小白又病了

2個月大的小白, 之前因為唔肯吃東西, 帶左佢去元朗睇醫生(本身想去返自己body check 果間九龍診所, 但要返工..), 現在好返好多....但........居然有小小側頭

請問大家有無遇過類似的事??

16/11/2011
前日去返元朗覆診, 因為九龍果間要去到星期六才有位..><
腸胃好返好多, 無胃脹, 但真的側頭..雖然只是側了幾度..但已經好明顯

其實, 我知道自己有責任, 但是, 我今天真的很生氣, 請容許我發火一會兒

小白的生病經過, 是上星期四晚開始的...
那天晚上, 我收工回家, 看見小白一如既往, 食草, 點知, 過左一陣, 我見佢行路時有點搖擺不定
我以為自己看錯, 點知當我抱佢出黎時, 見到佢行行下會跌倒, 平時佢知我餵草, 會企起身, 但佢一想企起身就跌返, 洗面都係一樣, 我好驚, 當時我不知道這時側頭的徵兆, 但我知佢生病了..
後來, 我拿佢最愛的草粉和糧食, 平時佢已經會衝出黎, 但佢無, 我好驚好驚..唯有迫佢食了一點兒草粉
當時已經晚上九點幾, 我不知道可以去邊度睇醫生, 唯有明天打去book醫生睇

11-11-2011
第二日, 我打去九龍醫院問問, book時間睇, 點知佢星期六日都full哂, 得星期一下午..我要返工..無人可以幫佢睇醫生呀
九龍醫院問了我小白的情況, 我如實告之, 牠們說唔食野係可以好嚴重, 可能係腸停, 叫我立即帶佢去睇醫生, 但大圍屯門果啲都收好早, 九龍醫院就叫我去元朗獸醫, 因為果度收九點ge..
咁果間我就帶左佢去睇啦..我跟醫生講(那個醫生居然講廣東話..), 佢唔係好食野, 食得超少, 便便都係超少, 而且平衝力好差..咁醫生就睇下佢, 點知小白去到診所變得好鬼活潑, 結果醫生說牠平衝力唔係太大問題, 可能血糖偏低( 因為小白兩個月大, 只有200g重), 咁之後佢話佢有胃腸, 開了很多藥給我, 還要餵佢吃草粉
藥物如下: (各位兔爸兔媽, 幫我睇下呢啲藥名..睇下有無咩問題..thanks)
BAYTRIL ORAL
FALGYL-S SUSPENSION
PANACUR
INFACOL WIND DROP
PREPULSID
METOCLOPRAMIDE
BIO LAPIS
CHOLESTYRAMINE ORAL
還有木瓜丸, 但小白唔肯食, 我唯有整碎佢連埋草粉比佢食..

12-11-2011
睇完醫生第二日, 小白已經可以自己食草( 但主要係A草, 仲要食碎碎果啲), 便便都開始見到一粒粒, 唔算太軟食TIM..
進度情況理想, 那時還未有偏頭出現。

13-11-2011
睇完醫生第三日, 便便越黎越多, 都開始正常, 依然有吃草, 開始自己吃返糧, 體重有增加, 未有側頭

14-11-2011
覆診日子到了, 那天早上, 還未太有留意牠有無側頭, 但見到佢有一些附有好似鼻涕的便便, 我心知不妙.
那天放工回家, 就看到佢的頭側了少少, 而側頭的那面眼睛好似不想打開似的, 都見到佢有時會跌到, 但依舊肯吃草和飲水, 大便仍然有些係好像早上咁不太正常, 帶佢去覆診
我將佢的便便情況告知醫生, 點知醫生說, 這是盲腸便, 係正常的, 仲叫我見到可以放埋落草粉餵佢食
但我覺得呢啲便便實在太UGLY, SO無放係草粉, 而佢體重由200G去到500G. 但醫生都見到佢側頭, 但因為佢腸胃無咩大問題, SO佢地認為還可以接受, 叫我一星期後覆診, 繼續食抗生素, 到時再照X光睇下咩事喎
咁好啦..我就拿小白一起回家了..

15-11-2011
側頭依舊, 但看到一地都是便便, 感到安慰!!

16-11-2011
今早, 我打去九龍果邊跟牠們講返元朗的事, 原來牠們已經問了果邊要求拎病歷, 但果度仍然未比. 咁我都講了側頭, 佢叫我多啲留意佢, 儘量唔好比佢再跌親整傷, 同埋KEEP住餵草粉, 咁我就多口問了關於便便的事, 點知.....
九龍果邊話, 附有好似鼻涕的便便係不正常的...
嬲爆, 元朗果間點會話係正常架..太過分了..><

各位兔爸兔媽, 我果度咁遲才帶佢去睇九龍係我不對, 但對於元朗咁GE治療態度, 我實在太生氣了..

希望小白無事, 如果唔係, 我會內疚一世( 小白呀!!你要振作呀!!)   

21-11-2011
上星期六, 帶了小白看九龍醫院了
醫生都認為是腸胃有問題, so要先解決腸胃問題
由於小白不太肯吃t草, 磨唔到teeth, 搞到啲teeth有點生得不好
開了藥, 但我回家時, 小白的側頭已有很大改善..^^

希望小白快啲好返啦!!^^

甘你仲唔帶佢去九龍診所 再睇多次>_<  側頭初期好似仲有得救返嫁~~~   全側會比較難d ..  快d睇醫生啦

係呀...側頭要快d睇醫生,

側頭係病徵~ 有幾個病都可能引致側頭, 而且可以變化得好快~ 快快睇醫生吧~到時touchwood情況太壞就慘了。

我真係好想知道側頭既兔兔究竟係點

請將你個頭... 90度角向左 / 向右...

兔仔既話...   本來眼係左右...   90度角完...眼仔會變左望上/ 望下

90度角好慘ga, 平衡都有問題, 所以要快d 醫

好彩我家兔兔仲未有側頭現象

我見過兔兔側頭側到成個頭貼地,行到行唔到

iloverabbit 發表於 2011-11-15 06:33 PM
我見過兔兔側頭側到成個頭貼地,行到行唔到

開頭好難平衡...     我見兔仔有側頭都可以周圍跑  但要做好保護...    所以傷風個D..  要盡早幫佢地醫好..  都係成因之一黎

兔兔側頭要快啲睇醫生醫呀，遲左醫去到後期就冇得醫架喇~
兔兔耳仔有問題好似會側頭~

越早醫，病情唔會咁嚴重，兔兔仲細，你唔想佢一世側頭呀。

睇黎側頭呢個真係大大大病黎...仲醫唔好

sanny0066 發表於 2011-11-15 05:19 PM
我真係好想知道側頭既兔兔究竟係點

想睇下則頭兔兔, 可以去兔協既網頁入邊, 有好多等待領養既兔兔, 有D係則頭既, 好可憐, 佢地好難有人會領養佢地