請問幼犬腸炎有無後遺症？

4月30日在自家繁殖場買了50天大的tiny toy貴婦狗bb，並有兩個月健康保證。5月4日清晨5點多發現全身無力企唔到，趕急送到寵物醫院急救，vet話血糖低到驗唔到，打了萄葡糖水後升返，但15分鐘後又跌了一半。聨絡繁殖場，佢哋話狗bb血糖低好少事，話醫院多菌叫我送返去俾佢照顧。之後兩三日一直話狗bb正常無事，叫我凑走。5月7日我想凑走當天，繁殖場又突然話狗bb有腸炎反應，唔可以拎走；當日晚上（相距不足12小時），繁殖場又話狗bb已經無事。我上網睇，幼犬腸炎好嚴重，死亡率好高，就算好返都最少要3-5日才痊癒。我同繁殖場話無理由咁快就無事，繁殖場話我多疑，好既唔信衰既就信哂。5月8日繁殖場話退錢俾我，但晚上又反口，話狗bb醫院急救過程中，被剃了兩隻前腳的毛，現在賣不出，要我也要負責任，幾番討論後，繁殖場話1個月後退錢。

我其實覺得1個月後繁殖場也未必會退錢，我諗緊到時如果狗bb正常，是否可以帶去vet到檢查，如無問題就接回。我第一次養狗，想問下大家意見，狗bb這種情況，是否很難養大？