新手 養兔仔前 想問幾個問題

1，想下養兔仔係咪一定要舖草or木糠？ （我見d影片咩都無放）
2，如果買左專去廁所戈d 係咪就會多數係戈度柯？
3，因為我想養比較大型d既兔仔 可吾可以吾用籠困住佢黎養？
4，除左賓尼兔 仲有咩大型d既兔仔推介？
Thank

1，想下養兔仔係咪一定要舖草or木糠？ （我見d影片咩都無放）

一定要舖松木粒再舖草, 我用緊 Cat"s Best 松木粒再舖草, 其實舖草只係比兔兔食嫁, 起大自然生活既兔兔都係起地下食草架, 松木粒吸水效能高, 但價錢比紙粒貴, 紙粒會有蚤同粉塵, 吸水力又痳痳地, 木槺係可以用既, 不過只有大大片木槺吾會有粉塵就吾會引起呼吸道敏感. 只有兔協有大大片木槺賣咋.Aspen Shaving 白樺木木糠 Pine Shaving 松木木糠

2，如果買左專去廁所戈d 係咪就會多數係戈度柯？

要視乎兔兔既習慣, 每隻兔兔都唔同, 有 D 係會一邊食草一邊尿尿, 所以貓砂舖起籠面就至好

3，因為我想養比較大型d既兔仔 可吾可以吾用籠困住佢黎養？

其實咩型既兔兔都唔鍾意比人困住嫁, 放養既話多D運動健康好多, 無禁易有腳瘡, 所以吾好用籠困住佢呀.

4，除左賓尼兔 仲有咩大型d既兔仔推介？

法國垂耳兔, 好好抱, 超萌!

1，想下養兔仔係咪一定要舖草or木糠？ （我見d影片咩都無放）
木槺你可以用兔協嗰種(Aspen), 而舖草就視乎你自己, 可跟兔協咁, 舖晒喺籠底, 另外, 唔好用豬仔板, 揀平底籠就ok
2，如果買左專去廁所戈d 係咪就會多數係戈度柯？
佢地認味的, 所以你返黎就教佢去廁所, 不過唔係隻隻兔兔都識用廁所架, 如果佢初頭返黎唔識用, 俾多d耐心就可以架啦, 我有隻兔兔返黎都唔識, 教極都周圍vv, 之後同佢轉左草架既位置之後就識用...
3，因為我想養比較大型d既兔仔 可吾可以吾用籠困住佢黎養？
可以, 你可以買d圍欄圍住area俾佢當籠都ok, 但地下記得舖d墊俾佢踩
4，除左賓尼兔 仲有咩大型d既兔仔推介？
french lop, 呢度都有兔友養ga~又或者中國大白兔~

1，想下養兔仔係咪一定要舖草or木糠？ - 最好不要舖木糠, 草草你唔舖佢都會擔落地
2，如果買左專去廁所戈d 係咪就會多數係戈度柯？- 要放係佢習慣去尿尿的角落
3，因為我想養比較大型d既兔仔 可吾可以吾用籠困住佢黎養？ - 我都係, 你可以去x兔廊買2呎x2呎圍欄

1.想下養兔仔係咪一定要舖草or木糠？
你用既籠要系平底,或系豬仔板底,對腳無咁傷,用平底就要用木糠或紙砂,一般建議用紙砂,因為吸水好同木糠容易引起呼吸道敏感,因為木糠好碎.如果兔子識得用廁所，系籠內放上墊材可以減低兔兔患有腳瘡的可能性.如果兔子5識用廁所,系個籠到去,放墊材可以減低尿熾傷皮膚既機會.
2.如果買左專去廁所戈d 係咪就會多數係戈度柯？
兔兔5會自己識得去廁所,呢個要主人訓練,佢地鐘意系籠內既角落到VV,但初到新屋既兔兔,會周圍痾,因為系霸地盤既行為,訓練方法系觀測佢鍾意系邊道VV,再放佢DVV落廁所,再放廁所系個佢鐘意VV既角落,重複以上動作,大部分既兔兔都可以學到.
3.因為我想養比較大型d既兔仔 可吾可以吾用籠困住佢黎養？
理論上可以,亦對佢身體健康D,但最好有個籠系到,系裏面飲食同去廁所,可以比到佢安全感,你比佢系個屋到周圍走,要注意家居安全,兔兔天性鐘意咬野,挖地同捐黎捐去,你比去周圍走,家具容易佢整壞,所以要訓練.
4，除左賓尼兔 仲有咩大型d既兔仔推介？
有家兔,金吉拉兔,銀貂兔