兔兔頸後無毛

岩岩發現兔兔頸後無乜毛，係咪正常？
上網睇過可能係無營養，見佢無咩點r，應該唔係有蚤?

遲下都會帶佢做身體檢查，不過想知道係咪有事先，可以早啲醫。

是否換毛？我兔兔試過，皮膚無紅無皮屑的，慢慢就生返D新毛毛

我芝麻夏天時 背後都會無毛就係你依個位置..    但花生就好多毛xdd

我隻兔兔上星期出現相同情況, 又係皮膚無紅無皮屑的, 只係頸後毛毛變疏, 我立即約見Dr. Ma, 最後診斷為金錢癬, 需要食藥、搽藥三星期. 現在每日要同佢捉迷藏及搏鬥一番.

camus 發表於 2013-8-14 02:12 AM
我隻兔兔上星期出現相同情況, 又係皮膚無紅無皮屑的, 只係頸後毛毛變疏, 我立即約見Dr. Ma, 最後診斷為金錢 ...

啊！咁唔好彩！係點咖？有無相睇？

會唔會夏天熱，所以個度無哂毛用黎散熱？

本身9月頭會同佢做身體檢查，定係唔好等？

我對兔兔呢個位都位有毛,同其它位置差唔多毛量

Fupatpat 發表於 2013-8-14 11:37 AM
會唔會夏天熱，所以個度無哂毛用黎散熱？

本身9月頭會同佢做身體檢查，定係唔好等？ ...

我兔兔原本都係九月頭做週年例檢, 所以我索性提早小小見醫生, 醫治甩毛兼body check.

可能因為初發, 佢甩毛情況比你兔兔更輕微, 平時睇落唔會發覺甩毛, 要我梳毛時先會見到.

如果因為夏天天氣熱而甩毛, 唔應該只係甩頸後嘅毛.

反正你都就快同佢做body check, 一於提早小小去啦.

呢兩日發現兔兔（賓尼）耳位頭部位置冇晒毛，面積都有五毫子咁大， 頸背位置都係！ 見到D肉，但冇紅冇甩皮，又冇R㾗，行得走得食得訓得， 要觀察多一陣嗎？

我隻兔兔都係咁呀..冇毛面積都有個五毫咁大呀....上次去兔協梳毛時..姐姐話佢生金錢癣呀....會有可能傳染比其他兔兔架....所以我BOOK左星期六去睇醫生...一次過做埋BODY CHECK....