兔兔今年五歲。
之前其實偶爾有單眼既問題,但因好快無事所以覺得佢只係有野入眼。(雖則唔知係咪頭側既前徵
直到琴晚半夜凌晨 1點開始發現兔仔身子好似偏向一邊,但仍可以正常食草飲水,果陣無咩在意走左去訓。
直到凌晨4點,出到去發現兔仔頭已側側地,個頭有節奏咁樣側下側下(睇得出佢好努力想偏番正)
同埋好容易失平衝,
已經無屎,飲水食草不能。
眼睛一晃一晃,我已經知道佢有側頭症。
因家中兔仔一直很健康(每年有檢查)所以草粉唔係常用,經常擺係到無食(丟左好幾包),結果就好死唔死到急用時,岩岩好過左期——
唔敢俾佢食,唯有用針筒餵左水佢飲先。
同俾左少少生果俾佢 頂住先
仲有餵左少量草(餵佢食)......(-_-明明餓到半死都仲要簡草食.....)
跟住本來打左去打算睇急診,但到搵到有急診時已經快要六點鐘。
我第朝公司又要開會。
同家人商量後決定等早上時家人再陪同寶貝睇獸醫。
而家約左DR MA 10點九去睇醫,叫我媽帶住佢去先。
但仲未有結果......
有無人有過類似經驗?
我要抱有咩心理準備去面對?
因兔仔一向健康,我從來無諗過佢會有側頭症....(我不是個好兔奴(嘆))
有無人可以分享一下??
事實上我好擔心...
我怕佢以後都係咁。
怕佢辛苦。
因我聽說側頭症既兔仔會好辛苦,又要日日食好難食既藥,個頭仲要天天天旋地轉又要灌食....
好擔心....到而家仲未收到我媽電話,應該仲睇緊。 |
|