兔兔當我係食物？定討厭我？

我隻獅子兔PANDA 2個月大，嚟咗我屋企幾日，第一日嚟到就已經有輕咬然後再大力咬我手指，我以為佢探索緊新環境，點知呢幾日都仲係咁，唔只手指，連我塊面都唔放過，會咬我個鼻同眉毛，總之可以咬嘅身體部位佢都會嘗試舔下，再輕咬，再大力咬，不過又未去到會出血嘅程度
我咩都無做，淨係想近距離睇下佢有無鼻水，又或者淨係坐喺度，佢就會好熱情咁舔-->輕咬-->大力咬（雖然都有幾次齋舔），但我明明對佢好溫柔架。。。
我之前養嗰隻兔仔都唔會咁，唔係比較，而係之前嗰隻會好正常咁，我抱佢／做D佢唔like嘅野先會輕咬，完全符合一般兔兔嘅行為，宜家PANDA就係唔係都輕咬，我上網search咗好耐都唔知點解，請問各位大大有無D咩想法／經驗可以分享下？

日子仲短，對你仲好陌生，先建立良好關係

兔兔仲細丫,對你認知又唔多,慢慢陪同佢成長啦~佢會知你鍚佢對佢好
舔/輕咬/大力咬佢想感覺下係咩,兔兔係好有性格的動物
好似我八妹呢..我訓向地下都會兜野踩落我個頭度過佢想去既地方=.=...
估佢唔到

好似小朋友
用咬來試環境
要教呀！
大咗仲咬你會出血啦

要同他説這是不可以！以前我家妹妹都會周圍咬野，我會告訴他這是不可以及用手指輕輕的篤他的頭仔，講了幾次，他便不再犯，現在還很聽我說話！

絶對認同