嗚..鼠鼠佢斷左隻腳呀!!

帶左佢睇醫生..
醫生話佢係斷腳..
仲要係冇得綁實唔郁個d 關節位
係盤骨位...好傷心呀..一路聽醫生講. 一路都好想哭....
醫生開左d 止痛藥俾佢...醫生仲提議話安樂..因為佢其實都痛既..但係佢唔知道點樣表達,,所以提議佢安樂..簡直唔敢相信呀~~我一定唔會俾鼠鼠用呢種方法離開傢!!條命係佢傢ma!~唔可以操控係我隻手到!!我相信佢仲係好堅強!!因為佢知道我仲支持緊佢!
佢好痛呀..成日都搵咬野黎舒發自己既痛..
由原來既3層籠.而家只可以住得一層....破腳對於一隻鼠鼠黎講真係好難受..
因為佢地係天生會周圍走.周圍郁既動物..,
唔知道佢仲可以陪多我幾耐呢..醫生講到要安樂甘嚴重~~:016:

如果鼠鼠病到連野都唔食.... 就已經嚴重得好緊要喇......

你book左tiger/jaime/lim先啦~ 好過到時去到呢3個都無得睇...
我第一次帶佢去睇就係因為無book, 所以睇左另一個醫生... 真係唔係太好.... 睇完好似無睇過咁.... 嗚....好晒錢...

15# 乂小音v3v


我好愛我既鼠鼠的~~
個時醫生建議我安樂..
我即係極不滿個醫生,係個心入面係甘鬧佢~~~!我唔會再帶鼠去覆診..
不過見到佢突然之間有唔妥..真係好突然!!嚇死我啦!!
第2日已經即刻帶佢睇醫生啦~~而家唸住去大圍睇啦
我地就係鼠鼠佢全部!!一定會照顧到佢一生一世..
希望佢冇事啦..過到今次呢一關就ok la!!!

PS:如果你係真心養佢,
你就應該照顧佢一世,
不論生老病,
你都應該照顧好佢,
同埋,
佢斷腳你都應該有責任,
你要負責唷~!

搵多幾個醫生先,
一定有方法既,
斷腳唔=要安樂死,
根本冇人可以決定生命既長短

我己經打左電話去大圍個度問啦...
不過我日日都要返工未有時間帶佢睇住呀..我唸我今個星期六會帶佢去睇啦..
但係呢日見到佢好似冇之前甘冇精神啦(唔知係咪佢係我面前扮野??因為佢地既性格係堅強傢MA~)
SORRY~~真係好難影到相呀..我盡量影俾你地睇下..
我自己就見到佢隻腳好似冇向內彎得甘厲害..佢又肯食野..見到我開籠佢又即刻行過黎..
隻手又紅左.唔知係咪佢自己咬到甘~
唔該你呀..tinkerbellelala ..
我第一次同佢睇都用左$550.. 不過見到佢甘辛苦..

如果你告訴大圍是急証，即日或明天也能看的。

初診 $290
覆診 $240
藥另計

我果次同佢做手術夾晒所有野睇左$21XX. 當然未計之前睇果兩三次.
你聽朝一早打電話去book啦. 最好book到tiger, 唔係就jaime/dr.lim. 我隻鼠鼠就係dr.lim幫佢做手術既, 個人認為做得唔錯, d線聯得好平好smooth. 不過手術其實風險幾大, 到你決定做手術我先詳細同你講啦.
你睇左醫生睇下醫生點講先啦. 我琴日book tiger, 聽朝有得睇喇. 應該唔駛等好耐...

你隻鼠鼠幾大? 佢隻腳而家點呀? 有無流血果d? 有無相? 等我地睇下有幾嚴重等唔等到tiger都好丫...

大圍睇大約幾多錢呀??
因為我今次睇都幾貴下~~

8# tinkerbellelala

其實我個日都唸住去大圍睇傢...
但係大圍個full左啦..
我去睇獸醫個陣..人地都好出奇帶我倉鼠睇醫生..(個d人帶狗去睇)..可能個間少見卦..
可唔可以話俾我聽邊個醫生名for 大圍??
聽到你甘講..我唸我都會考慮同佢切左隻腳~~
我個隻係盆骨位...唔知有有得救呢..

我之前隻鼠鼠都係斷左腳, 係腦掌既關節位
去左大圍睇醫生
醫生都話關節位斷左好難會自己好返
我等左幾日, 見到情況惡化左, 最後都決定做手術切左佢

最初都會有d驚
但係而家我隻鼠鼠好好
跑轉轉依然跑得好快
睇佢行動, 係唔會知道其實佢係無左一隻腳....

鼠鼠而家係好痛架
我建議你不如去大圍搵出名睇鼠果3個睇睇先啦
因為出面好多醫生都唔識醫鼠, 好多時叫人安樂左佢就算......

希望你隻鼠鼠快d無事!

我隻鼠都試過斷骨，但過左一星期左右就自己好番la
希望你果隻都係

佢活動困難呀..
成日都困左係間屋仔到呀..
出黎都好難出..
希望佢既骨會自然好返啦..~

咁佢而家可唔可以活動?