因為個位好出名的專欄醫生誤診!!我既兔兔離開左我

我既兔兔3歳幾就黎4歳，佢身體一直好健康除左2個月前發現佢生牙瘡但已經係
個個好出名既M醫生到做左手術!剝左佢4隻牙仔!

一直都相安無事，直到3星期前又發現佢牙瘡返發就即刻帶兔兔睇M醫生
未見M醫生前我一路好驚，驚佢又有好大機會要開刀做手術...
到睇完M醫生後，Dr話唔需要立刻做手術，開左一星期藥俾兔兔叫我觀察佢一個禮拜
咁我好開心啦因為放下心頭大石，希望佢唔駛開刀少D痛苦同suffer

好啦到左覆診個日即係10月20號
都未出發就已經發現兔兔隻右眼有膿，好可憐
咁即刻去M醫生到（我以為M醫生會安排即日同佢做手術因為我覺得佢好嚴重!!)
點知阿M醫生同兔兔打左5支針咩抗生素個D，同我講手術風險好高下好大機會會救唔到隻眼，就叫我帶兔兔先返屋企第2日返黎做手術!
咁我信佢啦好無奈咁帶兔兔返屋企
點知過左幾個中,兔兔隻眼就惡化，多左膿行路唔穩...
我好驚又好擔心,即刻打去M醫生診所問佢攞急症referral 啦
個姑娘竟然好冇禮貌咁同我如果我搵急症就一定要cancel我聽日手術既期!!
好無奈真係好無奈!!
最後我帶兔兔去左pets central睇
個獸醫第一時間同我講佢好嚴重點解咁遲先帶佢黎!
我O晒咀！跟著獸醫同我講依家唯一可以做就係幫佢抽左眼裏面D膿先因為可以做手術既醫生已經收晒工...最快要第二日
係冇得選擇既情況之下我唯有接受佢既建議
之後等左個幾中,可以去睇兔兔啦
但當我一見到佢時我當堂嚇到喊左出黎
佢有半隻眼足足半隻眼凸左出黎好紅好恐怖
獸醫手術做到一半要被迫中止，因為眼球後面有野迫緊隻眼出黎
又同我解釋張X光片,其實兔兔唔單止下面D牙發炎連上面D牙都發炎,亦因為咁先會令到D膿去隻佢隻眼到...

最後佢要留院觀察我亦係凌晨4點收到佢過身既消息...

其實我一開始就認為牙瘡返發點解唔盡快做手術！
要兔兔返屋企觀察一星期已經令到佢病情嚴重惡化！！
根本M醫生D手術期就full到爆點解佢從來唔refer我兔兔去其他診所！！！
由第一次覆診就冇同佢做詳細檢查，個時好可能上面D牙已經感染同發炎！
兔兔仲係好年輕佢病到咁都仲肯食野同飲水，佢好想可以活下去！

但願兔兔可以係彩虹橋開開心心咁生活！
忠告同建議各兔兔主人如果兔兔有病最好睇多個醫生！
出名既唔一定好！！！

RIP..... =[

真係好SAD同好嬲個獸醫,又話個獸醫有幾好,我個寶貝女因為咁就走左啦!
我到依家仲未平伏到心情.... T^T

Take care! RIP

R.I.P.
.........

我隻"仔仔"都係上星期四走了, 他走得太突然, 我都同你一樣未可以接受到他離開,
不過我們大家要堅強, 希望你努力囡囡唔想你傷心, 他們永遠在心中. 我知道自己不會再有信心養
兔兔, 仔仔會是我為一了. R.I.P.  
希望你的囡囡和我的仔仔在"彩虹橋"成為朋友.

我完全認同樓主，[出名既唔一定好]!一個人做唔曬，多到做唔(設)，佢已經開始分唔開嚴重性高低，希望佢唔會又用甚麼個別事件張事情淡化，因為對我而言已是醫療失誤。
最後願兔兔 R.I.P.  
你都要take care!!

Holiday 發表於 2013-10-31 04:19 PM
我隻"仔仔"都係上星期四走了, 他走得太突然, 我都同你一樣未可以接受到他離開,
不過我們大家要堅強, 希望 ...

如果有得揀,我真係唔捨得兔兔去彩虹橋...
不過,希望兔兔可以係個度識多D朋友仔啦....因為以前得佢一個JA

WISH YOUR 仔仔 RIP

billlo88 發表於 2013-11-1 09:55 AM
我完全認同樓主，[出名既唔一定好]!一個人做唔曬，多到做唔(設)，佢已經開始分唔開嚴重性高低，希望佢唔 ...

完全認同!!!

所以我決定要TAKE ACTION. 投訴佢專業疏忽,仲會搵朋友加多封律師信!希望獸醫公會個邊會做野啦!

Tulip 發表於 2013-11-1 10:23 AM
完全認同!!!

所以我決定要TAKE ACTION. 投訴佢專業疏忽,仲會搵朋友加多封律師信!希望獸醫公會個邊會做野 ...

做你要做的事，你要堅強。

Rest in peace

如果你有返去睇急診或者比較好，雖然姑娘話會取消手術期（不是醫生問題），情況危急的話，醫生都會優先急救做手術，押後其它診症，當日已做手術第日自然就唔駛再做

PetCentrxl 話無醫生做手術但佢又做？過程係點有冇睇？有冇問過佢識唔識醫兔? Dr. Hugh 都好過Pet Centrxl

Anyway rip..

"個姑娘竟然好冇禮貌咁同我如果我搵急症就一定要cancel我聽日手術既期!!" 這個姑娘已經比我感覺你唔見我医生(M),你好自為之。無再去refer(M)如何安排，自把自為，佢唔係医生，可來知分輕重，這是最錯一點。用這全無愛心姑娘，佢真係家山發。

billlo88 發表於 2013-11-1 12:03 PM
"個姑娘竟然好冇禮貌咁同我如果我搵急症就一定要cancel我聽日手術既期!!" 這個姑娘已經比我感覺你唔見我医 ...

Exactly!!!!

RE: little bunny
果時根本冇可能返去睇急診,因為已經好夜,同埋個日朝早覆診時已經好嚴重!
DR. M 仲要拖多我一日,一晚既變化可以好大!更何況係一日!!

係其他網友得知自從DR M自己出黎開診所之後,佢既SERVICE已經大不如前!
相信有其他兔友亦都有同感!我只係想提醒大家唔好淨信醫生既判斷!自己都要分析一下有幾嚴重!
如果得罪佢D FANS, IM SO SORRY!
我只係想分享我既EXPERIENCE

雖然我冇陪個女去覆診...但佢一睇完返黎我已經嬲到震!咁嚴重都仲可以等第2日先做手術...
think about it ....?

我個日仲要發住高燒同佢睇急症.....

RIP
唔係想講風涼話，但其實兔兔經過2位醫生手，又喺pet central度做咗閉門手術，究竟死因係咩、當中有否涉及醫療失當、有的話又係邊位醫生出錯。。。我哋行外人真係唔知，所以你去告啦，我相信真金不怕紅爐火，Dr.Ma係無做錯嘅就唔會有事，宜家得你單方面一個講又無專業知識對佢亦唔公平。希望你投訴完亦會將結果post喺度，係Dr.Ma錯嘅，可以比大家一個警惕，唔係佢錯嘅，亦可以還佢一個公道。祝你嘅兔兔安息。