兔仔手術後護理

我隻兔兔本星期一做咗個小手術割咗生在腳上的瘡。
手術後要戴頭罩,但少爺仔戴了之後脾氣及心情都很差

以前有喂過草粉,唔使帶頭罩佢都會自己食,但戴了頭罩之後唔食之餘, 身為主人FORCE FEED佢, 半個鐘都食唔到一啖... ...
佢照常食菜及草,但不及手術前,眼見由大隻仔變做瘦猛猛真係好心痛。

我FORCE FEED佢,佢就不停咁咬我及踢我。我宜家同佢好似敵人咁... ... 今日我終於大力打了兔兔好幾下... ...  心痛死... ...

另外,兔仔在手術後有一半的便便痾在廁所外,另到兔兔成日踩到便便,搞到兔兔的腳底沾有便便.... ...由於手術後不便於洗澡, 我只有幫他抺腳,但好難抺得甩... ... 而兔兔身上就成朕便便味... ... 人兔都好UPSET... ...

有冇主人的兔仔又係唔食草粉, 你哋會點做?
手術後主人多數點護理兔兔。兔兔DIRTY、 發大脾氣、等等等等

謝謝

發了茅的主人上

我隻兔兔都啱啱做咗絕育手術，不過醫生話唔洗戴頭罩。護士都同我講，話兔仔戴咗頭罩係會唔多食野。
我喺網上搵到呢段資料，唔知幫唔幫到你：
「頸罩能阻止兔兔觸弄自己的傷口，但會令兔兔感到驚恐與不開心；頸罩不單不舒適、也防礙兔兔為自己清潔及取食盲腸便、更可能令兔兔難以進食及走動，因此如兔兔須配帶頸罩，兔主應盡量抽時間看守著兔兔，讓兔兔可脫下頸罩休息和進食，直至不能守候兔兔的時候才再次戴上。」
（資料來源：http://www..com/bunnyqna.htm）

至於踩屎，我其實本身都有類似嘅煩惱，因為我係用平底籠，兔兔雖然識去廁所，但都有唔少便便（硬、乾身嗰種）屙喺籠底，雖然唔污糟但都驚佢隻腳成日踩到唔舒服，所以我喺籠底鋪carefresh紙棉（後來嫌貴改用木槺），佢屙完便便之後，喺個籠度行嚟行去自然就將D木槺踢到掩埋咗D屎，尤其是軟便痴笠笠更加會好快俾D木槺痴住，咁兔兔踩到軟便都唔會重複踩嚟踩去，D紙棉／木槺亦有少少抹腳嘅作用。不過留意唔好買松木木槺，因為松木木碎會散發有害氣體，會影響兔兔個肺嘅健康，可以買白樺木或其他木槺。carefresh紙棉獲美國兔協推薦，係安全嘅選擇。

我唔係專家，純粹個人經驗，希望幫到你啦

謝謝你的分享。

我隻少爺兔兔都係割粒瘡,我都有想過唔洗俾佢帶頭罩... ... 畢竟都係第一次帶兔兔做手術, 醫生叫做咩就做咩。

這個星期有用紙粒,但便便照痴在腳上,仲痴到好實, 洗都洗唔甩,唯有剪走佢腳底痴咗便便啲毛毛... ...希望佢啲毛毛可以快啲生番。

籠裡的便便以及頭罩痴到的便便,這個星期KEEP住日日洗。

每天也有兩小時(早上一小時和晚上一小時)除下頭罩俾佢清潔自己(我知咁唔係咁好)同埋俾我FORCE FEED 佢。

BTW, 有冇人可以响藥房買到1MM冇針針筒呀(我行過好多間, 最少都3MM起,每兩次FORCE FEED 就咬爛一支針筒啦... ...)