小吉離開了

25/6那天早上返工前同鼠鼠按摩先出門，他還精神奕奕，點之放工返到屋企就離開了我。我估鼠鼠應該係我返屋企前冇耐走嘅，因為身上沒有臭味。

當晚返到屋企，小吉伏係佢最喜歡乘涼嘅地方，行埋去已見佢冇呼吸、身體冇起伏，然後抱起佢入房。

小吉已經2年零4個月大(7/7就足4個月)，加上他身上有腫瘤，我都知道將會離我而去，但到發生時真係難以接受。習慣每次返/離開屋企，都會望下佢、摸下佢，依家對住個籠，感覺好失落。呢兩日不斷諗起同小吉嘅點滴，更勾起對另外兩隻鼠鼠 --- 大雄、暴暴嘅回憶，個半內失去了三隻鼠鼠，心情非常差。

26/6晚係小吉火化日子，見佢最後一面時都唔敢望咁耐，驚越唔捨得。

三隻鼠鼠由出生個零月已經陪伴我，依家連小吉都走埋，心情仲未平伏。

每個星期日係同鼠鼠沖涼日子，今日就係la ......

佢都算係笑喪
唔好咁唔開心啦
Rest In Peace

我只白白泥左我到都 28 個月喇
其實我都有 D 怕 GA ..
我都試過1日 死2鼠2狗
非常明白你既心情 . . .

唔好唔開心啦,
佢哋在天堂一定會好多朋友同佢哋一齊玩:063:

don't worry, be happy~:048:
佢地係彩虹橋會識到好多好鼠友ga~!!:020:

節衰順變!!
唔好咁傷心啦!!

我都試過,不要傷心,佢會在彩虹橋好好的看著你.

養左鼠鼠冇耐，從鼠友分享中得知，鼠鼠壽命大約2年至2年幾，所以我係養左鼠鼠差不多2年嘅時候，就搵定身後事資料，諗住到時會鎮定d同冇咁唔開心，但當真係發生嘅時候心情都好差。

或者向好方面諗，依家大雄、暴暴同小吉係彩虹橋相聚，再一起生活，感覺會好d。