點算，求救，急！！

而家好夜，無醫生睇。
我隻兔兔岩先突然之間無左食慾，
個人好呆，好似好眼訓咁。
同埋失禁。

但屎屎無問題，
今日仲有屎柯，而且都係大粒黃金便。

係突然之間咁樣。

點解會禁？我可以點算？
我而家好驚，唔知點算。

維持幾耐？有無草粉？強迫餵食，留意今夜情況，明早即刻睇醫生。如情況有變，可以考慮睇急症。

岩岩溝左草粉。。。
發生左件好怪既事。

其實岩先我真係勁驚，我眼淚係咁標，唔知點算好。
之後溝左草粉後，
我就打算強迫餵食。

但好奇怪，我支草粉一伸過去，嘴都未掂兔兔就整個身彈起。
彈到勁遠。。。
之後再俾，再彈，再俾再彈。
正當我打算用番強迫餵食既手法時，
佢突然肯食番草。

而且食眼莫名其妙精靈番，
岩岩瞇到好似線咁，
而家變番隻正常既眼。

起初我俾草粉佢佢彈開左之後會食左食草，食完一淡停左。
我再俾草粉再彈開，再食一食草，食一淡停左。
再俾再彈再俾再彈。。。

而家居然開始食番野。

。。以前出過一次情況，就係佢貪玩放出黎時鑽左去床底。
點知唔知自己肥左，卡住左出唔黎，
之後出到黎都係好似今日咁。

今日咁岩佢都係去左果間房張床底到。。
唔知係唔係因為受驚搞到咁。

－－而家總算鬆一口氣。
但都要密切留意住佢情況。

岩岩我真係好慌亂。。