今日見到一隻無耳兔

今日喺旺角寵物便便見到隻無耳又無咗一隻手嘅殘障兔兔，真係好可憐
其實一直都想同呀B搵番個伴（唔係繁殖）
問下個sales，佢話要買野買滿＄1000就免費送，再唔係就比正價$580 orz
最衰今個月訂咗一箱timothy，無晒錢。。。
大家經過寵物便便可以睇下隻兔兔，係黃色短毛嘅，真係好慘，唔知係咪天生係咁，我掛住計下自己有幾多錢剩都無問到點解會搞成咁，唉諗起隻兔兔都心up。。。

crystal55445 發表於 2014-1-8 07:03 PM
边間寵物店？

旺角嘅寵物便X／寵X便利

hh0 發表於 2014-1-8 07:15 PM
寵物便便呀，旺角果間?

係呀，今日見到的

redcarrot 發表於 2014-1-8 11:59 PM
咩品種黎架

係殘障兔兔，唔係品種

ppoppo29108 發表於 2014-1-9 02:37 PM
我前日都去旺角買兔兔用品時,見到一隻黃色短毛無耳兔兔,但我冇留意到牠無了一隻手 =[ 好可憐呀><
...

我哋見到嘅應該係同一隻！真係好慘，我諗除非係真心鐘意兔仔又有愛心嘅人，否則未必會有人買。。。唉
唔知如果最後都係無人買佢的話，寵物便便會點處置。。。最衰我唔夠錢，唉

warm_warm 發表於 2014-1-9 04:22 PM
其實可唔可以各位兔友一齊買野滿1000元，咁樓主就可以帶兔兔返屋企啦!

係喎可以夾份買野！多謝你嘅提議呀，你真係好好人！！！！
夾幾多都得架，多多益善少少無拘！我會買包alfafa同timothy，已經大概三百蚊，希望能成事！我一定會好好照顧佢！
可以pm我
真係好多謝你咁熱心！

ppoppo29108 發表於 2014-1-9 05:51 PM
昨日我已經買了一包草草,屋企現在有三包,木粒都有二包, 可以買多一,兩包草都得O既 ...

好多謝你咁熱心呀，已經買咗咁多野仲肯幫我，真係超好人！！！！
夾幾多都得架，多多益善少少無拘！我會買包alfafa同timothy，已經大概三百蚊，希望能成事！我一定會好好照顧佢！
可以pm我
真係好多謝你咁熱心呀！

lovin_gloria 發表於 2014-1-9 07:27 PM
我而家睇緊隻兔兔，摸過佢，佢好乖，仲舔我個鼻同手
好想帶佢返去，但我已經有3隻了，希望有兔友快d帶佢返 ...

我今日又去睇佢，走嗰陣大概7點半！話唔定我有同你擦身而過！
我睇佢嗰陣有幾個男仔指住佢話："嘩，佢隻耳死咗去邊呀？好搞笑！"嬲得我！佢哋個心就真係唔知死咗去邊！

多謝你咁熱心呀！
夾幾多都得架，多多益善少少無拘！我會買包alfafa同timothy，已經大概三百蚊，希望能成事！我一定會好好照顧佢！

mizumi 發表於 2014-1-9 10:03 PM
我可以買6包Burgess excel田園小食, $240, 必要時買多幾包都得

好呀！多謝晒你咁熱心幫忙呀！

你可以pm我
真係唔該晒呀！！！

KathyChan 發表於 2014-1-9 11:07 PM
我係獨立義工黎.
plan左會去營救兔兔
所以請你地hold住唔好買野先

其實我都非常討厭五方集團，所以從來無喺佢哋鋪頭買過野，我都知咁係變相鼓勵佢哋，但真係唔忍心見兔仔受苦。請問你可唔可以聽日就去勸佢哋？如果唔得的話，我再星期六去

mizumi 發表於 2014-1-9 11:11 PM
Kathy, 你幾時會行動? 因為我好擔心隻兔兔會比佢哋舖頭拎走咗,你知佢哋幾間舖D兔仔係搬黎搬去架,其實用咩 ...

嗯嗯，非常同意，擔心佢哋覺得賣唔出／麻煩／影響鋪面之類的就將兔兔拎走

KathyChan 發表於 2014-1-9 11:21 PM
我聽日會去..
希望成功 有咩消息 我會再通知大家

請問你介唔介意pm你電話比我？我覺得五方未必會咁好心（當然如果肯係最好），但如果你勸唔到，我都想第一時間知，因為我哋夾錢同買籠都要時間，最緊要救到兔兔

warm_warm 發表於 2014-1-9 11:25 PM
kathy 加油呀！!
希望兔兔可以成功被救出!!
也希望karen可以收養到兔兔!!

希望能順利救出！
都好多謝你咁關心兔兔同熱心幫忙！

亦都要多謝Kathy加入幫忙！

poorguy2 發表於 2014-1-9 11:42 PM
其實我有時會響兔協，sr，mini呢幾間，其他唔買，因為佢地比較有良心

我都係喺mini同8號兔買，謝絕五方集團

JOE198732 發表於 2014-1-10 03:28 AM
如果買野我有8折喎

多謝你！我今日去問下，睇下係計折後1000定係點，多謝你咁熱心！