本帖最後由 misscurlong 於 2011-10-8 02:00 AM 編輯
希望可以幫到大家, 同埋將正確的信息傳開
大家都想兔兔健健康康!!
以下係以成兔為準(即6個月大或以上)
草草:
我建議OXBOW 或 MOMI這兩牌子ONLY,
其他牌子就唔多清楚, 我唔會亂比兔兔食.
MOMI 1st cut 纖維高, 對兔兔腸胃好, 宜多食;
而且粗身的草對佢地的牙仔好, 有磨牙作用.
不過唔係隻隻兔都食, 大家要諗下計仔!!
MOMI 2nd cut 同OXBOW 的草的粗幼其實差不多
兩隻都冇咩所謂, MOMI好似香D, 大家可視乎兔兔口味
我自己兩隻都會比下, 怕佢食慣一隻草時, 冇貨或咩原因都好
唔怕佢適應唔到~
如果你都想兩隻都比下的話, 記住一定要有過渡期
否則, 適得其反!!!
1) 如果比緊牌子A時, 預留1-2星期係過渡期, 每日加少少牌子B, B分量增加時, A的則減少
2) 如果比緊牌子A時, 買一包最細包散裝的牌子B, 每日比少少佢渾在A中
另外, 如果大家係比緊MOMI 2nd cut 同OXBOW 的草的話, 我建議:
1) 買一包最細包散裝MOMI 1st cut每日都加在你兔兔的草
- 纖維高, 對腸胃好!!!
- 可作磨牙, 牙仔更健康(大家應該知兔兔的牙會不斷生長!!!)
我見大家都怕D草浪費, 最後好碎的草都比兔兔食
但其實咁碎的草, 對兔兔的呼吸係有影響
我最後個D係唔會比兔兔食, 大家自己決定啦~
兔糧:
我之前比OXBOW的, 而家冇比LU~~
大家要知道兔糧不是必須的!!!
個人經歷:
以前一直都係早晚一匙, 但有一次佢唔肯食草草去左睇E生
過左一段時再比番佢食, 就只係得夜晚的一匙
但後來發現便便唔多好, 仲有葡萄便, 又要睇E生
發現佢營養太多, 所以不再食番葡萄便
服藥期間謹記禁糧~
E生話糧唔一定要比,之後就聽話決心唔比糧LU~~
大家可能覺得兔兔會唔開心, 但...都冇辦法, 為左兔兔!!
如果你地而家比緊兔糧的分量係多於早晚一匙的話, 就一定要減分量!!!!!
其實兔糧原本只係FOR實驗兔!
菜菜:
每天都要比新鮮菜菜, 徹底洗淨並抹掉!
我會用煲過的水浸菜, 如果大家唔用, 最好係最後都用煲過的水沖一沖
水最好都係用番室溫的比較好!
之後要抹乾!!!
小心兔兔下巴會因為D菜菜太濕, 導致下巴的毛脫落
嚴重的話, 或會有皮膚病~
另外, 最好有2-3隻菜MIX比兔兔, 咁佢的營養會均衡D
可食的菜菜, 大家就參考番其他POST啦, 唔多講啦~
我個隻最鍾意食油麥菜, 會佔大部分
有時都會比下菜心,白菜個D~
補充:
我見大家對兔糧同菜菜都持不同意見
或者我再講多少少我的睇法
有兔友話比糧係視乎你比幾多種菜菜
呢點我不太贊同, 因為菜菜本身一定要比
而糧係唔一定要比
因此我唔會因為比幾多菜菜而改變糧的分量
請注意, 其實比兔兔食的野的分量係唔應該每天或隨意改變
除非係轉草或轉糧(轉糧係極度不建議!!要轉的話一定要好小心!!)
所以, 在一般情況下, 你每日比兔兔食的菜同糧的分量都應該一樣
要記住, 兔兔適應力較慢, 因為糧的分量不宜經常改變
所以之前都有提過轉草個D都要有個適應期
草草就每天無限量供應
菜菜亦應每天提供一樣的分量(最好有2-3種菜)
糧的話, 係佔每天所需的10%左右
可以話係佢地的零食, 所以大部分兔兔都極度鍾意
視乎你想唔想比, 如果比, 每天分量要一致, 不宜過多!
而我的選擇係唔比, 其實佢地唔知有好味的野就唔會期待
反正多吃無益~
水:
水樽一定要每天清洗, 水都每天一定要換!
水一定係人飲得, 煲過的個D!!!!
水溫, 唔可以太冷或太熱, 室溫最好, 微溫都可以(冬天合用)
唔可以比雪櫃個D凍水, 太凍~唔得!!
生果:
其實....最好唔比!!
生果糖分高, 嚴重影響兔兔健康, 多吃不宜!
如果真係比, 分量只可以每星期比一次約手指甲的大小
唔可以比得多!!!!!緊記!!!!!
我個隻就好乖, 比佢都唔食~哈哈哈!!
精要:
我比兔兔的食物只有:
1) T草 (OXBOW/MOMI)
2) 菜 (最好每日都有2-3種合適的菜MIX比兔兔食)
3) 水 (要煲過, 每天清洗及換水)
可免的食物:
1) 兔糧 (我曾經比過, 而家冇, 如果大家決定唔再比, 請將分量每天逐步減少)
2) 生果
3) 木瓜丸 (我從未買過, 比過兔兔食)
絕不能比的:
1) 磨牙石
2) 吐毛膏
3) 止痾水..
4) 其他唔知咩的野… (如發現兔兔有任何異常, 請盡早求醫, 坊間藥方信不過!!!!)
我不是專家, 只係將D一定岩的野/食物比兔兔 唔肯定/冇好處的就唔會比!! 大家記得通知身邊的朋友, 養兔兔前, 請三思~ 更希望大家唔係買兔兔, 而係領養!! |
|
分享
收藏
支持
反對
我要快D學定成年兔既飲食習慣
