我係新手;Help~~

我係新手.........希望大家教我一D養兔注意ge野同知識~
我有好多問題~
1).點幫兔兔剪指甲??
2).係旺角邊到買兔好?
3).買咩用品??
4).點同兔兔做好朋友?
5).點抱兔........?
6).會5會成日咬人?
7).可5可以同佢着"三"??難5難??
8).放兔兔出泥玩,得5得?
9).應5應該買寵物窩,一放佢出泥玩..比佢訓下...等佢開心D呢??
10).應5應該買玩具,一放佢出泥玩...........我陪佢玩下玩具...等佢開心D~~

THX~

我係新手.........希望大家教我一D養兔注意ge野同知識~
我有好多問題~
1).點幫兔兔剪指甲??      
答: 人地話最好搵2個人同兔仔剪 , 千期吾好粗暴 吾係佢地會驚咖 不過熟左就吾怕咖啦 ,你可以用普通屋企用個種指甲Kim,我覺得都幾好用 ( 由期係剪手) 剪腳甲就未必用得上啦, 因為腳甲都幾粗,用返幫兔仔剪指甲個隻kim或者用猫猫剪個隻kim都得咖!

2).係旺角邊到買兔好?
我吾識答你, 我隻兔係i love rabbit 買左返黎一個月生金錢癬 而加醫好左 好彩冇事!!

3).買咩用品??
必須品當然買食既先啦!!

第1 我隻兔食緊oxbow 呢隻草 ,買草呢d野 你要睇多d資料, 兔bb同成兔食既草都吾同 ,仲有兔糧,都有分成兔同幼兔食咖,而兔糧食既份量吾係你話鍾意幾多就幾多 (搵資料/ 問店員就知咖啦)   仲有水樽丫 吾好買錯倉鼠飲個隻 ^^

第二 , 兔兔既日用品  你要買兔籠 , 兔仔既廁所 , 裝草既盛器 ,  兔籠同埋廁所呢d就要小心注意吾好揀d幼間既綱底黎買,因為兔仔成日都企係上面好易生腳瘡等等等等

第三 ,護理用品 , 毛梳 , 指甲kim

基本上都係呢d野 零食或其他吾係必須品, 吾計入去,你要自己搵下資料丫!

4).點同兔兔做好朋友?
你對兔仔好 兔仔會知 , 呢d野 只能同你分享感受 , 你要自己摸索

5).點抱兔........?
我係抱手,之後再抱屎忽 逗起佢壓落自己心口 , 你吾明就上網搵圖睇啦

6).會5會成日咬人?
睇兔仔既性格 , 我個隻會, 不過佢係玩

7).可5可以同佢着"三"??難5難??
兔仔吾洗著3咖 著左返而對佢吾好丫 ,如果你話想同佢保暖咁樣反而令佢暖吾到tim丫
緊係難啦, 我冇一次同佢著到 ( 諗住同佢影靚相 )

8).放兔兔出泥玩,得5得?
緊係得啦, 不過要注意家居安全, 要收起d危險野 eg, 電視 or 盆栽等等

9).應5應該買寵物窩,一放佢出泥玩..比佢訓下...等佢開心D呢??
呢樣野就............ 你自己鍾意啦

10).應5應該買玩具,一放佢出泥玩...........我陪佢玩下玩具...等佢開心D~~
佢可能會吾玩, 買吾買都係你鍾意啦......

希望你可以做個好主人!

1).點幫兔兔剪指甲??
可以BOOK兔協/PETSHOP 剪指甲  到時人地幫你兔仔剪個陣  你可以問+學下佢點剪  順手睇埋佢D手勢
都可以係依個網站搜尋爬文   有唔少兔友都有出過POST問點剪好^^ .
2).係旺角邊到買兔好?
旺角買兔真係唔知    見大部分PETSHOP環境都唔好..        你都可以上兔協望下有冇兔仔合眼  當幫佢地搵返個新家..     
如果真係要係PETSHOP買    買完  後  ''盡快''    BOOK 1個會睇兔仔既醫生做身體檢查
3).買咩用品??
籠    草     水''津''     食糧*草 糧        梳毛用既梳         買/用D新既毛巾洗好比兔仔用(抺地方 如:尿.  作清潔用途  或保暖作用)
4).點同兔兔做好朋友?
好講 兔仔性格   每隻唔同             慢慢養落   有D耐性 (兔仔都比較慢熱)        到時你會知道點同到佢做好朋友
5).點抱兔........?
你可以上兔協既網站   佢有教人地點抱兔仔                  ''一定絕對唔可以扯住佢地耳仔抱''
6).會5會成日咬人?  
你整嬲佢 佢當然係會咬 ..       你阻住佢行路    佢都會輕輕力咬  叫你走開D     因為佢地用口多過用雙手   
7).可5可以同佢着"三"??難5難??
著一陣影下相就可以既..   
但如果你幫佢著衫為左保暖   其實係無必要    人地話兔仔著左衫壓住佢D毛係保唔到暖
加上兔仔係一個愛清潔既小動物   中意LAM下身體 腳仔    著左件衫 =  LAM件衫
加上冬天佢都會有厚毛係保到暖 ((除非你幫佢剪左佢 =  = ))    當然 夏天你都要為佢修一下毛      你自己都唔會夏天著件厚毛衣..
8).放兔兔出泥玩,得5得?
絕對可以放係屋企比佢走     你都可以買個圍欄圍起佢玩既地方          但請收好你D電線  /  有危險 / 佢會吞落肚既野
如果出野外   兔仔成左年先低抗力好左會比較好      你都可以問醫生 加上搵醫生開藥  比佢出野外玩個陣   唔會野到D小虫仔上身
9).應5應該買寵物窩,一放佢出泥玩..比佢訓下...等佢開心D呢??
可以   一間屋仔 / 草屋     你自己都有間屋企   兔仔都可以有自己既小屋
10).應5應該買玩具,一放佢出泥玩...........我陪佢玩下玩具...等佢開心D~
1個廁紙筒 塞滿草佢都可以玩好耐    玩具唔洗買太多  可能1~2件就可以     識發聲  推得陏 佢地都好中意
有D兔仔中意你同佢玩  多過佢自己同自己玩
1隻兔仔出黎玩 做下運動既時間   係要4小時以上     
如果每日靜係比佢出到黎 得4小時左右  
你買既籠要大D  ..   希望係籠都訓得舒服D ..       地方可以既話  最好買個圍欄^^    咁你個籠都唔洗甘大個..
成日關佢係細細個既籠會好悶



網站上有--  兔兔寶典      養兔之前  得閒爬下文  /  搜尋關鍵字眼   睇一下舊既貼子   
了解一下佢既習性/食物/地方/健康
睇下自己有冇心理準備 / 心機去照顧  
爬哂寶典D文  大部分兔仔既野你都會識一半  
唔會到時養緊  有特別野發生   搞到自己雞手鴨腳 XP

霸王栗 發表於 2011-12-18 09:25 PM
我係新手.........希望大家教我一D養兔注意ge野同知識~
我有好多問題~
1).點幫兔兔剪指甲??      

thx;)~~

花芝媽 發表於 2011-12-18 11:59 PM
1).點幫兔兔剪指甲??
可以BOOK兔協/PETSHOP 剪指甲  到時人地幫你兔仔剪個陣  你可以問+學下佢點剪  順手睇 ...

THX~~~

你去兔協領養，唔使錢、幫到兔仔，又學到點照顧他們！

我都係領養ga

u better visit the website of hk rabbit society first before u decide to buy or adopt a rabbit

不過我係買左兔仔,先知有兔協