因為一次手術而導致佢連續兩個月都完全 ...

你回覆得好詳細呀，多謝你
我都試過買唔少牌子俾佢，momi and oxbow佢都唔食呀，淨係食APD
但佢胃口都ok ga,
一日食兩個草球!

raywong521 發表於 2013-6-5 02:18 PM
除非醫生建議日日餵草粉,草粉係用來應急,而唔係補充劑,益生菌都係有需要先食既,有需要既話,醫生會同你講~

...

我明白啦！多謝你！
但每日都24小時開冷氣架，所以應該唔係溫度既問題！
我上次睇醫生既時候都問他點樣可以令兔兔健康啲，
之後他話我會開啲野俾他健康d,點知就係益生菌，仲話食哂可以返黎配
所以我以為可以長食...

Shyshyboy 發表於 2013-6-5 06:37 PM
我明白啦！多謝你！
但每日都24小時開冷氣架，所以應該唔係溫度既問題！
我上次睇醫生既時候都問他點樣可 ...

除非醫生建議, 唔係就唔好自己日日餵草粉或益菌

如果兔兔本身有腸慢問題, 你可以每日同佢按摩消化系統, 要順時針方向, 每次連續按1個鐘, 每日做兩次, 要風雨不改持之以恆

我本身都有只腸慢問題既兔兔, 我一直都keep住同佢咁做, 只要堅持咁做情況一定有所改善

兩個草球太少, 正常最少要比兔兔兩倍既身體大細既份量先足夠, 如果佢當日既草有食剩都需要換新

all_loving_it 發表於 2013-6-5 11:44 PM
除非醫生建議, 唔係就唔好自己日日餵草粉或益菌

如果兔兔本身有腸慢問題, 你可以每日同佢按摩消化系統, ...

的想問下按摩個位置係邊度呢？我驚整親兔兔其他位置！

crystal55445 發表於 2013-6-5 06:07 AM
食粉可以日日食，但視乎佢喜好，不過我反而鍾意比红蘿白！

請依位兔友即使你好心去回應其它兔友提問之前, 先去了解清楚正確點照顧兔兔既正確方法, 唔好咩功課都唔去做, 就任意去回答, 包括 : 兔兔腸胃有事, 絕對唔應該再比紅蘿蔔, 因為只會令問題更嚴重, 嚴重會有無法根治既後遺証或因此送命, 有新手既兔友有可能只為你所講既方法係岩而跟住去做, 害左兔兔

而草粉係比兔兔應急同經醫生處方建議先好日日比兔兔食, 唔係想比就比, 亦唔係視乎佢喜好, 而係視乎實際既需要